دعوتِ اسلامی کے تحت پچھلے دنوں نگران عالمی مجلس مشاورت نے دینی کاموں کا فالو اپ لینے کے لئے اپنی ریجن نگران اسلامی بہنوں کے ہمراہ آن لائن مدنی مشورہ کیا۔

دورانِ مدنی مشورہ دعوتِ اسلامی کے تحت 13 نومبر 2022ء کو شعبہ جات کے لئے ہونے والے ٹیلی تھون کے متعلق اپنے اپنے ملکوں میں ذمہ دار اسلامی بہنوں کے درمیان مدنی مشورہ منعقد کرنے اور انفرادی رابطے کرنے کی ترغیب دلائی۔

بعدازاں نگران ِعالمی مجلس مشاورت نے یورپین یونین میں فیضان صحابیات کے آغاز کا فولو اپ لیا اور ریجن نگران اسلامی بہنوں سے اپنے اپنے مقامیوں میں دینی کام کرنے کے اہداف دیئے۔

پچھلے دنوں ڈیفنس میں ٹاؤن نگران اسلامی بہن کے بیٹے کا انتقال ہو گیا جن کے ایصالِ ثواب کے لئے دعوتِ اسلامی کے تحت محفلِ میلاد کا انعقاد کیا گیا جس میں نگران عالمی مجلس مشاورت نے سنتوں بھرا بیان کیا اور اُن کی دینی و اخلاقی اعتبار سے تربیت کی نیز اسلامی بہنوں سے ملاقات بھی کی۔

دوسری جانب بنگلہ دیش میں ہونے والے 3 دن کے رہائشی کورس ”آغاز دینی کام “ میں نگران عالمی مجلس مشاورت نے بذریعہ انٹرنیٹ سنتوں بھرا بیان کیا جس میں انہوں نے اسلامی بہنوں کو آخرت کی تیاری کا ذہن دیتے ہوئے اپنے وقت کی قدر کرنے، دعوتِ اسلامی کے دینی کاموں میں عملی طور پر حصہ لینے اور مرکزی مجلسِ شوریٰ کے طے شدہ مدنی پھول کے مطابق اپنے نگران کی اطاعت کرنے کا ذہن دیا۔

دعوتِ اسلامی کے زیرِا ہتمام راولپنڈی دارالسنہ میں جاری رہائشی فیضانِ قراٰن و مدنی قاعدہ کورس کی شرکا اسلامی بہنوں کے درمیان ایک سیشن ہوا جس میں مبلغہ دعوتِ اسلامی نے سنتوں بھرا بیان کیا اور اُن کی دینی و اخلاقی اعتبار سے تربیت کی۔

اسی طرح اسلام آباد پاکستان میں قائم دعوتِ اسلامی کے جامعۃالمدینہ گرلز میں اسٹاف و طالبات کے درمیان سیکھنے سکھانے کا حلقہ لگایا گیا جس میں ذمہ دار اسلامی بہن نے ”علمِ دین کی اہمیت“ کے موضوع پر سنتوں بھرا بیان کیا۔

اس کے علاوہ دعوتِ اسلامی کی ذمہ دار اسلامی بہنوں نے آزاد جمبوں کشمیر کے ڈویژن پونچھ اور میرپور میں قائم عاشقانِ رسول کے جامعات کا وزٹ کیا اور وہاں موجود معلمات و ناظمات سے ملاقات کی۔

بعدازاں جامعات میں درسِ نظامی (عالم کورس) کرنے والی طالبات کے درمیان مبلغاتِ دعوتِ اسلامی نے سنتوں بھرے بیانات کئےجس میں انہیں دعوتِ اسلامی کے تحت ہونے والے اسلامی بہنوں کے 8 دینی کاموں میں عملی طور پر شرکت کرتے ہوئے مدرسۃالمدینہ بالغات میں پڑھنے/پڑھانے اور ناظرہ قراٰن کورسز کرنے/ کروانے نیز گھر گھر تعلیمِ قراٰن کا فیض عام کرنے کی ترغیب دلائی جس پر شرکا نے اچھی اچھی نیتوں کا اظہار کیا۔

دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت عالمی مجلسِ مشاورت اسلامی بہن کا دینی کاموں کے سلسلے میں شعبہ مدرسۃالمدینہ بالغات، شعبہ قاعدہ و ناظرہ، شعبہ گلی گلی مدرسۃالمدینہ اور پاکستان سطح کی شعبہ قاعدہ و ناظرہ کی ذمہ دار اسلامی بہنوں کے ہمراہ کراچی سندھ سے صوبۂ بلوچستان کے سرکاری ڈویژن راولپنڈی، اسلام آباد نیز آزاد جمبوں کشمیر کے تینوں سرکاری ڈویژن مظفرآباد، پونچھ اور میرپور کا شیڈول رہا۔

