دعوت اسلامی کی مرکزی مجلس شوریٰ کے رکن حاجی یعفور رضا عطاری کی ہری پور ہزارہ کے بازار میں قائم فاروقیہ مسجد آمدہوئی جہاں بازار کے تاجروں نے ان کا استقبال کیا۔

مسجد میں مدنی حلقے کا انعقاد کیا گیا جس میں مقامی تاجروں نے شرکت کی۔رکن شوریٰ حاجی یعفور رضا عطاری نے ”کردار سازی“ کے موضوع پر بیان کیا اور تاجروں کو دعوت اسلامی کے دینی کاموں کے بارے میں معلومات فراہم کی۔ رکن شوریٰ نے شرکا کو یہ ذہن دیا کہ وہ اپنے بچوں کو حافظ قرآن اور عالم دین بنائے۔