دعوتِ اسلامی کے شعبہ کفن دفن کے زیرِ اہتمام 2 مارچ 2022ء بروز بدھ ضلع قصور کی ایک مسجد میں نمازِ جنازہ کورس کا انعقاد ہوا جس میں علاقے کے اسلامی بھائیوں نے شرکت کی۔

دورانِ کورس ضلع قصور ذمہ دار محمد دانش تفسیر عطاری نے شرکا کو نمازِ جنازہ پڑھنے کی فضیلت بیان کرتے ہوئے انہیں نمازِ جنازہ کا شرعی حکم بیان کیا اور چند ضروری مسائل سکھائے۔بعدازاں اہلِ علاقہ نے دعوتِ اسلامی کی اس کاوش کو سراہا۔(رپورٹ:محمد اورنگزیب عطاری ڈویژن ذمہ دار، کانٹینٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی  گرلز کے تحت 25 فروری 2022ء سے فیصل آباد، ساہیوال، راولپنڈی، لاہور اور گجرانوالہ ڈویژن میں مدرسات کی ڈویژن وائز سالانہ ورکشاپ کا انعقاد کیا گیا جن میں مدرسات، لیڈی ایڈمن اسٹاف نیز مجلس ذمہ دار اسلامی بہن و ہوم پاک ذمہ دار اسلامی بہن،عالمی مجلس کی رکن اسلامی بہن،شعبہ تعلیم کی نگران اسلامی بہن نے شرکت کی۔

فیضان آن لائن اکیڈمی کی مدرسات کے ساتھ شعبہ شارٹ کورسز کے عملہ کی اسلامی بہنیں بھی سیشن میں شریک رہیں۔ مجلس ذمہ دار اسلامی بہن اور ایڈمن کی اسلامی بہنوں نےمختلف اہم موضوعات پر تربیت کی اور اسی کے ساتھ تدریسی معیار کو مضبوط کرنے کے حوالے سے سوالات کا سلسلہ بھی رہا۔اختتام پر سیشن میں شریک اسلامی بہنوں میں تحائف کی تقسیم کاری کا سلسلہ بھی رہانیز سالانہ بنیاد پر نمایاں کارکردگی حاصل کرنے والی مدرسات کی حوصلہ افزائی کرتے ہوئےانہیں شیلڈز اور Appreciation latter بھی دیئے گئے ۔

پچھلے دنوں پنجاب پاکستان کے شہر سیالکوٹ کے علاقے رنگپورہ میں قائم دعوتِ اسلامی کے مدنی مرکز فیضانِ میں عظیم الشان اجتماع بسلسلہ معراجُ النبی ﷺ کا انعقاد کیا گیا جس میں اسلامی بھائیوں نےکافی تعداد میں شرکت کی۔

اس دوران نگرانِ رنگپورہ ٹاؤن حاجی سرفراز عطاری نے سنتوں بھرا بیان کرتے ہوئے شبِ معراج کے واقعات کو بیان کیا اور مبلغِ دعوتِ اسلامی نےقصیدۂ معراجیہ پڑھا ۔علاوہ ازیں اجتماعی طور پر دعا کا بھی سلسلہ رہا۔(رپورٹ:محمد عادل رضا عطاری سیالکوٹ، کانٹینٹ:غیاث الدین عطاری)

دعوتِ اسلامی کے شعبہ اصلاح اعمال )اسلامی بہنیں) کے تحت یکم مارچ2022 ء بروزمنگل بنگلہ دیش میں ماہانہ مدنی مشورے کا سلسلہ ہوا جس میں ڈھاکہ، چٹاگانگ، سلہٹ، راج شاہی، بنگلہ دیش کی اصلاح اعمال ذمہ دار اسلامی بہنوں نے شرکت کی ۔

اصلاح اعمال پر مقرر رکن عالمی مجلس مشاورت ذمہ دار اسلامی بہن نے ماہ رجب المرجب میں نفل روزوں کی عملی کارکردگی جمع کروانے کا ذہن دیا اور ڈویژن وائز مارچ کے اصلاح اجتماع شیڈول کے مطابق منعقد کرنے کی ترغیب دلائی نیز ماتحت شعبہ مدنی مذاکرہ بنگلہ ڈبنگ میں دیکھنے اور اسے عام کرنے کا ہدف بھی دیا ۔ اس پر اسلامی بہنوں نے اچھی اچھی نیتوں کا اظہار کیا، اس کے ساتھ ساتھ شعبے کے دینی کو کام بڑھانے کے طریقے بھی بیان کئے گئے۔

