دعوتِ اسلامی کے تحت 30 ، 31جولائی اور یکم اگست 2021 ء کوتین دن کوئٹہ زون کی خضدار کابینہ میں پاکستان سطح شعبہ شب و روز، کراچی ریجن سطح شعبہ کفن دفن اور زون سطح  مدسۃ المدینہ (اسلامی بہنوں کےلئے) ذمہ داراسلامی بہنوں کا صبح سے شام تک کا جدول رہا۔

خضدار کابینہ کے تین ڈویژن میں علاقائی دورہ برائے نیکی کی دعوت ، شخصیات اور دیگر اسلامی بہنوں کے گھر انفرادی کوشش کے لئے جانے کی ترکیب ہوئی اور پھر محفل نعت منعقد کیا گیا جس میں اسلامی بہنوں نے کی ایک تعداد نے شرکت کی۔

پاکستان سطح شعبہ شب و روز ذمہ دار اسلامی بہن نے ’’مقصد حیات‘‘ کے موضوع پر بیان کیا۔ اس کےعلاوہ اسلامی بہنوں کو دعوت اسلامی کے دینی ماحول سے وابستہ ہونے اور ہفتہ وار سنتوں بھرے اجتماع میں شرکت کرنے کی نیت کروائی ۔ فرض علوم حاصل کرنے کی اہمیت بتاتے ہوئے وضو کا عملی طریقہ بتایا ۔ میت کو غسل و کفن دینے سے متعلق مدنی پھول دیئے اور کراچی ریجن سطح کی کفن دفن ذمہ دار اسلامی بہن نے غسل و کفن کا عملی طریقہ سکھایا جس پر اسلامی بہنوں نے اچھی اچھی نیتوں کا اظہار کیا اور کچھ اسلامی بہنوں نے خود کو دعوتِ اسلامی کے دینی کاموں کے لئے پیش کیا۔