صاحبزادہ عطار حضرت مولانا حاجی عبید رضا عطاری مدنی  مَدَّظِلُّہُ الْعَالِی کی اسلام آباد G-11میں قائم مدنی مرکز فیضان مدینہ تشریف آوری ہوئی۔

صاحبزادہ عطار نے راولپنڈی اور اسلام آباد کے ذمہ داران کو مدنی پھولوں سے نوازا جبکہ عاشقانِ رسول کو 3دن، 12 دن اور 12 ماہ کے مدنی قافلوں میں سفر کا ذہن بھی دیا۔ عاشقان رسول نے اپنے ڈویژن سے مدنی قافلوں کے اہداف پیش کئے۔ اس موقع پر اراکین شوریٰ حاجی محمد اظہر عطاری اور حاجی وقار المدینہ عطاری بھی موجود تھے۔

بعد ازاں مدنی مرکز فیضان مدینہ اسلام آباد میں جانشین امیر اہلِ سنت سے اسلام آباد ، راولپنڈی اور اٹک سے آئے ہوئے مختلف علمائے کرام نے ملاقات کی۔ علمائے کرام نے دعوت اسلامی کی عالمی سطح پر دینِ متین کی ہونے والی خدمات کو سراہا۔

ملاقات کرنے والے علمائے کرام میں حضرت مولانا محمد وسیم عباس قادری صاحب، حضرت مولانا سعید احمد نقشبندی صاحب، حضرت مولانا عطا الحق چشتی نقشبندی صاحب، مولانا وقار احمد مدنی صاحب اور مولانا رفاقت علی جلالی صاحب شامل تھے۔