قیامت کا دن انتہائی سخت دن ہوگا قیامت کا دن بہت حیرت انگیز ہو گا قیامت کے دن لوگو ں کے اعمال ترازو پر رکھے جائیں گے اور جس کا اعمال نامہ اچھا ہوگا وہ جنت میں داخل ہو گا جس کا اعمال نامہ اچھا نہیں ہوگا وہ جہنم میں داخل ہوجائے گا ۔

قیامت کے دن آسمان پھٹ جائے گا : سورۃ الانشقاق میں اللہ تعالیٰ ارشاد فرماتا ہے۔ اِذَا السَّمَآءُ انْشَقَّتْۙ(۱) جب آسمان پھٹ جائے گا،(سورۃ الانشقاق ،1)

سورۃ عبس میں اللہ تعالیٰ ارشاد فرماتا: فَاِذَا جَآءَتِ الصَّآخَّةُ(۳۳) یَوْمَ یَفِرُّ الْمَرْءُ مِنْ اَخِیْهِۙ(۳۴) وَ اُمِّهٖ وَ اَبِیْهِۙ(۳۵) وَ صَاحِبَتِهٖ وَ بَنِیْهِؕ(۳۶) لِكُلِّ امْرِئٍ مِّنْهُمْ یَوْمَىٕذٍ شَاْنٌ یُّغْنِیْهِؕ(۳۷) ترجمۂ کنز الایمان:پھر جب آئے گی وہ کان پھاڑنے والی چنگھاڑ اس دن آدمی بھاگے گا اپنے بھائی اور ماں اور باپ۔ اور جورو اور بیٹوں سے۔ان میں سے ہر ایک کو اس دن ایک فکر ہے کہ وہی اسے بس ہے۔

سورۃ النازعات کی آیت نمبر 6 اور7 میں اللہ تعالیٰ قرآن مجید فرقان حمید میں ارشاد فرماتا ہے : یَوْمَ تَرْجُفُ الرَّاجِفَةُۙ(۶) تَتْبَعُهَا الرَّادِفَةُؕ(۷) ترجمۂ کنز الایمان:جس دن تھر تھرائے گی تھرتھرانے والی ۔ اُس کے پیچھے آئے گی پیچھے آنے والی۔

قیامت کے دن زمین کا راز ظاہر ہونا ،سورۃ الزلزال میں اللہ تعالیٰ ارشاد فرماتا ہے ۔ اِذَا زُلْزِلَتِ الْاَرْضُ زِلْزَالَهَاۙ(۱) ترجمۂ کنز الایمان:جب زمین تھرتھرا دی جائے جیسا اس کا تھرتھرانا ٹھہرا ہے ۔

اللہ پاک ہمیں نیک اعمال کرنے کی توفیق عطا فرمائے ۔ قیامت کے امتحان میں کامیابی عطا فرمائے۔ آمین