ہیڈ لائنز: حاجی یعقوب گنگ عطاری کی نمازِ جنازہ ادا کردی  گئی

جنازے میں علماو مفتیانِ کرام، کئی اراکینِ شوریٰ اور ہزاروں افراد کی شرکت

تدفین کے بعد قبرستان میں محفلِ نعت منعقد کی گئی

تفصیل:

دعوتِ اسلامی کی مرکزی مجلس شوریٰ کے رکن مولانا حاجی عبدالحبیب عطاری کے والدِ محترم حاجی یعقوب گنگ کی نمازِ جنازہ 30 ستمبر 2019ء کو عالمی مدنی مرکز فیضانِ مدینہ کراچی میں ادا کردی گئی۔ جنازے میں علماو مفتیانِ کرام، کئی اراکینِ شوریٰ اور عاشقانِ رسول کی ایک بہت بڑی تعداد نے شرکت کی۔

نمازِ جنازہ کی امامت رکن شوریٰ مولانا عبدالحبیب عطاری نے فرمائی جس کے بعد دارالعلوم امجدیہ کے شیخ الحدیث مفتی اسماعیل ضیائی صاحب مَدَّظِلُّہُ الْعَالِی نے دعا کروائی۔بعد ازاں امیرِ اہلِ سنّت مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے بیرونِ ملک سے بذریعہ ٹیلی فون مدنی پھول عطا فرمائے اور دعا بھی فرمائی۔