امجد فرید صابری(مرحوم)، سرور فرید صابری اور  طلحہ فرید صابری کی والدہ محترمہ اصغری بیگم 4 شوال المکرم 1441ھ کو75 سال کی عمر میں کراچی میں انتقال کرگئیں۔ انتقال کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےتمام سوگواروں سے تعزیت کی اور مرحومہ کے لئے دعائے مغفرت فرمائی۔ امیر اہل سنت دَامَتْ بَرَکَاتُہُمُ الْعَالِیَہ نےمرحومہ کے ایصالِ ثواب کے لئے شعب الایمان سے ایک حدیث پاک بیان فرماتے ہوئے مرحومہ کے گھر والوں کومدنی ماحول سے وابستہ ہونے، مدنی چینل کا سلسلہ دیکھنے اور لاک ڈاؤن کی اس صورتحال میں اپنے رشتہ داروں اور عزیز و اقارب میں دُکھیارے لوگوں کی مدد کرنے کا ذہن دیا۔