مؤرخہ 2 اپریل  2023ء بروز اتوار عالمی مدنی مرکز فیضانِ مدینہ کراچی میں ججز کے افطار اجتماع کا سلسلہ ہوا جس میں ڈسٹرکٹ جوڈیشنری سے تعلق رکھنے والے ججز اور ان کے معاونین نے شرکت کی ۔

ججز حضرات نے بعد نمازِ عصر مدنی مذاکرے اور دعائے افطار میں شرکت کی۔ نمازِ مغرب کے بعد اجتماعی حلقے میں سورہ ملک کی تلاوت سنی اور کراچی سٹی مشاورت کے نگران رکنِ شوریٰ حاجی محمد امین عطاری سے ملاقات کی۔

دورانِ ملاقات رکنِ شوریٰ نے مہمانوں کو نیکی کی دعوت دیتے ہوئے دنیا بھر میں ہونے والے دعوتِ اسلامی کے دینی و فلاحی کاموں کی معلومات شیئر کیں اور انہیں دینی کاموں میں تعاون کرنے کا ذہن دیا جس پر انہوں نے خوشی کا اظہار کرتے ہوئے دینی کاموں میں اپنا حصہ شامل کرنے کی اچھی اچھی نیتیں پیش کیں۔ اس افطار اجتماع میں تقریباً 7 ججز نے شرکت کی ۔(رپورٹ: محمد صہیب یوسف عطاری ایڈووکیٹ معاون شعبہ رابطہ برائے وکلا کراچی سٹی مشاورت ، کانٹینٹ: رمضان رضا عطاری)