5 فروری 2023ء بروز اتوار رضوان سوسائٹی یوسی 03 سفورہ ٹاؤن کراچی کی جامع مسجد مدینہ میں متحدہ قومی مؤمنٹ پاکستان رابطہ کمیٹی کے رکن زاہد منصور صاحب کی مرکزی مجلسِ شوریٰ کے رکن حاجی محمد اطہر عطاری سے دورانِ مدنی قافلہ ملاقات ہوئی۔

اس موقع پر رکنِ شوریٰ نے زاہد منصور صاحب سےدعوتِ اسلامی کے شعبہ جات کے حوالے سے مختلف اہم امور پر تبادلۂ خیال کیا اور انہیں مدنی قافلے میں شرکت کرنے کی ترغیب دلائی۔

اس موقع پر شعبہ رابطہ برائے شخصیات کراچی سٹی کے ذمہ دار حاجی یعقوب عطاری سمیت دیگر اہم ذمہ دار اسلامی بھائی بھی موجود تھے۔(رپورٹ:محمد ذکی عطاری شعبہ رابطہ برائے شخصیات ڈسٹرکٹ ایسٹ، کانٹینٹ:غیاث الدین عطاری)

5 فروری 2023ء بروز اتوار عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں سیکھنے سکھانے کا حلقہ لگایا گیا جس میں پٹھان اسلامی بھائیوں نے شرکت کی۔

ملک و بیرونِ ملک میں تبلیغِ دین و اشاعتِ دین کرنے والے دعوتِ اسلامی کے شعبہ مدنی قافلہ کے تحت 6 فروری 2023ء بروز پیر بعد نمازِ فجرعالمی مدنی مرکز فیضانِ مدینہ کراچی میں  مدنی قافلہ کورس کرنے والے شرکا کے لئے سیکھنے سکھانے کا حلقہ لگایا گیا۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے شرکائے کورس کے درمیان سنتوں بھرا بیان کرتے ہوئے اُن کی دینی و اخلاقی اعتبار سے تربیت کی۔

دورانِ بیان رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں عملی طور پر شرکت کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

13 رجب المرجب 1444ھ بمطابق 4 فروری 2023ء بروز ہفتے کی شب عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مذاکرہ منعقد ہوا جس میں شہرِ کراچی کے مختلف علاقوں سے عاشقانِ رسول نےفیضانِ مدینہ کراچی آکر جبکہ دیگر شہروں اور ملکوں سے کثیر اسلامی بھائی بذریعہ مدنی چینل شریک ہوئے۔

اس مدنی مذاکرے میں عاشقانِ رسول کی جانب سے مختلف موضوعات پر سوالات کئے گئے جس کے امیرِ اہلِ سنت حضرت علامہ مولانا محمد الیاس عطار قادری رضوی دامت بَرَکَاتُہمُ العالیہ نے علم و حکمت سے بھرپور جوابات ارشاد فرمائے۔

ان سوال و جواب میں سے بعض درج ذیل ہیں:

سوال:اولیائے کرا م رحمہم اللہ علیہم کے مزارات پر حاضری دینے کا کیا طریقہ ہے؟

جواب:قدموں کی طرف سے حاضرہوں ،پُشت قبلے کی جانب اورچہرہ ولی اللہ کے مزارکی جانب ہو،پھرسلام عرض کریں، ہاتھ اٹھا کر کچھ کلام مثلاً فاتحہ پڑھ کر انہیں ایصالِ ثواب کریں اور اللہ پاک سے دعا کریں۔

سوال:گناہوں سے کیسےبچا جائے؟

جواب:گناہوں سے بچنے کے لئے سب سے پہلے تمام گناہوں سے توبہ کریں،گناہوں کے عذابات اورگناہوں سے بچنے کے فضائل کا مطالعہ کیجئے۔

سوال:نظرِبداوردیگربیماریوں سے بچنے کا کوئی وظیفہ ارشاد فرمادیجئے؟

جواب:سورۂ فاتحہ 41 بارپڑھ کر کسی بھی مریض کو یا خودمریض ہوں تو اپنے اوپردم کرلیں ،پانی پر دم کرکے بھی پیتےرہیں، اِنْ شآءَ اللہُ الکریم فائدہ ہوگا۔

سوال:اہلِ سنت وجماعت کہاجائے یا اہلسنت والجماعت؟

جواب:اہلِ سنت وجماعت کہاجائے، ہمارے علما اسی طرح کہتے ہیں۔

سوال:غوثِ پاک حضرت شیخ عبدالقادرجیلانی رحمۃ اللہ علیہ کو گیارہویں والا پیرکیوں کہتے ہیں؟

جواب:آپ کاوصال 11 ربیع الاخرکو ہوا،اس وجہ سے گیارہویں والا پیر مشہورہوگئے اورانہیں اس طرح کہنے میں حرج بھی نہیں۔