اس دوران ذمہ دار اسلامی بہنوں نے شعبہ ذمہ داران و مدرسات کے درمیان سنتوں بھرے بیانات کئے اور شعبہ جات کی ترقی کے لئے مدنی مشورے کا انعقاد کیا گیاجس میں اسلامی بہنوں کو تعلیمِ قراٰن کو گھر گھر عام کرنے نیز ان شعبہ جات کے دینی کاموں کو مزید بڑھانے کے حوالے سے اہداف دیئے گئے۔

علاوہ ازیں مقامی ذمہ دار اسلامی بہنوں نے اچھی اچھی نیتیں کرتے ہوئے اپنے اہداف کی تکمیل کے لئے مزید جذبے کے ساتھ قاعدہ و ناظرہ کورسز کرواکر مدرسات تیار کرنےاور ان مدرسات کے ذریعے نیو مقامات پر مدرسۃ المدینہ بالغات و گلی گلی مدرسۃالمدینہ کا آغاز کرنے کا عزم کیا۔

دعوتِ اسلامی کے زیرِا ہتمام گزشتہ روز راولپنڈی میں پاکستان کے مختلف شہروں (حیدرآباد، نوابشاہ، لاڑکانہ، سکھر، میر پور خاص اور بھمبھور ڈویژن) کی ڈویژن، ڈسٹرکٹ، میٹروپولیٹن، تحصیل اور ٹاؤن نگران اسلامی بہنوں کے بذریعہ انٹرنیٹ مدنی مشورے منعقد ہوئے۔

نگرانِ پاکستان اسلامی بہن نے ان مدنی مشوروں میں ڈویژن تا ٹاؤن نگران اسلامی بہنوں کو 13 نومبر 2022ء بروز اتوار دعوتِ اسلامی کے تحت ہونے والے ٹیلی تھون میں مرکزی مجلسِ شوریٰ کے طریقۂ کار کے مطابق کوشش کرنے کی ترغیب دلائی۔

اس کے علاوہ نگرانِ پاکستان نےاسلامی بہنوں کو ٹیلی تھون کے سلسلے میں ہونےوالےہر اجتماع میں 10 یونٹ جمع کرنے کا ذہن دیا جس پر انہوں نے اچھی اچھی نیتیں کیں۔

دنیا بھر میں اسلامی بہنوں کے ذریعے ہونے والےدینی کاموں کا جائزہ لینے کے لئے پچھلے دنوں راولپنڈی، ڈی جی خان، ملتان اور  بہاولپورکی ڈویژن ، ڈسٹرکٹ ، میٹروپولیٹن ، تحصیل و ٹاؤن نگران کی اسلامی بہنوں کے بذریعہ آن لائن مدنی مشورے ہوئے۔

ان مدنی مشوروں میں نگرانِ پاکستان اسلامی بہن نے راولپنڈی سے بذریعہ انٹرنیٹ ذمہ دار اسلامی بہنوں کی تربیت کرتے ہوئے انہیں دعوتِ اسلامی کے تحت ہونے والے ٹیلی تھون میں بھر پور کوشش کرنے کی ترغیب دلائی۔

دینی تحریک دعوت  اسلامی کے زیر اہتمام اورنگی ٹاؤن میں محفل نعت کا انعقاد ہوا جس میں گھر کی خواتین سمیت مقامی اسلامی بہنوں نے شرکت کی۔

محفلِ نعت کا باقاعدہ آغاز تلاوت قرآن پاک و نعت رسول مقبول ﷺ سے ہوا۔بعدازاں نگران عالمی مجلس مشاورت اسلامی بہن نے سنتوں بھرا بیان کیااور ٹیلی تھون جمع کرنےکی ترغیب دلاتے ہوئے نیتیں کروائیں۔ دعا و صلاۃ و سلام پر اختتام ہوا۔

عاشقانِ رسول کی دینی تحریک دعوتِ اسلامی کےتحت  27اکتوبر 2022ء بروز جمعرات پاکستان کے شہر راولپنڈی میں لاہور ،گوجرانوالہ، ساہیوال، فیصل آباد اور سرگودھا ڈویژنز کے آن لائن مدنی مشورے ہوئے جن میں ڈسٹرکٹ، میٹروپولیٹن، تحصیل اور ڈویژن تا ٹاؤن نگران اسلامی بہنوں نے شرکت کی۔

