مشورہ کرنا کسی بھی تحریک کے لئے ریڑھ کی ہڈی(spinal cord) کی حیثیت رکھتا ہے۔اللہ پاک کے کرم سے دعوت اسلامی میں مدنی مشوروں(Meeting) کا ایک پورا نظام بنا ہوا ہے۔

اسی نظام کے تحت ہر ہفتے عالمی مجلس مشاورت نگران اسلامی بہن ، اراکین عالمی مجلس و مجلس بین الاقومی امور کی اراکین کا مدنی مشورہ رکھا جاتا ہے۔

5 جولائی 2021ء کو بذریعہ زوم لنک دعوت اسلامی کے دینی کاموں کی ترقی کے لئے مدنی مشورے کا انعقاد کیا گیا جس میں ملک و بیرون ممالک سے اراکین عالمی مجلس اور بین الاقومی امور کی اراکین نے شرکت کی۔

مدنی مشورے میں شریک اسلامی بہنوں کی کارکردگی کا جائزہ لیا گیاا ور بلڈنگ ذمہ دار و محلہ ذمہ دار کے نکات، ادارتی شعبوں کے اسٹاف کی سنتوں بھرے اجتماع میں شرکت ، ملک و بیرون ملک میں اسلامی بہنوں کو ہنر مند بنانے کے لئے ٹریننگ سینٹرل کا قیام اور علاقوں میں وقف مبلغہ کے ذریعے دینی کام شروع کروانے کے حوالے سے اہم امورپر مشاورت کی گئی۔