سوال :سفروحضرمیں نمازقضا نہ ہو،اس کے لئے کیا کریں؟

جواب :نمازپڑھنے کاجذبہ مل جائے اوربندہ نمازپڑھنے کے معاملے میں سنجیدہ (Serious) ہو جائے تو نمازقضا نہیں ہوگی۔ اِنْ شاۤءَ اللہُ الکریم۔

سوال:فیضانِ قرآن ڈیجیٹل پین (Faizan e Quran Digital Pen) لینے اور تقسیم کرنے والوں کوامیراہل سنت دامت برکاتہم العالیہ نے کیادُعادی؟

جواب:یااللہ پاک !جو فیضانِ قرآن ڈیجیٹل پین اپنے گھرمیں بسائے، اسے خریدے اورتحفے میں دے، علمائے کرام کو پیش کرے، ائمہ کرام کو دے، اپنے دوستوں اوررشتہ داروں کو پیش کرے، اپنے سسرال کودے، شادیوں میں جوتحفے دئیے جاتے ہیں اس کی جگہ یہ تحفہ دے، یااللہ پاک !جوجس طرح بھی اسے آگے بڑھائے،اس کوفیضانِ قرآن سے مالامال کر۔اس کی، اس کے ماں باپ اورآل اولادکی بے حساب مغفرت کردے۔ اٰمِیْن بِجَاہِ خاتم النَّبِیِّیْن صلَّی اللہ علیہ واٰلہٖ وسلَّم

سوال:سردی کی وجہ سے ہفتہ واراجتماع میں شرکت میں سُستی ہوتو کیا کریں؟

جواب:افضل ترین عمل وہ ہے جس میں زحمت زیادہ ہو، جو عمل دنیا میں جتنا مشکل ہوگا، میزانِ عمل میں اتناہی وزن دارہوگا، ان فضائل پرنظر رکھیں، سخت سردی اورسخت گرمی میں ہفتہ واراجتماع میں حاضر ہوتے رہیں اور ہفتہ واراجتماع میں ہی رات گزاریں۔

سوال:رمضان شریف آنے سے پہلےرمضان کی تیاری کیسے کریں؟

جواب:جتنا ممکن ہونفل روزے رکھیں اوریہ نیت کریں کہ ماہِ رمضان کے سارے روزے رکھوں گا۔ اِنْ شاۤءَ اللہُ الکریم

سوال:کیا اسلامی بہنیں بھی مفتیہ بن سکتی ہیں؟

جواب:جی ہاں! مفتیہ بن سکتی ہیں، اُمُّ المؤمنین حضرت عائشہ صدیقہ رضی اللہ عنہا بہترین مفتیہ تھیں، کراچی میں دعوتِ اسلامی کے تحت اسلامی بہنوں کا مفتیہ کورس شروع ہوگیا ہے۔

سوال:اِس ہفتے کارِسالہ ”افضل ترین اعمال“ پڑھنے یاسُننے والوں کو امیرِاہلِ ِسُنّت مدظلہ العالی نے کیا دُعا دی؟

جواب:یارَبَّ المصطفٰے!جو کوئی 17 صفحات کا رسالہ ”افضل ترین اعمال“ پڑھ یا سُن لے اُس کو پانچوں نمازیں باجماعت پہلی صف میں ادا کرنے کی توفیق دے اور اس کی بے حساب مغفرت فرما۔اٰمِیْن بِجَاہِ خاتم النَّبِیِّیْن صلَّی اللہ علیہ واٰلہٖ وسلَّم

ملک و بیرونِ ملک میں تبلیغِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت ڈسٹرکٹ  ملیر 1 کراچی میں مدنی مشورے کا انعقاد ہوا جس میں مقامی ذمہ داران سمیت بنگلہ دیش اور ترکی کی ذمہ دار اسلامی بہنیں بذریعہ انٹرنیٹ شریک ہوئیں۔

مدنی مشورے کی ابتداء میں نگرانِ عالمی مجلسِ مشاورت اسلامی بہن نے ”اتحاد و اتقاق“ کے موضوع پر سنتوں بھرا بیان کرتے ہوئے سختی نہ کرنے اور عاجزی اختیار کرنے کے متعلق اسلامی بہنوں کی ذہن سازی کی۔

بعدازاں صاحبزادیِ عطار سلمہا الغفار نے اسلامی بہنوں کی تربیت کرتے ہوئے انہیں اپنا نعم البدل بنانے کے متعلق مدنی پھول دیئے نیز اسلامی بہنوں کے مسائل سن کر اُن کا حل ارشاد فرمایا اور ذمہ داران کی جانب سے ہونے والے سوالات کے جوابات دیئے۔