مدنی مشورے میں نگران پاکستان اسلامی بہن نے ٹیلی تھون کے سلسلے میں نکات بتائے اور دینی کام مدنی مرکز کے طریہ کار پر کرنے حوالے سے مدنی پھول دیئے نیز فی اجتماع 10 ٹیلی تھون کے یونٹ پورا کرنے کا ہدف دیا جس پر اسلامی بہنوں نے اچھی اچھی نیتیں پیش کیں۔

دعوت اسلامی کے تحت 22 اکتوبر 2022ء کو عالمی مجلس مشاورت  آفس کی ذمہ دار اسلامی بہنوں کے مدنی مشورے کا انعقاد ہوا۔مدنی مشورے میں اوورسیز ریجن اور شعبے کے دینی کام کو مضبوط کرنے کے متعلق بات چیت ہوئی جس میں دینی کاموں کی کارکردگی کا فالو اپ کرنے، آفس ذمہ دارہ سےمشاورت کرنے کے حوالے سے تبادلہ خیال کیا گیا نیز اہداف کی تقسیم کاری اور کارکردگیوں کا ریکارڈ محفوظ کرنے کے حوالے سے نکات بتائے گئےاور ستمبر 2022ء کی کارکردگیوں کی پریزنٹیشن چیک کی گئی۔

٭علاوہ ازیں قاعدہ و ناظرہ کے ہونے والے لرننگ سیشن میں عالمی مجلس مشاورت اسلامی بہن نے بذریعہ انٹرنیٹ’’قرآن کے فضائل‘‘ کے موضوع پر سنتوں بھرا بیان کیا۔ بعدازاں کورسز ذمہ دار اسلامی بہن نے پروفیشنل انداز ٹیچنگ و شعبے کے دینی کام کرنے کے حوالے سے مدنی پھول دیئے ۔

٭دوسری جانب ڈویژن پیر کالونی کے ذیلی حلقے میں علاقائی دورے کا سلسلہ ہوا جس میں نگران عالمی مجلس مشاورت اسلامی بہن نے دیگر ذمہ دار اسلامی بہنوں کےہمراہ گھر گھر جا کر مقامی اسلا می بہنوں کو ہفتہ وار اجتماع میں شرکت کا ذہن دیتے ہوئے نیتیں کروائیں۔ 

دعوتِ اسلامی کے تحت  23اکتوبر2022 ء بروز اتوار پاکستان کے شہر راولپنڈی چکری روڈ ٹاؤن میں محفل میلاد منعقد ہوئی جس میں کم و بیش 100 اسلامی بہنوں نے شرکت کی۔

محفل میلاد میں نگران پاکستان اسلامی بہن نے ’’جمال مصطفیٰ ﷺ ‘‘کے موضوع پر سنتوں بھرا بیان کیااور اسلامی بہنوں کو دینی کاموں میں حصہ لینے اور ذیلی حلقے کے ہفتہ وار سنتوں بھرے اجتماع میں باقاعدگی سے شرکت کرنے کی دعوت دی ۔

دعوتِ اسلامی کے تحت 22اکتوبر 2022ء بروز ہفتہ پاکستان کے شہر راولپنڈی سے کراچی ڈویژن ون ملیراورسینٹرل ڈسٹرکٹ کی ڈسٹرکٹ و ٹاؤن نگران اسلامی بہنوں کے آن لائن مدنی مشورے ہوئے۔

مدنی مشوروں میں نگران پاکستان اسلامی بہن نے ٹاؤن نگران اسلامی بہنوں کو تربیتی مدنی پھول بیان کرتے ہوئے تقرریاں مکمل کرنےاور ماہانہ آٹھ دینی کاموں کی کارکردگی کے تقابل کے حوالے سے نکات بتائے نیز ٹیلی تھون جمع کرنے کے سلسلے میں اہداف دیئے۔

دعوت اسلامی کے زیر اہتمام 26 اکتوبر 2022ء  کو کراچی کے ساحل سمندپر واقع جزیرہ بابا بھٹ میں ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں کے علاوہ خصوصی حاضری صاحبزادیِ عطار سلمہا الغفارکی ہوئی ۔

اجتماع پاک میں مبلغہ دعوت اسلامی نے سنتوں بھرا بیان کیا۔بعدازاں صاحبزادیِ عطار و نگران عالمی مجلس مشاورت اسلامی بہن نے ٹیلی تھون کے سلسلے میں ترغیب دلائی جس پر اسلامی بہنوں نے ہاتھوں ہاتھ ٹیلی تھون کے لئے رقم جمع کروائی۔اس کے بعد انڈونیشیا کی ریجن نگران رکنِ عالمی مجلس مشاورت اسلامی بہن نے دعا کروائی۔اس اجتماع میں اوورسیز انڈونیشیا سے آنے والی اسلامی بہنوں نے بھی شرکت کی۔