27 رجب المرجب کو اللہ پاک نے امام ُالانبیاء حضرت محمد مصطفیٰ ﷺ کو اپنے دیدار کے لئے لامکاں پر بلایا۔اس موقع پر دنیا بھر کے بیشتر علاقوں میں محافلِ نعت منعقد ہوتی ہیں جہاں نبی پاک ﷺ کے چاہنے والے نعتیں پڑھتے، بیانات سنتے اور نیاز کا اہتمام کرتے ہیں۔

اسی سلسلے میں‫ کراچی کے علاقے اورنگی ٹاؤن میں قائم جرمنی گراؤنڈ میں دعوتِ اسلامی کے زیرِ اہتمام شبِ معراج اجتماع کا انعقاد کیا گیا جس میں کثیر عاشقانِ رسول نے بذرریعہ مدنی چینل شرکت کی جن کی تعداد ہزاروں میں تھی۔

رکنِ مرکزی مجلسِ شوریٰ حاجی محمد علی عطاری نے ٹاؤن ذمہ داران سمیت دیگر اسلامی بھائیوں کے ہمراہ اس اجتماعِ پاک میں شرکت کی۔اجتماع کے اختتام پر پر رکنِ شوریٰ نے عاشقانِ رسول کو مدنی قافلوں میں سفر کرنے اور دعوتِ اسلامی کے ہفتہ وار سنتوں بھرے اجتماع میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

27 رجب المرجب کو اللہ عزوجل نے امام ُالانبیاء حضرت محمد مصطفیٰ ﷺ کو اپنے دیدار سے مشرف فرمایا۔اس موقع پر دنیابھر کے بیشتر علاقوں میں محافلِ نعت منعقد ہوتی ہیں جہاں نبی پاک ﷺ کے چاہنے والے نعتیں پڑھتے، بیانات سنتے اور نیاز کا اہتمام کرتے ہیں۔

اسی سلسلے میں‫ شیخوپورہ میں دعوتِ اسلامی کی جانب سے شبِ معراج اجتماع کا انعقاد کیا گیا جس میں کثیر عاشقانِ رسول نے شرکت کی جن کی تعداد ہزاروں میں تھی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے ’’معراجِ مصطفیٰ ﷺ‘‘ کے موضو ع پر سنتوں بھرا بیان کرتے ہوئے شبِ معراج کے واقعات بیان کئے۔

اجتماع کےاختتام پر رکنِ شوریٰ نے عاشقانِ رسول کو مدنی قافلوں میں سفر کرنے اور دعوتِ اسلامی کے سنتوں بھرے اجتماعات میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے تحت 28 فروری 2022ء بروز پیر شعبہ رابطہ برائے وکلاء کے ذمہ دار نے دینی کاموں کے سلسلے میں ڈسٹرکٹ کورٹ ٹھٹھہ کا دورہ کیا جہاں انہو ں نے موجودہ اور سابق صدر سمیت 25 وکلا سے ملاقاتیں کیں۔

اس دوران مبلغِ دعوتِ اسلامی نے وکلا کو نیکی کی دعوت پیش کرتے ہوئے انہیں اولیائے کرام کی دینی خدمات کے حوالے سے بتایا اور اولیائے کرام کی سیرت کو اپنانے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:شعبہ رابطہ برائے وکلاء، کانٹینٹ:غیاث الدین عطاری)

پچھلے دنوں عالمی مدنی مرکز فیضانِ مدینہ کراچی میں دعوتِ اسلا می کے زیرِ اہتمام ہفتہ وار مدنی مذاکرے کا انعقاد کیا گیا جس میں مختلف مقامات سے آئے ہوئے عاشقانِ رسول نے شرکت کی۔

اس دوران شعبہ کفن دفن کے تحت بستہ (اسٹال) لگایا گیا جس میں عزیر عطاری رکنِ شعبہ کفن دفن اور ملیر ٹاؤن ذمہ دار عابد عطاری سمیت دیگر اسلامی بھائیوں نے شرکت کی۔بعدازاں ذمہ داران نے بستے میں آنےوالے اسلامی بھائیوں کو شعبے کا تعارف کروایا۔(رپورٹ:شعبہ کفن دفن، کانٹینٹ:غیاث الدین عطاری)

