دعوت اسلامی کے زیر اہتمام ہر سال کی طرح اس سال بھی محرم الحرام 1442 ھ میں شہدائے کربلا کی محبت دلوں میں اجاگر کرنے اور شہادت امام حُسین رضی اللہ عنہ کی صحیح معلومات فراہم کرنے کے لئے یوکے کے علاقوں ایڈنبرا ، گلاسگو ، ہیلی فیکس ، کیگلی ، ہنسلو ، سلاؤ ، ووکنگ ، ریڈنگ ، لیٹن ، ہیرو ، ولڈسن گرین(Edinburgh, Glasgow, Halifax, Keighley, Hounslow, Slough, Woking, Reading, Leyton, Harrow, Willesden Green ) کی اسلامی بہنوں کے ہفتہ وار سنتوں بھرے اجتماعات میں تین دن تک اجتماعِ ذکر شہادت کا انعقاد کیا گیا جن میں امامِ حُسین کی عبادات ، کربلا والوں کے کریمانہ انداز، یزید کا بُرا کردار کے موضوعات پر مبلغات اسلامی بہنوں نے بیانات کئے اور اجتماعات میں شریک اسلامی بہنوں کو نویں اور دسویں محرم کو کئے جانے والے چند نیک اعمال بتائے۔ ان اجتماعات میں مجموعی طور پر 390اسلامی بہنوں نے شرکت کی سعادت حاصل کی۔