دعوتِ اسلامی کے شعبہ جامعات المدینہ للبنات کے زیرِ اہتمام ملتان ریجن کے تمام جامعات المدینہ للبنات میں اجتماعِ میلاد نہایت جوش و خروش کے ساتھ منایا گیا ۔

ان اجتماعات میں طالبات نے مختلف سلسلوں( مقابلہ حسن بیان ،مقابلہ ذہنی آزمائش وغیرہ ) میں حصہ لیا، حصہ لینے والی طالبات کی حوصلہ افزائی کے لئے انہیں تحائف بھی دیئے گئے۔

ان اجتماعات میں جامعۃ المدینہ للبنات کی ذمہ داراسلامی بہنوں نے ”عشق رسول ﷺ“کے موضوع پر بیانات کئے جبکہ اللہ عَزَّ وَجَلَّ کے آخری نبی محمد عربی ﷺکے جشن ولادت کے نعتیہ کلام بھی پڑھے گئے ۔اس خوشی کے موقع پر جامعات المدینہ للبنات کو برقی قمقموں و مدنی پرچموں سے سجایا بھی گیا ۔