پنجاب پاکستان کے کے شہر ملتان میں موجود دعوتِ اسلامی کے مدنی مرکز فیضانِ مدینہ میں شعبہ مدنی قافلہ کے تحت 6 اکتوبر 2024ء کو ٹریننگ سیشن اور مدنی مشورےکا انعقاد ہوا جس میں شعبے کے ڈسٹرکٹ تا ذیلی سطح کے ذمہ دار اسلامی بھائی شریک ہوئے۔

اس دوران نگرانِ شعبہ مدنی قافلہ حاجی مشکور عطاری نے انفرادی کوشش سمیت علاقائی دورہ برائے نیکی کی دعوت کا طریقہ بتایا اور اسلامی بھائیوں کو مدنی قافلوں میں سفر کرنے کا ذہن دیا جس پر انہوں نے 12 ماہ اور 1 ماہ کے مدنی قافلوں میں سفر کرنے کی اچھی اچھی نیتوں کا اظہار کیا۔

بعدازاں دارالسنہ کا بھی قیام کیا گیا جس پر اسلامی بھائیوں نے مدنی قافلے کے لئے اپنے اپنے نام لکھوائے اور اپنی نیتوں کا اظہار کیا۔ اس موقع پر شعبہ مدنی قافلہ کے صوبائی ذمہ دار محمد طاہر عطاری اور پاکستان سطح کی دارالسنہ ذمہ دار قاری باقر عطاری موجود تھے۔(رپورٹ: محمد باقر عطاری شعبہ مدنی قافلہ دارالسنہ پاکستان ذمہ دار ، کانٹینٹ:غیاث الدین عطاری)