دعوت ِ اسلامی کی مجلس رابطہ برائے اسپورٹس کے تحت کراچی میں 16 دسمبر 2019 ء اصغر علی اسٹیڈیم،المنصورہ کرکٹ اکیڈمی، ینگر کرکٹ اکیڈمی اور نیا ناظم  آباد کرکٹ اکیڈمی میں درس کا سلسلہ ہواجس میں کرکٹر میصام عباس ،محمد عمیر ،محمد خرم (کرکٹ کوچ)، وقار کندی اور کوچ عظیمی سمیت دیگر کھلاڑیوں نے شرکت کی۔مبلغینِ دعوت ِ اسلامی نے شرکا کو ہفتہ وار اجتماع اور مدنی مذاکرے میں شرکت کی دعوت دی ۔

اسی طرح قمر خان(سینئر صحافی) کی رہائش گاہ پر مدنی حلقہ ہوا جس میں قمر خان سمیت دیگرشخصیات نے شرکت کی۔ مبلغ ِ دعوت اسلامی نے سنتوں بھرا بیان کیا اور شرکا کو دعوت اسلامی کا تعارف پیش کرتے ہوئے ہفتہ وار اجتماع کرنے کی دعوت دی۔(رپورٹر:محمد حامد رضا عطاری، مجلس رابطہ برائے اسپورٹس فیصل آباد)