عاشقانِ رسول کو علمِ دین سکھانے اور اُن کی دینی و اخلاقی تربیت کرنے کے لئے دعوتِ اسلامی کے زیرِ اہتمام  وقتاً فوقتاً مختلف ایونٹس کا انعقاد کیا جاتا ہے جس میں انہیں فرض علوم سکھائے جاتے ہیں۔

اسی سلسلے میں 28 فروری 2022ء بروز پیر میر پور ماتھیلو سندھ ضلع گھوٹکی کی بسم اللہ مسجد میں کفن دفن کورس کا اہتمام کیا گیا جس میں مبلغِ دعوتِ اسلامی اقبال عطاری نے سنتوں بھرا بیان کیا اور وہاں موجود اسلامی بھائیوں کو کفن دفن و نمازِ جنازہ کے چند ضروری مسائل سکھائے۔(رپورٹ:اعزاز عطاری مدنی شعبہ کفن دفن صوبائی ذمہ دار، کانٹینٹ:غیاث الدین عطاری)

گزشتہ دنوں شعبہ روحانی علاج دعوتِ اسلامی کے زیرِ اہتمام فیصل آباد میں مدنی مشورے کا انعقاد ہوا جس میں شعبے کے صوبائی اور ڈویژن ذمہ داران نے شرکت کی۔

اس مدنی مشورے میں مرکزی مجلسِ شوریٰ کے رکن حاجی فضیل رضا عطاری نے ذمہ داران سے گفتگو کرتے ہوئے شعبے کے دینی کاموں کا جائزہ لیااور اہداف دیئے نیز دینی کاموں میں مزید اضافے کے لئے مدنی پھول ارشاد فرمائے۔اس موقع پر نگرانِ شعبہ محمد انور رضا عطاری نے بھی شرکا کی تربیت و رہنمائی کی۔(رپورٹ:سمیر علی آفس ذمہ دار، کانٹینٹ:غیاث الدین عطاری)

دعوتِ اسلامی کے نیو سوسائٹی ڈپارٹمنٹ کے تحت 27 فروری 2022ء بروز اتوار مدنی مرکز فیضانِ مدینہ پاکپتن شریف میں مدنی مشورہ ہوا جس میں ڈیپارٹمنٹ کے ذمہ داران سمیت نیو سوسائٹی میں امامت کروانے والے امام صاحبان نے شرکت کی۔

صوبائی ذمہ دار حاجی غلام الیاس عطاری نے پاکپتن کے نیو سوسائٹیز میں دینی کام کرنے کے حوالے سے کلام کیا اور مساجد،مدارس اور دیگر پلاٹس کے حصول کا طریقہ کار بیان کیا۔(رپورٹ:محمد کاشف عطاری ، کانٹینٹ:غیاث الدین عطاری)

دعوتِ اسلامی کے رابطہ برائے ایگریکلچر اینڈ لائیو اسٹاک ڈیپارٹمنٹ کے تحت تحصیل قاسم آباد اور ڈسٹرکٹ ٹنڈو محمد خان منٹلی میں ایک میٹنگ ہوئی جس میں ڈیپارٹمنٹ کے ذمہ داراسلامی بھائیوں نے شرکت کی۔

دورانِ میٹنگ ڈاکٹر خلیل احمد عطاری، ڈاکٹر امید علی عطاری اورصوبائی ذمہ دار علی رضا عطاری نے اسلامی بھائیوں کی تربیت کرتے ہوئے انہیں دعوتِ اسلامی اسلامی کے 12 دینی کاموں میں عملی طور پر حصہ لینے کا ذہن دیا۔

اس کے علاوہ ذمہ داران نے مہران چوک ٹنڈو محمد خان میں قائم دعوتِ اسلامی کے مدرسۃ المدینہ بوائز کا وزٹ کیا جہاں انہوں نے بچوں اور قاری صاحبان سے ملاقات کی۔(رپورٹ:رابطہ برائے ایگریکلچر اینڈ لائیو اسٹاک ڈیپارٹمنٹ ، کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام الحرم مارکی واربرٹن میں ہفتہ وار سنتوں بھرا اجتماع منعقد ہوا جس میں سیاسی و سماجی اور مذہبی شخصیات سمیت کثیر عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی یعفور رضا عطاری نے’’شان سیدنا امیر معاویہ رضی اللہ عنہ ‘‘ کے موضوع پرسنتوں بھرا بیان کرتے ہوئے شرکائے اجتماع کی دینی و اخلاقی اعتبار سے تربیت کی۔

