اسلامی بہنوں کی تربیت کرنے اور انہیں دینِ اسلام کے بارے میں معلومات دینے کے لئے دعوتِ اسلامی کے تحت ہفتہ وار سنتوں بھرے اجتماع کا انعقاد کیا جاتا ہے۔

اسی سلسلے میں گزشتہ روز بہادر آباد کراچی میں قائم دعوتِ اسلامی کے مدرسۃالمدینہ گرلز میں ہفتہ وار سنتوں بھرے اجتماع کا انعقاد کیا گیا جس میں بچیوں اور اُن کے سرپرستوں سمیت علاقے کی اسلامی بہنوں نے شرکت کی۔

اجتماع کا آغاز معمول کے مطابق تلاوتِ قراٰن اور نعتِ رسول صلی اللہ علیہ و سلم سے کیا گیا جبکہ نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے قراٰنِ کریم پڑھنے کے فضائل و آداب پر شرکا کو مدنی پھول دیئے۔

نگرانِ عالمی مجلسِ مشاورت نے دورانِ بیان وہاں موجود اسلامی بہنوں کو دعوتِ اسلامی کے شعبہ جات کے لئے زیادہ سے زیادہ ڈونیشن جمع کرنے کی ترغیب دلائی جس پر انہوں نے اچھی اچھی نیتیں کیں۔آخر میں شرکا اسلامی بہنوں نے نگرانِ عالمی مجلسِ مشاورت سے ملاقات کی۔