بیرونِ ملک میں ہونے والی دعوتِ اسلامی کی دینی و فلاحی خدمات کی بریفنگ دینے کے لئے ذمہ دار اسلامی بھائیوں نے افریقی ملک گیمبیا میں ماحولیات، موسمیاتی تبدیلی اور قدرتی وسائل کے سیکرٹری وزیر علییو اینجی (Alieu Njie) سے ملاقات کی۔

دورانِ ملاقات نگرانِ شعبہ پبلک ریلیشن یوکے حاجی سیّد فضیل رضا عطاری نے سیکرٹری سے مختلف امور پر گفتگو کرتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات سے آگاہ کیا جس پر سیکرٹری علییو اینجی نے دعوتِ اسلامی کی کاوشوں کو سراہا۔(کانٹینٹ:غیاث الدین عطاری)

24 اگست 2022ء کو دعوت اسلامی کے تحت یوگینڈا افریقہ میں اسلامی بہنوں کے لئے سنتوں بھرے اجتماع کا انعقاد کیا گیا جس میں مقامی اسلامی بہنوں سمیت ذمہ دار اسلامی بہنوں نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے پردے میں موجود اسلامی بہنوں میں بذریعہ آڈیو سنتوں بھرا بیان فرمایا۔ جانشین امیر اہلسنت نے اسلامی بہنوں کو دینی کاموں میں شرکت کرنے اور نماز، روزوں کی پابندی کرتے رہنے کی ترغیب دلائی۔

23 اگست 2022ء کو یوگینڈا کے سٹی کمپالا میں موجود پاکستان ہائی کمیشن میں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی کی تشریف آوری ہوئی جہاں ہائی کمشنر حسن وزیر سے ملاقات کی اور دینی و فلاحی کاموں پر گفتگو کا سلسلہ ہوا۔

اس ملاقات میں جانشین امیر اہلسنت نے ہائی کمیشن کے وزیٹر رجسٹر کے پہلے صفحے پر ”فرمان مصطفےٰ ﷺ“ تحریر فرمایا اور ہائی کمشنر کو ”فیضان ڈیجیٹل قرآن پین“ تحفے میں پیش کیا۔آخر میں ملک و قوم کی سلامتی کے لئے دعائیں بھی کی گئیں۔

اس موقع پر رکن شوریٰ حاجی امین قافلہ عطاری بھی موجود تھے۔

دعوت  اسلامی کے تحت 19 اگست 2022ء کو ہجویری، سری لنکا انڈونیشیا کی ریجن نگران و ما تحت اسلامی بہنوں کا بذریعہ انٹر نیٹ مدنی مشورہ ہوا جس میں نگران عالمی مجلس مشاورت اسلامی بہن نے مقامی اسلامی بہنوں میں دینی کام کرنے کا طریقہ کار بتایا اور اوورسیز میں کام کرنے کے لئے مدنی پھول میں تبدیلی کی ضرورت اور انڈونیشیا میں اصلاحِ اعمال اجتماع ہونے سے متعلق تبادلہ خیال کیا۔

دنیا بھرکے  مسلمانوں کو اسلامی تعلیمات اور بزرگانِ دین کی سیرتِ طیبہ سے آگاہ کرنےکے لئے عاشقانِ رسول کی دینی تحریک دعوتِ اسلامی کے زیرِا ہتمام مختلف پروگرامز کا انعقاد کیا جاتا ہے۔

اسی سلسلے میں پچھلے دنوں یورپی ملک سویڈن کے شہرمالمو میں محرم الحرام کی مناسبت سے خصوصی پروگرام بنام ” ہم کربلا سے کیا سیکھا“ کا اہتمام کیا گیا جس میں کاروباری، تعلیمی اور سرکاری و سیاسی شعبہ جات سے تعلق رکھنے والےکثیر لوگوں نے شرکت کی جن میں بالخصوص سویڈن کی سیاسی شخصیت زبیر حسین بھی شامل تھے۔

اس پروگرام میں یورپی یونین ریجن کے نگران مولانا اسید رضا عطاری نے سنتوں بھرا بیان کرتے ہوئے کربلا کے واقعے سےحاصل ہونے والے سبق اور اس کے فلسفۂ پر روشنی ڈالی۔

اس کے علاوہ مبلغِ دعوتِ اسلامی نے شرکا کو حضرت سیّدنا امام حسین رضی اللہ عنہ اور ان کے رفقاء کے نقش و قدم پر چلنے کا ذہن دیا نیز دعوتِ اسلامی کے دینی کاموں میں عملی طور پر حصہ لینے کی ترغیب دلائی۔ (رپورٹ:محمد رضوان حسین عطاری رکن یورپی یونین ریجن، کانٹینٹ:غیاث الدین عطاری)

رنگ و نسل میں بلا تفریق احیائے سنت اور دین اسلام کی تعلیمات کو عام کرنے والی عاشقان رسول کی دینی تحریک دعوتِ اسلامی کے زیرِ اہتمام پچھلے دنوں افریقی ملک گیمبیا میں ایک مقامی اسلامی بھائی کے گھر پر سیکھنے سکھانے کا حلقہ لگایا گیا۔

