13 فروری 2022ء بروز اتوار دعوتِ اسلامی کے شعبہ کفن دفن کے زیرِ اہتمام دربار والی مسجد پتوکی میں نمازِ جنازہ کورس منعقد ہوا جس میں علمائےکرام، تاجران، ٹیچرز، اسٹوڈنٹس اورپروفیشنلز اسلامی بھائیوں سمیت کثیر عاشقانِ رسول نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی منصور عطاری نے نمازِ جنازہ کے شرعی مسائل کے حوالے سے گفتگو کرتے ہوئے مکمل نمازِ جنازہ کا طریقہ سکھایا۔اس موقع پر تحصیل نگران مولانا فیضان عطاری مدنی سمیت دیگر ذمہ داران بھی موجود تھے۔(رپورٹ:شعبہ مدنی کورسز ، کانٹینٹ:غیاث الدین عطاری)