14 مئی 2026ء:

عاشقانِ رسول کی دینی تحریک دعوتِ اسلامی اس وقت دنیا کے کم وبیش 190 ممالک میں اسلامی بھائیوں کو قرآنِ کریم کی تعلیم، دینی، اخلاقی و شرعی تربیت دینے کے عظیم مشن کو جاری رکھے ہوئے ہے۔

اس دوران دعوتِ اسلامی نے مختلف شعبہ جات قائم کیے ہیں جن میں سے ایک اہم شعبہ مدرسۃالمدینہ بالغان ہے۔ اس شعبے کے ذریعے مساجد، دکانوں، دفاتر، تعلیمی اداروں، گھروں اور دیگر مقامات پر 15 سال یا اس سے زائد عمر کے اسلامی بھائیوں کو صحیح تلفظ و قواعدِ تجوید کے مطابق قرآنِ مجید، نماز، روزہ اور دیگر دینی مسائل کی تعلیم دی جاتی ہے۔

اس مقصد کے حصول کے لیے 13 مئی 2026ء کو دعوتِ اسلامی کے تحت آن لائن ٹریننگ سیشن ہوا جس میں ہانگ کانگ کے فاریسٹ اور جنوبی کوریا کے ملکی نگران مولانا محمد فراز عطاری مدنی، امام مبلغین اور شعبہ مدرسۃالمدینہ بالغان کے ذمہ داران شریک ہوئے۔

اس سیشن میں مرکزی مجلس شوری کے رکن مولانا حاجی محمد عقیل عطاری مدنی نے مدرسۃالمدینہ بالغان کو بڑھانے، معلمین کو ریفریش ٹیچر ٹریننگ کروانے،پڑھانے والوں کو شعبے کے نظام و طریقۂ کار کے مطابق تربیت دینے پر زور دیا گیا۔

اسی طرح ذمہ داران کو ناظرہ قرآن، نماز، دینی مسائل اور اخلاقی تربیت کے ذریعے نوجوانوں اور بزرگوں کو معاشرے میں کامیاب فرد بننے کے لیے دعوتِ اسلامی کے دینی ماحول سے وابستہ رہنےکی ترغیب دلائی گئی۔