حسن ایوب کے گھر شہزادی کی ولادت ہوئی

امیر اہل سنت علامہ محمد الیاس عطار قادری دامت بَرَکَاتُہمُ العالیہ نے اپنے آڈیو پیغام کے ذریعے حسن ایوب سمیت سارے خاندان والوں کو مبارکباد دی اور مدنی منے کانام رکھتے ہوئے دعاؤں سے نوازا اور مدنی پھول ارشاد فرمائے۔

پیغام عطار!

اولاد کو نیک بنانے کی فضیلت

اپنی اولاد کی اچھی سے اچھی تربیت کیجئے تاکہ آپ کی اولاد نیک بنے اور آپ کو ہمیشہ فائدہ پہنچتا رہے، اولاد کو نیک بنانا اتنے فائدے کا کام ہے کہ حدیث پاک میں ہے کہ: دنیاسے جانے کے بعد بھی مسلمان کو جن اعمال اور نیکیوں کا ثواب ملتا رہتا ہے ان میں سے نیک اولاد بھی ہے۔

سگِ مدینہ محمد الیاس عطار قادری رضوی عفی عنہ کی جانب سے پیارے پیارے مدنی بیٹے حسن ایوب کی خدمت میں السلام علیکم ورحمۃ اللہ وبرکاتہ

ماشا اللہ الکریم شہزادی کی ولادت بہت بہت بہت مبارک ہو۔ حسن بیٹا صحابیہ کی نسبت سے صاحب زادی کا نام رکھتا ہوں ”عاتکہ “۔ عاتکہ کے معنی ہے ”بہت خوشبو لگانے والی“ میں آپ کو مدنی بیٹی کو اور سارے خاندان کو مبارکباد پیش کرتا ہوں اور پیارے پیاری پھول جیسی بچی کو سلسلہ عالیہ قادریہ رضویہ میں داخل کرتا ہوں ۔

اللہ رب العزت اس بچی کو آپ کے لئے اور ساری امت کے لئے باعثِ برکت بنائے، یا ربِ مصطفی جلالہ و صلی اللہ علیہ وآلہ سلم عاتکہ عطاریہ کو درازی عمر بالخیر عطا فرما، مولائے کریم انہیں صحتوں،راحتوں، عافیتوں، عبادتوں، ریاضتوں، دینی خدمتوں بھری طویل زندگی عطا فرما۔

الہ العالمین انہیں ماں باپ کی آنکھوں کی ٹھنڈک اور فرمانبردار بنا، الہ العالمین انہیں نیک پرہیزگار عاشقِ رسول بنا، اے اللہ پاک گھر بھر کے افراد کے لئے دلوں کی راحت کا سامان بنے، کاش سارے خاندان میں نیکی کی دعوت پھیلنے کا سبب بنے۔

الہ العالمین پیاری پیاری بچی بڑی ہو کر باعمل عالمہ دین، مفتیہ اسلام اور دعوت اسلامی کی مخلص مبلغہ بنے، یا اللہ پاک ان کی امی کی کمزوری دور ہو، طاقت ہمت ، راحت عافیت نصیب ہو۔ یا اللہ پاک یہ نارمل لائف میں آئیں تیری رضا کے سائے میں دین و دنیا کے کام کرنے والی بنیں۔ یا اللہ ان کے ابو کو بھی صحت دے، ہمت دے، راحت دے، عافیت دے، روزی روزگار میں خیر و عافیت دے، سارا گھرانا شاد و آباد پھلتا پھولتا مدینےکی صدا بہار پھولوں کے صدقے مسکراتا رہے اور نیکی کی دعوت کی دھومیں مچاتا رہے۔ اٰمِیْن بِجَاہِ خاتم النّبیِّن صلَّی اللہ علیہ واٰلہٖ وسلَّم

