شعبہ کفن دفن دعوتِ اسلامی کے تحت 18 نومبر 2025ء کو گلستانِ جوہر ٹاؤن،کراچی میں موجود جامعۃالمدینہ بوائز فیضانِ جیلانی میں ”کفن دفن کورس“ کا انعقاد ہوا جس میں طلبۂ کرام شریک ہوئے۔

معلومات کے مطابق کورس کے دوران شعبے کے گلشن ڈسٹرکٹ ذمہ دار محمد بلال عطاری نے طلبۂ کرام کو غسلِ میت دینے کا پریکٹیکل کرکے بتایا اور انہیں کفن کاٹنے / پہنانے کے حوالے سے شرعی اصول بیان کئے۔

ڈسٹرکٹ ذمہ دار نےکورس میں شریک طلبۂ کرام کو نمازِ جنازہ ادا کرنے نیز تدفین میں حصہ لینے کی فضیلت و اہمیت بیان کی اور انہیں دعوتِ اسلامی کے دینی کاموں میں عملی طور پر شمولیت اختیار کرنے کا ذہن دیا۔(رپورٹ: عزیر عطاری ناظم آباد ڈسٹرکٹ شعبہ کفن دفن ، کانٹینٹ:غیاث الدین عطاری)