دعوتِ اسلامی کے زیرِ اہتمام جون 2021ء  کے دوسرے ہفتے اسپین کے ڈویژن لوگرونیو (Logroño)اور ویلنسیا(Valencia) کے کئی علاقوں میں سنتوں بھرے اجتماعات کا انعقاد کیا گیا جن میں سنسکا ( Sonseca)، مسلاتا (Mislata) اور آرگینڈہ(Argenda) وغیرہ علاقے شامل ہیں۔ ان اجتماعات میں کم و بیش 34 اسلامی بہنوں نے شرکت کی۔

مبلغات دعوت اسلامی نے”مدینے کی خصوصیات “کے موضوع پر بیانات کئے اور اجتماعات میں شریک اسلامی بہنوں کو قراٰنی آیات اور احادیث مبارکہ کی روشنی میں مدینے پاک کے مقام و مرتبہ کی اہمیت بیان کی نیز بزرگان دین کی مدینہ پاک سے محبت کے واقعات بیان کرتے ہوئے دعوت اسلامی کے دینی ماحول سے وابستہ رہنے کا ذہن دیا ۔