اس موقع پر حاجی نصر اقبال عطاری، مولانا اشفاق احمد رضوی، ڈسٹرکٹ نگران محمد شکیل عطاری، تحصیل نگران علی رضا عطاری، ائمہ مساجد ڈویژن ذمہ دار محمد آصف مدنی، اقبال گرینڈ ایونٹ کے آنر جاوید اقبال بگڑ، الحرم مارکی کے چیف ایگزیکٹو شیخ محمود قاضی، شیخ عبد الحفیظ، بزنس مین محمد آصف گئو، شیخ نوید احمد مونگہ اور پروفیسر قیصر وحید موجود تھے۔(رپورٹ:محمد رمضان عطاری مدنی مدرس جامعۃالمدینہ و امام و خطیب جامع مسجد فیضانِ غوث اعظم، کانٹینٹ:غیاث الدین عطاری)

پچھلے دنوں پنجاب پاکستان کے شہر فیصل آباد میں قائم مدنی مرکز فیضان مدینہ میں دعوت اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے شعبہ مکتبۃ المدینہ کے ذمہ داراسلامی بھائیوں کا مدنی مشورہ کیا جس میں پاکستان مشاورت کے اراکین، نگرانِ شعبہ وصوبائی ذمہ داران سمیت دیگر اسلامی بھائیوں نے شرکت کی۔

نگرانِ پاکستان مشاورت نے ذمہ داران سے گفتگو کرتے ہوئے انہیں مکتبۃالمدینہ کی آنے والی نئی کُتُب ورسائل کے حوالے سے بریف کیا خصوصی طور پر فیضان ڈیجیٹل قراٰن پین کا تعارف کروایا گیا۔

الحمدللہ مکتبۃ المدینہ دعوتِ اسلامی پیش کر رہاہے فیضان ڈیجیٹل قراٰن پین جس میں تلاوتِ قراٰن ِ پاک، نعت و بیان، آڈیو رسائل اور امیر اہلِ سنت دامت برکاتہم العالیہ کے مدنی مذاکروں کے ساتھ بچوں کے لئے اسلامک قصے شامل ہیں۔

واضح رہے اس مدنی مشورے میں مرکزی مجلسِ شوریٰ کے اراکین حاجی محمد امین عطاری اور حاجی فضیل رضا عطاری بھی موجود تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

صوبۂ پنجاب پاکستان کے شہر فیصل آباد میں قائم مدنی مرکز فیضان مدینہ میں سیکھنے سکھانے کا حلقہ منعقد ہوا جس میں نیو سوسائٹی ڈیپارٹمنٹ کے اسلامی بھائیوں سمیت شخصیات نے شرکت کی۔

دورانِ حلقہ دعوت اسلامی کی مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے ’’اصلاح اعمال‘‘ کے موضوع پر سنتوں بھرا بیان کرتے ہوئے نماز وں کی پابندی کرنے اور نیکی کی دعوت عام کرنے کے حوالے سے مدنی پھول دیئے۔

اس کے علاوہ نگرانِ پاکستان مشاورت نے اسلامی بھائیوں کو رمضان المبارک میں سنت اعتکاف کرنے اور دعوتِ اسلامی کے دینی کاموں کے لئے عطیات جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں سوشل میڈیا ڈیپارٹمنٹ کے اسلامی بھائیوں کی تربیت کے لئے مدنی مشورے کا انعقاد ہوا جس میں شعبے کے متعلقہ نگران شعبہ صوبائی اورمیٹرو پولیٹن ذمہ داران سمیت دیگر اسلامی بھائیوں نے شرکت کی۔

اس مدنی مشورے میں رکنِ مرکزی مجلسِ شوریٰ ونگرانِ پاکستان مشاورت حاجی محمد شاہدعطاری نے ذمہ داران سے گفتگو کرتے ہوئے شعبے کی تقرری اور کار کردگی سمیت 3 ماہ کا تقابلی جائزہ لیا۔

اس کے علاوہ نگرانِ پاکستان مشاورت نے اسلامی بھائیوں کو نیک اعمال پر عمل کرنے، نمازوں کی پابندی کرنے، رمضان المبارک کے سنت اعتکا ف میں بیٹھنے اور نیکی کی دعوت کو عام کرنے کے بارے میں مدنی پھول دیئے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)