دعوتِ اسلامی کے تحت پچھلے دنوں شعبہ مزاراتِ اولیاء کے ذمہ دار ثناء الله عطاری نے دینی کاموں کے سلسلے میں ڈسٹرکٹ سیالکوٹ کا دورہ کیا جہاں انہوں نے گاؤں ہیبت پور شریف میں واقع حضرت خواجہ درویش محمد یعقوب نقشبندی مجددی علیہ رحمہ کے مزار شریف پر حاضری دی۔

اس موقع پر ذمہ دار نے سجادہ نشین صاحبزادہ پیر حامد رضا محسن نقشبندی مجددی صاحب سے ملاقات کی اور دعوتِ اسلامی کے دینی کاموں کے حوالے سے گفتگو کی نیز انہیں دعوتِ اسلامی کا ”ماہنامہ فیضانِ مدینہ“ تحفے میں پیش کیا۔(رپورٹ: دانیال عطاری پاکستان مشاورت آفس ذمہ دار، کانٹینٹ: غیاث الدین عطاری )