گزشتہ دنوں دعوت اسلامی کے شعبہ FGRF کےتحت گریٹر اقبال پارک مینار پاکستان لاہور میں شجرکاری مہم کا اہتمام کیا گیا جس میں ذمہ داراسلامی بھائیوں سمیت دیگر عاشقانِ رسول نے شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری نے اسلامی بھائیوں کے ہمراہ پارک میں پودا لگا کر اس مہم کا آغاز کیا اور ملک و قوم کی سلامتی کے لئے دعا کروائی۔

اس کے علاوہ رکنِ شوریٰ نے وہاں موجود عاشقانِ رسول کو شجرکاری مہم سمیت دعوتِ اسلامی کے دیگر دینی و فلاحی کاموں کے بارے میں بتایاجس پر انہوں نے دعوتِ اسلامی کی کاوشوں کو سراہا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ  اسلامی کے زیر اہتمام گزشتہ دنوں عالمی مجلس اور مجلس بین الاقوامی امور کی اراکین اسلامی بہنوں کا بذریعہ انٹرنیٹ مدنی مشورہ ہواجس میں ملک اور بیرون ملک میں مقیم اراکین اسلامی بہنوں نے شرکت کی۔

مدنی مشورے میں مختلف شعبہ جات کی اسلامی بہنوں کے مسائل سنے گئے جن کا باہمی مشاورت سے حل نکالا گیااور اسلامی بہنوں کے ہفتہ وار سنتوں بھرے اجتماعات کے حوالے سے چند تجاویز ملیں جن پر غور کیا گیا ۔

نارتھ کراچی، کریلا اسٹاپ سیکٹر 5B/3میں پہلا یتیم خانہ بنام ”مدنی ہوم“ کا سنگ بنیاد رکھ دیا گیا

”مدنی ہوم“ 15کروڑ روپے کی لاگت سے تیار کیا جائے گا

دعوت اسلامی کے شعبہ فیضان گلوبل ریلیف فاؤنڈیشن FGRFکے تحت کراچی کے علاقے نارتھ کراچی کے سیکٹر 5B/3کریلا اسٹاپ پر واقع مدینہ مسجد سے متصل جگہ پر پہلے مدنی ہوم ”یتیم خانہ“ کا سنگ بنیاد رکھ دیا گیا۔اس پروجیکٹ کی مکمل تعمیرات کم و بیش 15 کروڑ روپے کی لاگت سے تیار کیا جائیگا۔

تقریب سنگ بنیاد میں مفتی محمد سجاد عطاری مدنی، مفتی محمد جمیل عطاری مدنی، اراکین شوریٰ حاجی مولانا عبد الحبیب عطاری، حاجی امین عطاری، حاجی محمد علی عطاری، حاجی محمد امین قافلہ عطاری اوردیگر ذمہ داران سمیت نعت خواں، ڈپٹی کمشنر سینٹرل، بزنس مین اور مقامی معززین بھی شریک ہوئے۔

اس تقریب سے خطاب کرتے ہوئے رکن شوریٰ حاجی مولانا عبد الحبیب عطاری کا کہنا تھا کہ معاشرے میں امن اور استحکام کے لئے بچپن ہی سے یتیم بچوں کو دینی ماحول فراہم کریں گے جس سے ہمارے معاشرے میں مزید بہتری آئے گی۔

رکن شوریٰ نے مزید کہا کہ ہمارے معاشرے میں ایسے بہت سارے بچے ہوتے ہیں کہ جو یتیم ہوجاتے ہیں، لاوارث ہوجاتے ہیں، بعض اوقات ان کے والدین کے اندر جدائی ہوجاتی ہےاور بچہ کسی سائے کے بغیر رہ جاتا ہے۔ اس کے علاوہ ہم نے یتیم کی سرپرستی کرنے کے حوالے سے بہت سےفضائل بھی سن رکھے ہیں، بظاہر تو یہ لگتا ہےہم سب کو ایک ایک بچے کو اپناکر اس کی پرورش کرنی چاہیئےاور جنت کے خزانے حاصل کرنےکے لئے ان بچوں کو اپنے گھر میں رکھنا چاہیئے، مگر آج کے دور میں یہ آسان نہیں ہےلیکن دعوت اسلامی نے ہمارے لئے کام کرنابڑا آسان کردیاکہ اتنی بڑی فضیلتیں جو قرآن و حدیث میں آئیں ہےان کو حاصل کرنے کے لئےاور اگر ہم ان دکھیارے بچوں کو اسپانسر Sponsor کرنا چاہتے ہیں تو ایک شاندار ادارہ بنانے کی طرف دعوت اسلامی کے ڈیپارٹمنٹ FGRFنے قدم بڑھادیا ہے۔

