دعوتِ اسلامی کے زیر اہتمام گزشتہ دنوں کراچی بن قاسم زون بن قاسم کابینہ شاہ لطیف میں جامعہ فیضانِ صحابیات کا  افتتاح ہوا اس موقع پر افتتاحی محفل کا انعقاد کیا گیا۔

اس افتتاحی تقریب میں زون نگران، کابینہ نگران، پاکستان مدرسۃ المدینہ نگران ، ریجن نگران، جامعۃ المدینہ اور مدرسۃ المدینہ کی معلمات اور عوام اسلامی بہنوں سمیت کم و بیش 200 اسلامی بہنوں نے شرکت کی۔

محفل کا باقاعدہ آغاز تلاوتِ قراٰنِ پاک اور نعتِ رسول ﷺ سے ہوا۔ اس کے بعد صاحبزادیِ عطار سلمھا الغفارنے مبارکباد دیتے ہوئے اسلامی بہنوں کو فیضانِ شریعت کورس میں داخلہ لینے کی دعوت دی نیز درست مخارج کے ساتھ قراٰنِ پاک پڑھنے کا ذہن دیتے ہوئے دعوت اسلامی کے مدرسۃ المدینہ میں داخلہ لینے کا ذہن دیا۔ ساتھ ہی علم دین سیکھنے اور اپنے بچوں کی دینی تربیت کرنے کی بھی ترغیب دلائی۔ مزید گھر میں دینی ماحول بنانے کے تعلق سے بھی مدنی پھول دیئے۔ اس کے علاوہ اس جامعہ کو اسلامی بہنوں کا دارالسنہ بنانے کا اعلان فرمایا اور دعوت اسلامی کے ہفتہ وار سنتوں بھرے اجتماع میں شرکت کی دعوت بھی دی۔

ریجن نگران اسلامی بہن نے’’ ماں ‘‘کے موضوع پر سنتوں بھرا بیان کرتے ہوئے ماؤں کی ذہن سازی کی کہ وہ اپنے بچوں کی تربیت اسلامی طرززندگی  پر کریں نیز ٹیلی تھون پر بھی کلام کیا اور فیضانِ شریعت کورس میں ایڈمیشنز لینے کے تعلق سے بھی گفتگو کی۔ اسلامی بہنوں نے فیضانِ نماز کورس کرنے، مدرسۃ المدینہ اور جامعۃ المدینہ میں داخلہ لینے نیز ٹیلی تھون مہم میں شریک ہونے کی نیتوں کا اظہار کیا۔