دعوتِ اسلامی کے شعبہ روحانی علاج کے زیرِ اہتمام 13،12،11 فروری 2023ء  بروز ہفتہ، اتوار، پیر مدنی مرکز فیضانِ مدینہ میانوالی میں تین دن کا روحانی علاج کورس ہوا جس میں سرگودھا ڈویژن سے آنے والے مختلف عاشقانِ رسول نے شرکت کی ۔

کورس میں شریک اسلامی بھائیوں کی شعبہ روحانی علاج کورس کے معلم حافظ محمد یونس عطاری نے تعویذات عطاریہ لکھنے کے متعلق اہم امور پر تربیت کی نیز شرکا کو دم کرنے اور کاٹ والے عمل کرنے کا طریقہ و احتیاطیں سمجھائیں ۔(رپورٹ : سمیر علی عطاری آفس ذمہ دار ، کانٹینٹ: رمضان رضا عطاری)

کنز المدارس بورڈ (دعوت اسلامی) کے تحت 23 فروری 2023ء سے جامعۃ المدینہ میں سالانہ امتحان کا آغاز ہونے جارہا ہے۔

سالانہ امتحانات کے انتظامات کو مضبوط اور بہتر بنانے کے لئے ملک بھر میں نگران مراکز امتحانات کے لئے کنز المدارس بورڈ کے تحت وقتاً فوقتاً ٹریننگ سیشن کا انعقاد کیا جارہا ہے۔

اسی سلسلے میں 15 فروری 2023ء کو دعوت اسلامی کے مدنی مرکز فیضان مدینہ آفندی ٹاؤن حیدر آباد میں ٹریننگ سیشن کا انعقاد کیا گیا جس میں حیدر آباد امتحانی مراکزکے نگرانوں نے شرکت کی۔ کنٹرولر امتحانات مولانا محمد اسماعیل عطاری مدنی نے مختلف امتحانی امور پر شرکا کی تربیت کی اور امتحانات کو منظم انداز میں پایۂ تکمیل تک پہچانے کے ساتھ ساتھ امتحان دینے والے طلبہ کو ہرممکن سہولت دینے کے حوالے سے مدنی پھول بیان کئے۔

6،5 اور7فروری 2023ء  بروز اتوار ، پیر ، منگل عالمی مدنی مرکز فیضانِ مدینہ کراچی میں تین دن کا روحانی علاج کورس منعقد ہوا جس میں کراچی سٹی سے آنے والے مختلف عاشقانِ رسول نے شرکت کی۔

کورس میں شریک اسلامی بھائیوں کی معلم محمد زاہد عطاری نے تعویذات عطاریہ لکھنے کے حوالے سے مختلف امور پر رہنمائی کی، دم کرنے اور کاٹ کرنے کا طریقہ اور اس کی احتیاطیں بیان کیں نیز شعبے کے دینی کام کرنے کے حوالے سے اپڈیٹس نکات بتائے۔ اس کے علاوہ 12 دینی کاموں میں عملی طور پر حصہ لینے کا ذہن بھی دیا اور غمخواری امت کا جذبہ دلایا ۔ (رپورٹ : سمیر علی عطاری آفس ذمہ دار ، کانٹینٹ: رمضان رضا عطاری)

کنز المدارس بورڈ (دعوت اسلامی) کے تحت 23 فروری 2023ء سے جامعۃ المدینہ میں سالانہ امتحان کا آغاز ہونے جارہا ہے۔

سالانہ امتحانات کے انتظامات کو مضبوط اور بہتر بنانے کے لئے ملک بھر میں نگران مراکز امتحانات کے لئے کنز المدارس بورڈ کے تحت وقتاً فوقتاً ٹریننگ سیشن کا انعقاد کیا جارہا ہے۔

اسی سلسلے میں 14 فروری 2023ء کو دعوت اسلامی کے عالمی مدنی مرکز فیضان مدینہ کراچی میں ٹریننگ سیشن کا انعقاد کیا گیا جس میں کراچی امتحانی مراکزکے نگرانوں نے شرکت کی۔ کنٹرولر امتحانات مولانا محمد اسماعیل عطاری مدنی نے مختلف امتحانی امور پر شرکا کی تربیت کی اور امتحانات کو منظم انداز میں پایۂ تکمیل تک پہچانے کے ساتھ ساتھ امتحان دینے والے طلبہ کو ہرممکن سہولت دینے کے حوالے سے مدنی پھول بیان کئے۔