مولانا عبد الحبیب عطاری نے اس کی پلاننگ کے حوالےسے بریفنگ دیتے ہوئے فرمایا کہ ہم یہ چاہتے ہیں کہ ایک بچہ جو ہمارے پاس آئے گا اس کا یہی گھر ہوگا، اس کی یہی فیملی ہوگی، دعوت اسلامی اس کے لباس، اس کے علاج، اس کی تعلیم و تربیت اور مستقبل کے حوالے سے کفالت کرے گی۔ اس بچے کو دینی و دنیاوی دونوں تعلیم دی جائے گی، تعلیم دیتے وقت مستقبل میں اس کے روزگار کو بھی مد نظر رکھا جائے گا۔ دعوت اسلامی کے پلان میں یہ بھی شامل ہے کہ جو بچہ یہاں سے پرورش حاصل کرے گا اسے دعوت اسلامی کے مختلف ڈیپارٹمنٹ میں ترجیحی بنیادوں پرEmployeeبھی رکھا جائے گا۔

بیان کے بعد یتیم خانہ بنام ”مدنی ہوم“ کا سنگ بنیاد دار الافتاء اہلسنت کے مفتیان کرام، اراکین شوریٰ، ذمہ داران دعوت اسلامی سمیت دیگر عاشقان رسول نے مل کر رکھا۔

2 مارچ 2022ء بروز بدھ شعبہ رمضان اعتکاف دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مشورہ ہوا جس میں کراچی سطح کے ذمہ داران نے شرکت کی۔

اس مدنی مشورے میں رکنِ مرکزی مجلسِ شوریٰ حاجی فضیل رضا عطاری نے دعوتِ اسلامی کے زیرِ اہتمام رمضان میں ہونے والے اعتکاف کی تیاری کے حوالےسے اہم امور پر گفتگو کی اور انہیں مدنی پھولوں سے نوازا۔(کانٹینٹ:غیاث الدین عطاری)

پچھلے دنوں شعبہ رابطہ برائے شخصیات کے ذمہ دار مدنی بستہ کے سلسلے میں پسرور میں DSP مَلِک عامر ، سیالکوٹ میں ڈپٹی کمشنر جنرل فاروق اکمل ،اسسٹنٹ کمشنر حیدر عباسی، سیکیورٹی انچارچ افضل خرم ، آئی ٹی انچارچ ڈسٹرکٹ پولیس خرم شہزاد PSO ٹو DPO وغیرہ سے ملاقات کی۔

دوران ملاقات مدنی بستہ کے حوالےسے گفتگو ہوئی اور ان حضرات نے مدنی بستے کے ساتھ مکمل تعاون کی یقین دہانی کروائی ۔ 

گزشتہ دنوں پنجاب پاکستان کے شہر ڈسکہ ضلع سیالکوٹ میں قائم دعوتِ اسلامی کے مدنی مرکز فیضانِ میں عظیم الشان اجتماع بسلسلہ معراجِ مصطفٰی ﷺ کا انعقاد کیا گیا جس میں کثیر اسلامی بھائیوں نے شرکت کی۔

اس اجتماعِ پاک میں نگران ڈسکہ کابینہ حاجی عثمان طاہر عطاری نے سنتوں بھرا بیان کرتے ہوئے شبِ معراج کے واقعات کو بیان کیا نیز مبلغِ دعوتِ اسلامی نے قصیدۂ معراجیہ پڑھا۔علاوہ ازیں اجتماعی طور پر دعا کا بھی سلسلہ رہا۔(رپورٹ:محمد عادل رضا عطاری سیالکوٹ، کانٹینٹ:غیاث الدین عطاری)

پچھلے دنوں عالمی مدنی مرکز فیضان مدینہ کراچی میں سیاسی رہنما اوکاڑہ عباس علی جٹ  اور ان کے دوستوں نےوزٹ کیا۔ساتھ ہی دعوت اسلامی کے دیگرشعبہ جات کا بھی دورہ کیا ۔ اس موقع پرعباس علی جٹ نے عالمی مدنی مرکز تین دن گزارنے کی نیت کی۔

گزشتہ دنوں شعبہ رابطہ برائے شخصیات کے تحت ڈی ایس پی ٹریفک پولیس  جناب ارشد قصور سے ملاقات ہوئی ۔

دوران ملاقات ان سے فیضان مدینہ کاہنہ مدارس وجامعات میں طلباء کی ٹریننگ کے لئےوقت لیا اور ان کو تحفہ میں آب زم زم اور کھجوریں پیش کیں۔