حیات آباد پشاور کے پی کے  میں 4 فروری 2023ء کوشعبہ معاونت برائے اسلامی بہنیں کے زیرِ اہتمام مدنی مشورے کا سلسلہ ہوا جس میں صوبائی اور ڈویژن نگران سمیت ٹاؤن نگران اسلامی بھائیوں نے شرکت کی۔

مدنی مشورے میں نگران مجلس غلام الیاس عطاری نے اسلامی بھائیوں سے حیات آباد میں فیضانِ صحابیات کا آغاز کرنے کے حوالے سے تبادلۂ خیال کرتے ہوئے مقامی اسلامی بہنوں میں ”فرض علوم“ پر مشتمل کورسز کروانے کے متعلق اہداف دیئے ۔( کانٹینٹ: رمضان رضا عطاری) 

4 فروری 2023ء کو دعوتِ اسلامی  کے شعبہ معاونت برائے اسلامی بہنیں کے تحت گلبرگ پشاور کے پی کے مدنی مرکز فیضانِ صحابیات میں مدنی مشورہ ہوا جس میں نگرانِ مجلس غلام الیاس عطاری نے ڈویژن ذمہ دار اسلامی بھائی کو شعبے کے دینی کام میں مزید بہتری لانے کے حوالے سے اہم نکات سے آگاہ کیا ۔( کانٹینٹ: رمضان رضا عطاری)

2 فروری 2023ء بروز جمعرات دعوتِ اسلامی کے زیرِ اہتمام مدنی مشورہ منعقد ہوا جس میں ہجویری ریجن نگران، ایران کی ملک نگران، دینی کاموں کاموں کے سلسلے میں ایران سفر کرنے والی اسلامی بہنیں اور فنانس ڈیپارٹمنٹ  کی اورسز ذمہ دار اسلامی بہنوں نے شرکت کی۔

اس مدنی مشورے میں دعوتِ اسلامی کی نگرانِ عالمی مجلسِ مشاورت اسلامی بہن نے بذریعہ انٹرنیٹ اسلامی بہنوں کی تربیت و رہنمائی کرتے ہوئے سالانہ ڈونیشن کے حوالے سے گفتگو کی۔

دورانِ گفتگو نگرانِ عالمی مجلسِ مشاورت نے ذمہ داران کو شخصیات اجتماع کرنے اور دعوتِ اسلامی کے شعبہ جات کے لئے زیادہ سے زیادہ سے عطیات جمع کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

دنیا بھر میں دینی کام کرنے والی عاشقانِ رسول کی دینی تحریک دعوتِ اسلامی کےزیرِ اہتمام 3 فروری 2023ء کو فیضانِ صحابیات کے پی کے مانسہرہ ہزارہ    میں میٹنگ کا اہتمام کیا گیا جس میں ڈسٹرکٹ و ڈویژن نگران سمیت مقامی ذمہ داران نے شرکت کی۔

نگران ِمجلس غلام الیاس عطاری نے فیضانِ صحابیات کے انتظامی معاملات کا جائزہ لیتے ہوئے مقامی ذمہ داران کو مدرسۃُالمدینہ میں مزید داخلے کروانے کا ہدف دیا اور اس کو خود کفیل کرنے کے حوالے سے مدنی پھول دیئے۔( کانٹینٹ: رمضان رضا عطاری)

ملک و بیرونِ ملک میں اسلامی بہنوں کے درمیان ہونے والے 8 دینی کاموں کے سلسلے میں مدنی مشورہ ہوا جس میں نیوزی لینڈ نگران اور مقامی ذمہ دار اسلامی بہنوں نے شرکت کی۔

شعبہ  معاونت برائے اسلامی بہنیں دعوتِ اسلامی کے تحت 3 فروری 2023ء کو حویلیاں ہزارہ کے پی کے میں قائم فیضانِ صحابیات میں مدنی مشورہ ہوا جس میں ڈسٹرکٹ نگران سمیت مقامی ذمہ دار ان نے شرکت کی ۔

تفصیلات کے مطابق نگران مجلس غلام الیاس عطاری نے فیضان صحابیات میں موجود شعبہ جات کا وزٹ کیا اور یہاں کی تعمیراتی کام کا جائزہ لیتے ہوئے مدرسۃُالمدینہ میں مزید داخلے کروانے کا ہدف دیا۔

مزید فیضانِ صحابیات میں ہونے والے دینی کاموں کو خودکفیل کرنے کے حوالے سے نکات فراہم کئے جس پر اسلامی بھائیوں نے اچھی اچھی نیتوں کا اظہار کیا۔( کانٹینٹ: رمضان رضا عطاری)

دعوتِ اسلامی کے زیرِ اہتمام پچھلے دنوں رمضان المبارک کے مدنی پھولوں کے حوالے سے مدنی مشورہ ہوا جس میں تمام اسٹیٹ نگران اسلامی بہنوں کی شرکت ہوئی۔