پچھلے دنوں ضلع اوکاڑہ کے نواحی گاؤں حاجی چاندنزد منڈی احمد آبادمیں واقع جامعہ اکبریہ نقشبندیہ میں دعوتِ اسلامی کی مرکزی مجلسِ شوریٰ کے رکن مولانا حاجی جنید عطاری مدنی اور نگرانِ شعبہ رابطہ بالعلماء مولاناحافظ محمد افضل عطاری مدنی کی آمد ہوئی۔

اس موقع پر رکنِ شوریٰ مولانا حاجی جنید عطاری مدنی کی جامعہ کے مہتمم اور اساتذۂ کرام سے ملاقات ہوئی، رکنِ شوریٰ نے انہیں دعوتِ اسلامی کے شعبہ جات اور مختلف کورسز کا تعارف کروایا۔بعدازاں رکنِ شوریٰ مولانا حاجی جنید عطاری مدنی نے جامعہ کے طلبۂ کرام کے درمیان سنتوں بھرا بیان کیا اور انہیں مدنی پھولوں سے نوازا۔

بعدازاں طلبۂ کرام نے رکنِ شوریٰ مولانا حاجی جنید عطاری مدنی کے ہمراہ دعوتِ اسلامی کے زیرِا ہتمام ہونے والے ہفتہ وار مدنی مذاکرے میں شرکت کی۔ (رپورٹ: شعبہ رابطہ بالعلماء ،کانٹینٹ:غیاث الدین عطاری)