13 فروری 2023ء بروز پیر دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے SSP آفس کورنگی کا دورہ کیاجہاں انہوں نے SSP ساجد سیدوزئی سے ملاقات کی۔

دورانِ ملاقات ذمہ دار اسلامی بھائیوں نے شبِ معراج اجتماع کی سیکیورٹی انتظامات کے حوالے سےچند اہم امور پر میٹنگ کی جس پر انہوں نے مکمل تعاون کی یقین دہانی کروائی۔

اسی طرح ذمہ داران نے SSP آفس ٹریفک کا وزٹ کیا جہاں انہوں نے ٹریفک صادق حسین صدیقی سے ملاقات کی اور ٹریفک پولیس اہلکاروں کی ڈپلائمنٹ کے بارے میں کلام کیا۔

دوسری جانب شعبے کے ذمہ دار اسلامی بھائیوں نے ڈی ایس پی لانڈھی آفس میں ڈی پی او نازنین مغل اور عوامی ایس او لانڈھی سے ملاقات کرتے ہوئے دعوتِ اسلامی کے دینی کاموں کے متعلق گفتگو کی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں فیصل آباد میں نئے تعینات ہونے والے ڈپٹی کمشنر علی عنان قمر اور ڈسٹرکٹ پروٹوکول آفیسر و انچارج کنٹرول روم ڈپٹی کمشنر آفس صادق احمد صواتی نے دعوتِ اسلامی کے مدنی مرکز فیضانِ مدینہ فیصل آباد کا وزٹ کیا جہاں اُن کی ملاقات مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری سے ہوئی۔

اس دوران نگرانِ پاکستان مشاورت حاجی محمد شاہد عطاری اور نگرانِ شعبہ کارکردگی حاجی عمر عطاری نے شخصیات کو دعوتِ اسلامی کے مختلف شعبہ جات کا تعارف کروایا جس پر انہوں نے دعوتِ اسلامی کی خدمات کو سراہا۔

پچھلے دنوں شعبہ فیضان آن لائن اکیڈمی بوائز دعوتِ اسلامی کے تحت گجرانوالہ برانچ کے مدرسین و ذمہ دار اسلامی بھائیوں کا مدنی مشورہ ہوا جس میں نگرانِ شعبہ مولانا یاسر عطاری مدنی نے اسلامی بھائیوں کی تربیت کی۔

نگرانِ شعبہ نے شرکا سے برانچ کے تعلیمی، تنظیمی اور انتظامی امور کے بارے میں گفتگو کرتے ہوئے انہیں دعوتِ اسلامی کے 12 دینی کاموں میں شمولیت اختیار کرنے کی ترغیب دلائی۔

گزشتہ روز شعبہ رابطہ برائے وکلاء کراچی سٹی کے تحت دعوتِ اسلامی کے عالمی مدنی مرکز فیضانِ مدینہ کراچی میں ایک میٹ اپ ہوا جس میں وکلا حضرات سمیت کورٹ اسٹاف کے اسلامی بھائیوں نے شرکت کی۔

تفصیلات کے مطابق اس میٹ اپ میں مرکزی مجلسِ شوریٰ کے رکن حاجی محمدعلی عطاری نے سنتوں بھرا بیان کرتے ہوئے انہیں اپنی اصلاح کرنے کے حوالے سے مدنی پھول دیئے نیز وکلا کو دعوتِ اسلامی کے دینی کاموں میں عملی طور پر حصہ لینے کا ذہن دیا۔

اس دوران رکنِ شوریٰ حاجی محمد علی عطاری نے کراچی بارایسوسی ایشن کے سابق عہدیدار کی والدہ کے لئے دعا کروائی۔بعدازاں وکلا اور اسٹاف نے دعوتِ اسلامی کے مدنی چینل ڈیپارٹمنٹ کا وزٹ کیا۔(رپورٹ:محمد صہیب یوسف عطاری ایڈووکیٹ معاون شعبہ رابطہ برائے وکلاء کراچی سٹی مشاورت، کانٹینٹ:غیاث الدین عطاری)

15 فروری 2023ء بروز بدھ مفتی محلہ شکار پور سندھ کی جامع مسجد المدنی میں سیکھنے سکھانے کا حلقہ لگایا گیا جس میں عمرہ کرنے والے عاشقانِ رسول نے شرکت کی۔

اس موقع پر لاