شعبہ فیضان آن لائن اکیڈمی بوائز دعوتِ اسلامی کے تحت صوبہ پنجاب، پاکستان کے شہر لاہور کی برانچ شیروالا گیٹ میں سنتوں بھرا اجتماع منعقد کیا گیا جس کا مقصد تنظیمی و تعلیمی کارکردگی کو مزید مؤثر بنانا اور امتحانی و تدریسی مسائل کا حل تلاش کرنا تھا۔

موصول ہونے والی اطلاعات کے مطابق 16 جولائی 2026 کو منعقد ہونے والے اس اجتماعِ پاک میں مدرسۃ المدینہ بوائز آن لائن لاہور سٹی کے تمام شفٹ تعلیمی ذمہ دار اسلامی بھائیوں نے شرکت کی۔

ذمہ دار کا کردار اور تنظیمی تربیت

اجتماع کے دوران شعبہ فیضان آن لائن اکیڈمی کے رکن اور نگرانِ مدرسۃ المدینہ بوائز آن لائن سیّد انس عطاری نےگفتگو کرتے ہوئےشفٹ تعلیمی ذمہ داران کی رہنمائی کی اور ”ایک ذمہ دار کو کیسا ہونا چاہیے؟“ کے اہم موضوع پر تفصیلی روشنی ڈالی ۔

تدریسی قابلیت کو نکھارنا اور تفتیشی ذمہ داریاں

اسی طرح ڈویژن تعلیمی ذمہ دار مولانا فیصل ایاز صدیقی عطاری مدنی نے تفتیشی ذمہ داریوں کی اہمیت پر گفتگو کی اور اس بات پر زور دیا کہ مدارس المدینہ میں تدریسی قابلیت کو کس طرح مزید نکھارا جا سکتا ہے تاکہ معیاری تعلیم کی فراہمی کو یقینی بنایا جا سکے۔

امتحانی مسائل اور ان کا حل

علاوہ ازیں شفٹ تعلیمی ذمہ دار مولانا دانیال احمد عطاری مدنی نے امتحانات کے دوران پیش آنے والے مختلف مسائل اور ان کے ممکنہ حل کے موضوع پر ایک پریزنٹیشن دی۔(رپورٹ:مولانا محمدوقار یعقوب عطاری مدنی برانچ منیجر فیضان آن لائن اکیڈمی بوائز، کانٹینٹ:غیاث الدین عطاری)