دعوتِ اسلامی کے زیرِ اہتمام 16 مارچ 2022ء بروز بدھ پنجاب پاکستان کے شہر شیخوپورہ میں شعبہ مدرسۃ المدینہ بوائز ضلع شیخوپورہ اور ضلع ننکانہ کے قاری صاحبان، ناظمین اور ناظمینِ اعلیٰ کی تربیت کے لئے مدنی مشورے کا انعقاد ہوا۔

دورانِ مدنی مشورہ رکنِ مرکزی مجلسِ شوریٰ حاجی یعفور رضا عطاری نے شرکا سےگفتگو کرتےہوئے شعبے کے دینی کاموں کا فالو اپ لیا نیز انہیں انفرادی عبادت کرنے اور دعوتِ اسلامی کے شعبہ جات کے لئے زیادہ سے زیادہ مدنی عطیات جمع کرنے کی ترغیب دلائی جس پر ذمہ داران نے اچھی اچھی نیتوں کا اظہار کیا۔

بعدازاں رکنِ شوریٰ نے 24 مارچ 2022ء کو مرکزی مجلسِ شوریٰ کے نگران مولانا حاجی محمد عمران عطاری کے شیڈول کے متعلق بھی کلام کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)