عاشقانِ رسول کی دینی تحریک دعوتِ اسلامی کے   تحت عالمی مدنی مرکز فیضانِ مدینہ کراچی میں SEP FGRF (SKILLS ENHANCEMENT PROGRAMME)کی نیو برانچ کا آغاز کیا جارہا ہے جس میں قرب و جوار کے کثیر اسلامی بھائی داخلہ لے کر اپنی اسکلز میں اضافہ کر سکیں گے۔

معلومات کے مطابق17 مئی 2023ء بروز بدھ سے SEP FGRF کی نیو برانچ میں انگلش لینگویج کورس کی باقاعدہ کلاسز کا آغاز کیا جائے گا جس کی ٹائمنگ دن 2 بجے سے رات 9 بجے تک ہو گی نیز ہفتے میں 6 دن پیر تا ہفتہ کلاسز ہوں گی۔

جو اسلامی بھائی اس کورس میں داخلہ لینے کے خواہشمند ہیں وہ 15 مئی 2023ء بروز پیر دعوتِ اسلامی کے عالمی مدنی مرکز فیضانِ مدینہ کراچی میں رجسٹریشن کے لئے رابطہ فرمائیں۔(کانٹینٹ:غیاث الدین عطاری) 

دعوت اسلامی کم و بیش 80 سے زائد شعبہ جات کے ذریعے دنیا بھر میں دینِ اسلام کی تعلیمات کو عام کررہی ہے۔ اس کے علاوہ موقع کی مناسبت سے عاشقان رسول کی شرعی رہنمائی اور ان کی تربیت کے لئے مختلف پروگرام منعقد کرتی رہتی ہے۔ ایسا ہی ایک پروگرام دعوت اسلامی کے شعبہ حج و عمرہ 28 مئی 2023ء بروز اتوار عالمی مدنی مرکز فیضان مدینہ کراچی میں ”حج تربیتی اجتماع“ منعقد کرنے جارہی ہے۔

اس پروگرام کی خصوصیت یہ ہے کہ ایک سے زائد بار حج و عمرہ کی سعادت پانے والے مرکزی مجلس شوریٰ کے رکن مولانا حاجی عبد الحبیب عطاری عازمین حج کی تربیت فرمائیں گے۔ اس کے ساتھ ساتھ رکنِ شوریٰ شرکا کو احرام باندھنےکا طریقہ، اراکینِ حج کی ادائیگی اور دیگر شرعی معلومات سے متعلق رہنمائی آگاہی فراہم کریں گے۔

تمام عاشقان رسول سے اس پروگرام میں شرکت کرنے کی درخواست ہے۔

دینِ اسلام کی تعلیمات کو عام کرنے کے لئے آج رات مؤرخہ 13 مئی 2023ء کو عالمی مدنی مرکز فیضان مدینہ کراچی سے براہِ راست مدنی چینل پر ہفتہ وار مدنی مذاکرے کا انعقاد کیا جائیگا۔

مدنی مذاکرے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عاشقان رسول کی جانب سے ہونے والے سوالات کے علم و حکمت سے بھر پور جوابات ارشاد فرمائیں گے۔

تمام عاشقان رسول سے آج رات ہونے والے مدنی مذاکرے میں شرکت کرنے کی درخواست ہے۔

عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے ضلع میانوالی کے علاقے مسلم کالونی میں واقع گورنمنٹ اسپیشل ایجوکیشن اسکول (برائے جسمانی معذور) کا وزٹ کیا۔

معلومات کے مطابق اس دوران ذمہ داران نے پرنسپل اور فوکل پرسن برائے اسپیشل پرسن عبد الحفیظ سے ملاقات کرتے ہوئے انہیں اسپیشل پرسنز ڈیپارٹمنٹ دعوتِ اسلامی کا تعارف کروایا۔

بعدازاں اسکول کے معذور اسٹوڈنٹس کے درمیان سیکھنے سکھانے کا حلقہ لگایا گیا جس میں اُن کی دینی و اخلاقی تربیت کی گئی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

گزشتہ روز اسپیشل پرسنز ڈیپارٹمنٹ دعوتِ اسلامی کے ذمہ داران کی دعوت پر ڈی -او سوشل ویلفیئر فار ڈس ایبل پرسن اکرام اللہ خان، گورنمنٹ ٹیکنیکل ایجوکیشن اینڈ اوکیشنل ٹریننگ اتھارٹی میانوالی کے پرنسپل اور فوکل پرسن برائے فزیکل ڈس ایبل میانوالی ڈسٹرکٹ انجینئر سمیع اللہ ملک کی مدنی مرکز فیضانِ مدینہ میانوالی آمد ہوئی۔

