عاشقانِ رسول کی دینی تحریک دعوتِ اسلامی  کے زیرِ اہتمام بستی سیدن شاہ نزدجامع مسجد صغریٰ گلبرگ ٹاؤن لاہور میں اجتماعِ میلاد کے سلسلے میں سنتوں بھرے اجتماع کا انعقاد کیا گیا جس میں کثیر عاشقانِ رسول کی شرکت رہی۔

ابتداءً مبلغِ دعوتِ اسلامی نے تلاوتِ قراٰنِ پاک کیا اور سرکار ﷺ کی بارگاہ میں نذرانۂ عقیدت پیش کیاجبکہ رکنِ مرکزی مجلسِ شوریٰ حاجی یعفورر ضا عطاری نے ”عشقِ مصطفیٰﷺ“ کے موضوع پر سنتوں بھرا بیان کرتے ہوئے شرکا کو صحابۂ کرام علیہم الرضوان کے سرکار صلَّی اللہ علیہ واٰلہٖ وسلَّم سےعشق کا اظہار کرنے کے مختلف واقعات بیان کئے۔

بعدازاں رکنِ شوریٰ نے اسلامی بھائیوں کو دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )