دعوت اسلامی کی مجلس رابطہ کراچی کے ذمہ داران نے ساجد جوکھیو (رکن سندھ اسمبلی)اور حاجی گل حسن جوکھیو سے ان کے گاؤں میں ملاقاتیں کیں اور ان کی بھابھی کے انتقال پر تعزیت کرتے ہوئے مرحومہ کے ایصال ثواب کے لئے دعائے مغفرت کی۔ اس موقع پر دیگر اسلامی بھائی بھی موجود تھے۔ ریجن ذمہ دار نے شرکا کو نیکی کی دعوت پیش کی اور انہیں مرحومہ کے ایصال ثواب کے لئے مدنی کاموں میں شرکت کی ترغیب دلائی۔

اسی طرح مجلس رابطہ کراچی ریجن کے ذمہ داران نے سوک سینٹر میں کراچی ڈیویلپمنٹ اتھارٹی کے دفتر میں ڈائریکٹر جنرل آصف اکرم سے ملاقات کی۔ ذمہ داران نے انہیں دعوت اسلامی کے مختلف شعبہ اور ان میں ہونے والے مدنی کاموں، فلاحی کاموں، تھیلیسیمیا اور دیگر امراض میں مبتلا مریضوں کے لئے پاکستان میں لگائے جانے والے بلڈکیمپس کے حوالےسے بتایا جس پر انہوں نے دین اسلام کی خدمت کیلئے دعوت اسلامی کی کاوشوں کو سراہا اور اپنی نیک خواہشات کااظہار کیا۔

بعدا زاں مجلس رابطہ کے ذمہ داران نے ٹول پلازہ صحرائے مدینہ میں واقع مزارات پر حاضری دی اور فاتحہ خوانی کا سلسلہ ہوا۔