دورانِ حلقہ نگران شعبہ پبلک ریلیشن یوکے حاجی سیّد فضیل رضا عطاری نے سنتوں بھرا بیان کیا اور وہاں موجود اسلامی بھائیوں کی دینی و اخلاقی اعتبار سے تربیت کی۔

مزید نگرانِ شعبہ نے حلقے میں شریک اسلامی بھائیوں کو دعوتِ اسلامی کے دینی ماحول میں رہتے ہوئے اسلامی تعلیمات کے مطابق زندگی گزارنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

16 اگست 2022ء کو ریجن نگران  اسلامی بہن کی ملک نگران اسلامی بہن کے ساتھ دینی کاموں کے سلسلے میں میٹنگ ہوئی جس میں ربیع الاول کے مدنی پھولوں پر مشورہ ہوا اِس میں اجتماعِ میلاد کی تشہیر کرنا اور شرعی پردہ اور حجاب والا برقع پہننے کا ہدف دیا گیا۔

18 اگست 2022ء کو دعوت اسلامی کے وفد نے گیمبیا، ویسٹ افریقہ میں  وزیر مذہبی امور، لینڈز اور ریجنل گورنمنٹ شیرف اباسانیانگ سے ملاقات کی۔ وفد میں نگران شعبہ پبلک ریلیشن یوکے حاجی سید فضیل رضا عطاری اور دیگر ذمہ داران شامل تھے۔

حاجی فضیل عطاری نے انہیں دعوت اسلامی کے دینی، تعلیمی و فلاحی سرگرمیوں کے بارے میں بریفنگ دی جس کو شیرف ابا سانیانگ نے خوب سراہا اور نیک خواہشات کا اظہار کیا۔

دعوت اسلامی کی جانب سے  12اگست 2022ء کو سینٹرل افریقہ کی ریجن نگران اسلامی بہن کا یوگنڈا کی اسلامی بہن کے ساتھ دینی کام کے سلسلے میں مدنی مشورہ ہوا جس میں انفرادی و تنظیمی مسائل پر بات چیت ہوئی اور نعم البدل بنانے کے حوالے سے مدنی پھول بنائے گئے۔

نیکی کی دعوت کو عام کرنے کے جذبے کے تحت سینٹرل افریقہ  کی اسلامی بہنوں کے جولائی2022ء کے دینی کاموں کی چند جھلکیاں ملاحظہ فرمائیے۔۔۔

اس ماہ انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد: 2

روزانہ گھر درس دینے والوں کی تعداد: 59

مدرسۃ المدینہ بالغات کی تعداد: 16

مدرسۃ المدینہ بالغات میں پڑھنے والی اسلامی بہنوں کی تعداد: 101

ہفتہ وار سنتوں بھرے اجتماعات کی تعداد: 19

ان میں شرکت کرنے والی اسلامی بہنوں کی تعداد : 242

ہفتہ وار مدنی مذاکرہ سننے والی اسلامی بہنوں کی تعداد : 85

ہفتہ وار علاقائی دورے کرنے والی اسلامی بہنوں کی تعداد :37

ہفتہ وار رسالہ پڑھنے/ سننے والی اسلامی بہنوں کی تعداد: 167

دعوتِ   اسلامی کے زیر اہتمام 14 اگست 2022ء کو نگران عالمی مجلس مشاورت اسلامی بہن نے وقف مبلغہ سفر سے متعلق بذریعہ انٹر نیٹ مدنی مشورہ لیا جس میں سینٹرل افریقہ ریجن نگران ، سفر مجلس ذمہ دار اور وقف مبلغہ اسلامی بہنوں نے شرکت کی۔

اس مشورے میں نائیجریا کے دینی کام میں کیسے مضبوطی لائی جائے؟ نائیجریا میں ہونے والے آن لائن اجتماع پر توجہ رکھی جائے اور اسلامی بھائیوں کی طرف سے محرمات کی معلومات ملے اس پر توجہ رکھی جائے ، ان امور پر بات چیت ہوئی۔

15 اگست 2022ء کو دعوت اسلامی کے شعبہ پبلک ریلیشن یوکے نگران حاجی سید فضیل رضا عطاری اور شعبہ FGRFلندن ریجن کے نگران رضوان رشید عطاری نے ویسٹ افریقہ کے شہر گیمبیا میں کنسلٹنٹ Consultant ڈاکٹر تیجان اور وزارت ماحولیات کے ڈپٹی مستقل سیکرٹری ابوبکر زیدی جلو سے ملاقات کی۔

حاجی فضیل رضا عطاری نے انہیں دعوت اسلامی کی مجموعی بین الاقوامی سرگرمیوں پر تبادلہ خیال کیا گیا جن میں دار المدینہ،اسلامی نظام تعلیم، مدرسۃ المدینہ، جامعۃ المدینہ اور آن لائن ایجوکیشن تھی۔

اس کے علاوہ ذمہ داران دعوت اسلامی نےشعبہ FGRFکی فلاحی اقدامات سے متعلق آگاہ کیا جس میں واٹر ویلز، واٹر ہینڈ پمپس، بورنگ، سولر پینلز اور ٹری پلانٹیشن پر روشنی ڈالی گئی جسے سن کر حکومتی حکام متاثر ہوئےاور دعوت اسلامی کے ساتھ ہرممکن تعاون کرنے کی یقین دہانی کروائی۔