دعوت اسلامی کے زیر اہتمام 26 اکتوبر 2021ء کو کراچی کے علاقے کریم آباد میں جشن عید میلاد النبی صلَّی اللہ علیہ واٰلہٖ وسلَّمکے موقع پر اجتماع میلاد کا انعقاد کیا گیا جس میں مقامی ذمہ داران اور علاقے کے عاشقان رسول کی بڑی تعداد نے شرکت کی۔

نگران ریجن برمنگھم یوکے حاجی سید فضیل رضا عطاری نے ”سیرت مصطفٰے صلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا اور شرکا کو اپنی زندگی سنت نبوی صلَّی اللہ علیہ واٰلہٖ وسلَّم کے مطابق زندگی گزارنے کا ذہن دیتے ہوئے دینی کاموں میں شرکت کرنے کی ترغیب دلائی۔