کورنگی ڈسٹرکٹ، شاہ فیصل ٹاؤن کراچی میں موجود جامعۃالمدینہ بوائز فیضانِ بہارِ شریعت میں 18 نومبر 2025ء کو دعوتِ اسلامی کے شعبہ کفن دفن کے تحت  ”غسلِ میت و کفن دفن کورس“ کا انعقاد کیا گیا جس میں درجہ خامسہ تا دورۂ حدیث شریف کے طلبۂ کرام نے شرکت کی۔

اس موقع پر ڈسٹرکٹ کورنگی کے ذمہ دار پھول رضا عطاری نے غسلِ میت دینے کی فضیلت و اہمیت بیان کرتے ہوئے وہاں موجود طلبۂ کرام کو غسلِ میت دینے کا شرعی طریقہ اور اس کی چند احتیاطیں بتائیں۔

علاوہ ازیں ڈسٹرکٹ ذمہ دار نے کفن کاٹنے اورپہنانے کے حوالے سے طلبۂ کرام کی رہنمائی کی اور انہیں پریکٹیکل کرکے بتایا جبکہ کورس کے اختتام پر طلبۂ کرام سے ٹیسٹ بھی لیا ۔اس موقع پر جامعۃالمدینہ بوائز فیضانِ بہارِ شریعت ، شاہ فیصل ٹاؤن کراچی کے شیڈول ناظم مولانا شبیر احمد عطاری مدنی بھی موجود تھے۔(رپورٹ: عزیر عطاری ڈسٹرکٹ ذمہ دار ، کانٹینٹ:غیاث الدین عطاری)