امیر اہل سنت دامت بَرَکَاتُہمُ العالیہ نے مزید مدنی پھول ارشاد فرمایا کہ نمازوں کی پابندی کرتے ہیں گناہوں سے پاک سنتوں بھری زندگی گزار یں دعوت اسلامی کے دینی ماحول سے ہردم وابستہ رہیں خاندان کے تمام اسلامی بھائی اپنے چہرے پر تھوڑ ی کے نیچے ایک مٹھی داڑھی سجائیں داڑھی منڈانا اور ایک مٹھی سے گھٹانا حرام اور جہنم میں لے جانے والا کام ہے۔ معاذ اللہ اب تک جس نے داڑھی منڈائی یا ایک مٹھی سے گھٹائی ہے اس پر واجب ہے فورا توبہ کریں اور پکا عہد کریں کہ نہ اب داڑھی کٹے اور نہ ایک مٹھی سے گھٹے۔

مردوں کے لیے زلفیں رکھنا سنت ہے اللہ کریم کے پیارے پیار ے آخری نبی مکی مدنی محمد عربی صلی اللہ علیہ وآلہ وسلم نے کبھی آدھے مبارک کان تک کبھی پورے مبار ک کان تک اور کبھی مبارک کندھوں تک بال شریف بڑھائے۔ زہے نصیب اس سنت پر بھی عمل کی سعادت نصیب ہو۔

یاد رہے کہ مرد کے لئے بالوں کو اتنا بڑھانا کہ کندھوں کے نیچے پہنچ جائے حرام اور گناہ ہے جب کہ عورت کے لئے بالوں کو کاٹ کر کندھے سے اوپر کرلینا حرام اور گناہ ہے اس مسئلے کی مزید تفصیل کے لیے ”فتاویٰ رضویہ شریف جلد 21 صفحہ نمبر 600“کا مطالعہ فرمائیں۔

ہر جمعرات کو سنتوں بھرے اجتماع میں اول تا آخر شریک ہوں، رات گزاریں، وہیں سوئیں تہجد کی سعادت حاصل کریں رقت انگیز دعائیں تہجد کی بھی برکتیں لوٹیں۔ سنتیں سیکھنے سکھانے کے لیے ہرماہ کم از کم تین دن مدنی قافلے میں عاشقانِ رسول کے ساتھ سنتوں بھرا سفر اختیار کرے گھر کی تمام اسلامی بہنیں بدھ کے روز دوپہر میں دعوت اسلامی کے اجتماع میں شریک ہوں گھر کے تمام ا فراد اچھی اچھی نیتوں کے ساتھ روزانہ اپنے اعمال کا جائزہ لے کر مکتبۃ المدینہ کے نیک اعمال نامی رسالے میں دیئے ہوئے خانے پُر کریں اور ہر ماہ پہلی تاریخ کو اپنے یہاں کے دعوت اسلامی کے شعبہ اصلاحِ اعمال کے ذمہ دار کو جمع کروائیں ان شاء اللہ الکریم تقویٰ کا انمول خزانہ ہاتھ آئے گا اور عشقِ رسول کے چھلکتے جام نصیب ہوں گے ہفتہ وار دینی رسالہ ضرور پڑھا یا سنا کریں اس ہفتہ کا رسالہ ہے ”بابا جی اور گھر کے جھگڑے“ اس کے صرف 17 صفحات ہیں ضرور پڑھیں چاہیں تو آڈیو میں سن بھی سکتے ہیں۔

دعوت اسلامی کے اکلوتے ”ماہنامہ فیضان مدینہ“ کی بکنگ نہ کروائی تو کروالیں اور عمر بھر یہ سلسلہ جاری رکھیں اور پڑھتے بھی رہیں معلومات کا ڈھیروں ڈھیر خزانہ ہاتھ آئے گا۔ اِن شااللہ الکریم

مزید کم از کم ایک فرد کو 12 ماہ کے لیے ماہنامہ فیضانِ مدینہ کی بکنگ کروانے کے لیے تیار کیجئے اور ثواب کا حقداد بنیں۔ ہوسکے تو 2500 یا اس سے زائد کے رسائل مکتبۃ المدینہ سے خرید کر تقسیم فرمادیجئے۔