دعوتِ اسلامی کے تحت یاشیو مسجد جاپان میں عشاء کی نماز کے بعد مدرسۃالمدينہ بالغان لگایا جاتا ہےجس میں مقامی اسلامی بھائی شرکت کی سعادت حاصل کر رہے ہیں۔ مدرسہ بالغان میں اسلامی بھائیوں کو قراٰن کریم درست پڑھنے کے ساتھ ساتھ وضو ، غسل اور نماز کے مسائل سکھائے جاتے ہیں ۔ آپ بھی اپنے قریبی مدرسۃ المدينہ بالغان میں ضرور شرکت فرمائیےاور قراٰن ِ کریم کے نور سےاپنے قلوب کو جگمگائیے۔

اَلْحَمْدُ لِلّٰہِ عَزَّ وَجَلَّ دعوتِ اسلامی دنیا بھر میں دینِ اسلام کی ترویج و اشاعت کے سلسلے میں اپنی بے مثال خدمات پیش کر رہی ہے ۔ اس مدنی ماحول کی برکت سے کئی غیر مسلم اپنا باطل مذہب چھوڑ کر دامنِ اسلام سے وابستہ ہوچکے ہیں۔

گزشتہ دنوں کینیا کے ایک غیر مسلم کا رابطہ پاکستان کے ایک مبلغِ دعوتِ اسلامی سے ہوا ۔ مبلغِ دعوتِ اسلامی نے ان پر انفرادی کوشش کی جس کی برکت سے اس غیر مسلم پر اسلام کی حقانیت ظاہر ہوگئی اور کلمہ پڑھ کر مسلمان ہوگیا۔ اسلامی نام عمر رکھا گیا۔(رپورٹ: محمداشفاق مدنی،ناظم جامعۃالمدینہ راولپنڈی)

دعوتِ اسلامی کے تحت10 دسمبر بروز منگل2019 ء کورائے پور زون چھتیس گڑھ کے شہر بلاسپور میں ذمہ دار اسلامی بھائیوں نے مختلف علمائے کرام سے ملاقاتیں کیں،طلبہ کے اجتماعِ غوث پاک میں سنتوں بھرا بیان فرمایا جبکہ چھتیس گڑھ میں واقع حضرت انسان شاہ رحمۃ اللہ علیہ کے مزار شریف پر حاضری و فاتحہ خوانی کی اور وہاں کے ذمہ داران سے ملاقات کرتے ہوئے نیکی کی دعوت بھی پیش کی۔ 

دعوتِ اسلامی کے تحت دنیا بھر میں قرآن و سنت کے پیغام کو عام کرنے کا سلسلہ جاری و ساری ہے اسی سلسلے میں11 دسمبر بروز بدھ2019 ء کو یاشیو سٹی جاپان کی غوثیہ مسجد میں قائم مدرسۃالمدینہ بالغان میں وقف مبلغ12 مدنی کام اسلامی بھائی نے بزنس سے وابستہ اسلامی بھائیوں کونماز کی ادائیگی کا عملی طریقہ سکھایا اور مشق بھی کروائی۔ (رپورٹ:نعیم رضا عطاری ،وقف مبلغ12 مدنی کام)

برمنگھم یوکے میں مدرسۃ المدینہ کے زون سطح کے ذمہ داران کا اجلاس  منعقد ہوا۔دورانِ اجلاس برطانیہ میں مدارس المدینہ کی نئی شاخیں کھولنے اور پہلے سے موجود مدارس میں مزید بہتری لانے کے بارے میں تبادلہ خیال کیا گیا۔ نگرانِ شاذلی زون سید فضیل رضا عطاری نے اجلاس میں خصوصی شرکت کی اور شرکا کو مدنی پھول عطا فرمائے۔

پچھلے دنوں دعوتِ اسلامی کے تحت برمنگھم یوکے میں ویسٹ مڈلینڈز اور ایسٹ مڈلینڈز کابینہ سطح کے ذمہ داران کا  اجلاس منعقد ہوا ۔ اجلاس میں نگرانِ شاذلی زون سید فضیل رضا عطاری نے شرکت کی اور ذمہ داران کو اپنی اپنی کابیناؤں میں مدنی کام بڑھانے کے متعلق قیمتی نکات پیش کئے۔ مدنی مشورے میں دیگر امور پر تبادلۂ خیال بھی کیا گیا۔

پچھلے دنوں مڈ لینڈ یوکے برمنگھم میں شعبۂ تعلیم کے زیرِ اہتمام  بچوں کے لئے ایک ورکشاپ بنام ” Harms of computer games “ کا انعقاد کیا گیا۔ ورکشاپ کے انعقاد کا مقصد بچوں میں یہ شعور پیدا کرنا تھا کہ کمپیوٹر گیمز ہمارے لئے کس طرح نقصان دہ ہیں۔ مبلغِ دعوتِ اسلامی نے لیکچر دیتے ہوئے بچوں کو بتایا کہ کمپیوٹر گیمز ہماری آنکھوں اور ہمارے جسم کے لئے شدید نقصان دہ ہیں جبکہ کئی گیموں میں بے حیائی کے مناظر بھی ہوتے ہیں جن سے روحانیت اور آخرت تباہ ہوجاتی ہے۔ 

پچھلے دنوں مڈ لینڈ یوکے میں شعبۂ تعلیم کے زیرِ اہتمام  بچوں کے لئے ایک ورکشاپ بنام ” Harms of Anger“ کا انعقاد کیا گیا۔ ورکشاپ میں بچوں کو غصے کے نقصانات اور اس کی تباہ کاریوں کے متعلق بریفنگ دی گئی۔ مبلغِ دعوتِ اسلامی نے بچوں کو غصے کے دینی اور دنیاوی نقصانات ایکسپلین کئے۔

پچھلے دنوں مڈ لینڈ یوکے  میں شعبۂ تعلیم کے زیرِ اہتمام نوجوانوں کے لئے ایک ورکشاپ بنام ” Showing Off“ یعنی ”دکھاوا اور خود نمائی “ کا انعقاد کیا گیا جس میں شریک نوجوانِ امت کو دکھاوے کے نقصانات کے بارے میں آگاہی فراہم کی۔ مبلغِ دعوتِ اسلامی نے شرکا کو بتایا کہ دکھاوا کس کس طرح سے ہمارے لئے نقصان دہ ثابت ہوتا ہے جبکہ دکھاوے کی عادت ہمارے لئے دنیا میں نقصان دہ ہونے کے ساتھ ساتھ آخرت کے لئے بھی نقصان دہ ہے۔ 

دعوتِ اسلامی کے زیرِ اہتمام  3 دسمبر 2019ء بروز منگل یوکے کے شہر برٹن میں ایصالِ ثواب اجتماع کا اہتمام کیا گیا جس میں مبلغِ دعوتِ اسلامی نے شرکا کو اپنی قبر و آخرت کو بہتر بنانے کے عنوان پر سنتوں بھرا بیان فرمایا اور اجتماع میں شریک عاشقانِ رسول کو دعوتِ اسلامی کا تعارف پیش کیا۔اجتماعِ پاک میں مقامی افرادنے شرکت کی اور خدماتِ دعوتِ اسلامی کو سراہا۔