صوبائی دارالحکومت اسلام آباد سیکٹر G-11 میں دعوتِ اسلامی کے شعبہ کفن دفن کے تحت غسل میت و کفن کورس کا انعقاد کیا گیا جس میں اسلامی بھائیوں کی کثیر تعداد نے شرکت کی ۔

معلومات کے مطابق نگرانِ شعبہ صابر عطاری اور صوبائی ذمہ دار مولانا محمد مزمل عطاری مدنی نے کورس کرواتے ہوئے شرکا کو غسل میت کے شرعی احکام، سنت کے مطابق غسل دینے کے مراحل نیز پانی کے استعمال سے متعلق احتیاطی تدابیر سے آگاہ کیا ۔

کورس کے دوران خاص طور پر تختۂ غسل پر پانی زیادہ نہ بہانے، پانی کے مستعمل نہ ہونے اور غسل کی فضیلت کے حوالے سے حدیث پاک کی روشنی میں تفصیلات بیان کی گئیں جبکہ عوام الناس میں پائی جانے والی غلطیوں کی نشاندہی بھی کی گئی ۔

اس کورس میں سوال و جواب کا سیشن بھی ہوا جس میں شرکا نے اپنے سوالات کے تسلی بخش جوابات حاصل کیے۔ بعد ازاں نگرانِ شعبہ نے دعوتِ اسلامی کے دینی کاموں میں بڑھ چڑھ کے حصہ لینے بالخصوص 12 ماہ کے قافلے میں سفر کرنے کا ذہن دیا جس پر انہوں نے اچھی اچھی نیتیں کیں۔(رپورٹ: شعبہ کفن دفن ، کانٹینٹ:غیاث الدین عطاری)