آج 4 شعبان المعظم 1442ھ نواسۂ رسول، سردار نوجوانانِ جنت، گلشنِ فاطمہ کے پھول، سید الشہداء امام عالی مقام حضرت سیدنا امام حسین رضی اللہ عنہ کے جشن ولادت کی خوشی میں عالمی مدنی مرکز فیضان مدینہ کراچی میں مدنی مذاکرے کا انعقاد کیا جائیگا۔

مدنی مذاکرے کا آغاز تلاوت قرآن مجید سے ہوگا جبکہ نعت خواں حضرات بارگاہِ رسالت مآب صلَّی اللہ علیہ واٰلہٖ وسلَّم میں ہدیۂ نعت اور حضرت امام حسین رضی اللہ عنہکی شان میں منقبت پڑھیں گے۔

سیدالشہداء سیدنا امام حسین رضی اللہ عنہ کی شان و کرامت کو بیان کرتے ہوئے امیر اہل سنت دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات بھی ارشاد فرمائیں گے۔ مدنی مذاکرے میں جلوس حسینی کا بھی اہتمام ہوگا جبکہ اختتام پر لنگرِ حسینی کا انتظام بھی کیا گیا ہے۔

واضح رہے کہ یہ مدنی مذاکرہ مدنی چینل پر بھی براہ راست نشر کیا جائیگا۔