دعوت اسلامی کے زیر اہتمام میمن سوسائٹی مصطفیٰ گراؤنڈ حیدر آباد میں ایک سیاسی و سماجی رہنما حاجی عبد الکریم ہنگرہ کے ایصالِ ثواب کے لئے سنتوں بھرے اجتماع کا انعقاد کیا گیا جس میں مختلف سیاسی و سماجی شخصیات، کاروباری حضرات   اور دیگر عاشقانِ رسول نے شرکت کی۔

شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی نے سنتوں بھرا بیان فرمایا اور شرکا کو نماز کی پابندی، دین اسلام کی خدمت کرنے اور تلاوت قرآن کو اپنے معمول میں شامل کرنے کی ترغیب دلائی۔

اس موقع پر رکن شوریٰ حاجی فاروق جیلانی عطاری، شعبہ رابطہ برائے تاجران، نگران کابینہ و دیگر ذمہ داران بھی موجود تھے۔