اس موقع پر رکنِ شعبہ معذور افراد خالد محمود عطاری، سرگودھا ڈویژن ذمہ دار محمد ابوبکر عطاری اور نگرانِ میانوالی ڈسٹرکٹ نےشخصیات کو دنیا بھر میں دعوتِ اسلامی کے ہونے والے دینی کاموں بالخصوص اسپیشل پرسنز ڈیپارٹمنٹ کے دینی کاموں کی بریفنگ دی۔

ذمہ داران نے شخصیات کومدنی مرکز فیضانِ مدینہ میانوالی اور جامعۃالمدینہ بوائز کا وزٹ کروایا نیز مکتبۃالمدینہ کے رسائل تحفے میں پیش کئے۔بعدازاں ڈی او اور پرنسپل نے دعوتِ اسلامی بالخصوص اسپیشل پرسنز ڈیپارٹمنٹ کے بارے میں اپنے تأثرات دیئے۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت گزشتہ روز ذمہ دار اسلامی بھائیوں نے دینی کاموں کے حوالے سے ضلع میانوالی کے سب سے بڑے اور قدیم علمی مرکز جامعہ اکبریہ کا دورہ کیا۔

تفصیلات کے مطابق ذمہ داران میں موجود رکنِ شعبہ معذور افراد خالد محمود عطاری اور سرگودھا ڈویژن ذمہ دار محمد ابوبکر عطاری نے جامعہ اکبریہ کے مہتمم، سابق چیئرمین پاکستان بیت المال اور معروف سماجی و دینی شخصیت مولانا صاحبزادہ عبدالمالک صاحب سے ملاقات کی۔

دورانِ ملاقات ذمہ داران نے جامعہ اکبریہ کے تحت تمام مساجد میں جسمانی معذور اور بزرگ افراد کے لئے سہولیات کے مطابق وضو خانے وغیرہ بنوانے کے متعلق مشاورت کی جس پر مولانا صاحبزادہ عبدالمالک صاحب نے اسپیشل پرسنز ڈیپارٹمنٹ کی کاوشوں کو سراہتے ہوئے اپنے دعاؤں سے نوازا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ تعلیم کے تحت سبحان میرج ہال فورٹ عباس میں  عیدملن اجتماع منعقد کیا گیا جس میں مختلف تعلیمی اداروں (پنجاب گروپ آف کالج، لیڈ کالج، العصر سیکنڈری اسکول، جناح آئیڈیل کالج کچھی والا ، مثالی کالج کچھی والا)کے مالکان اور ٹیچرز نے شرکت کی۔

تلاوتِ کلامِ پاک اور نعتِ رسولِ مقبول صلی اللہ علیہ و سلم کے بعد شعبہ تعلیم کے ڈسٹرکٹ ذمہ دار محمد اسامہ عطاری نے سنتوں بھرا بیان کیا اور وہاں موجود اسلامی بھائیوں کو دینِ اسلام کے بارے میں چند ضروری باتیں بتائیں۔(رپورٹ: احمد رضا عطاری ڈویژن شعبہ تعلیم ذمہ دار ، کانٹینٹ:غیاث الدین عطاری)

پچھلے دنوں بہاولپور سٹی میں قائم دعوتِ اسلامی کے مدنی مرکز فیضانِ مدینہ میں ڈویلپر کی آمد ہوئی جہاں نیو سوسائٹیز ڈیپارٹمنٹ کے اسلامی بھائیوں نے انہیں خوش آمدید کہا۔

اس موقع پر نگرانِ بہاولپور ڈویژن ڈاکٹر حافظ عبدالرؤف عطاری نے ڈویلپر کو نیکی کی دعوت دیتے ہوئے دعوتِ اسلامی کے شعبہ جات کا تعارف کروایا اور انہیں فیضان آن لائن اکیڈمی بوائز کے تحت ہونے والے مختلف کورسز میں داخلہ لینے کا ذہن دیا۔

بعدازاں ڈویلپر کو دعوتِ اسلامی کی پریزنٹیشن کی ویڈیو کے ذریعے دکھائی گئی جس پر انہوں نے دعوتِ اسلامی کے کاموں کو سراہا اور مساجد بنا کر دعوتِ اسلامی کو پیش کرنے کی نیت کی۔(رپورٹ:احمد رضا عطاری، کانٹینٹ:غیاث الدین عطاری)

اسلامی بھائیوں کو صحیح تلفظ کے ساتھ آن لائن قراٰنِ پاک پڑھانے اور انہیں قراٰن و حدیث میں موجود شرعی و دینی مسائل سکھانے والے دعوتِ اسلامی کے شعبہ فیضان آن لائن اکیڈمی بوائز کےتحت گزشتہ روز گجرات برانچ میں مدنی مشورہ ہوا جس میں اراکینِ مجلس کے اسلامی بھائیوں نے شرکت کی۔

معلومات کے مطابق اس مدنی مشورے میں نگرانِ شعبہ مولانا یاسر عطاری مدنی نے اراکینِ مجلس سے شعبے کی سابقہ کارکردگی کا جائزہ لیتے ہوئے دعوتِ اسلامی کے شعبہ جات کے لئے رمضان عطیات جمع کرنے کی کارکردگی بھی دیکھی۔

علاوہ ازیں نگرانِ شعبہ نے اراکینِ مجلس کو شعبے کے دینی کاموں میں مزید بہتری لانے کے لئے چند اہم نکات پر تبادلۂ خیال کیا جس پر انہوں نے اپنی اپنی رائے پیش کی۔(رپورٹ:مولانا محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی بوائز کے تحت 11 مئی 2023ء  بروز جمعرات ایک میٹنگ ہوئی جس میں میرپور آزاد کشمیر میں فیضان آن لائن اکیڈمی بوائز کی نیو برانچ کھولنے کے حوالے سے کلام کیا گیا۔

دورانِ میٹنگ نگرانِ شعبہ فیضان آن لائن اکیڈمی بوائز مولانا یاسر عطاری مدنی، نگرانِ شعبہ فیضان آن لائن اکیڈمی گرلز سیّد غلام الیاس عطاری نے نیو برانچ کھولنے کے لئے کن کن سہولیات کا ہونا ضروری ہے اس پر گفتگو کی۔

اس کے علاوہ نگران اسلامی بھائیوں نے ذمہ داران سے دیگر مختلف موضوعات پر مشاوت کرتے ہوئے احسن انداز میں اپنے کام کو کرنے کا ذہن دیا جس پر انہوں نے اچھی اچھی نیتیں کیں۔(رپورٹ:مولانا محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

گوجرانوالہ میں شعبہ رابطہ برائے  شخصیات دعوت اسلامی کے ذمہ داران نے ایم این اے ٹکٹ ہولڈر پی ٹی آئی علی اشرف مغل کے آفس میں ان سے ملاقات کی۔

دورانِ ملاقات ذمہ داراسلامی بھائی نے حالیہ دنوں میں دعوت اسلامی کے تحت جاری دینی و فلاحی خدمات کے حوالے سے بتایااور ان کو مدنی مرکز فیضان مدینہ کا وزٹ کرنے کی دعوت دی جس پر انہوں نے وزٹ کرنے کی اچھی نیت کا اظہار کیا۔ علاوہ ازیں کوآرڈینیشن ڈیپارٹمنٹ کے تحت ایم این اے کے ہاتھوں لگائے ہوئے پودوں کی جگہوں کا وزٹ کیا۔(رپورٹ : محمد احسان عطاری ضلع گوجرانوالہ،کانٹینٹ:رمضان رضا عطاری)

11مئی 2023ء  بروز جمعرات آل پاکستان مرکزی ایوان قریش کے چیئرمین ندیم قریشی نے فیضان مدینہ کراچی کا دورہ کیا جہاں ذمہ داران نے انہیں مدنی مرکز میں موجود شعبہ جات کا وزٹ کروایا اور ان میں ہونے والے دینی کاموں کے بارے میں بتایا۔

بعدازاں ذمہ داران ندیم قریشی کو مدنی مذاکرے میں شرکت اور مدنی قافلے میں سفر کرنے کی دعوت دی جس پر انہوں نے نیک خواہشات کا اظہار کیا۔

٭دوسری جانب مدنی مرکز فیضان مدینہ کراچی میں سیکریٹری اسپیشل پرسنز ڈیپارٹمنٹ کے تحت ہونے والے فیضان مدینہ وزٹ پروگرام کے سلسلے میں مدنی مشورہ ہواجس میں سید عبدالرزاق عطاری اور شعبہ اسپیشل پرسنز کراچی سٹی ذمہ دار ارسلان عطاری نے باہم مشاورت سے نکات طے کئے گئے۔(رپورٹ : شعبہ رابطہ برائے شخصیات عطاری مجلس،کانٹینٹ:رمضان رضا عطاری)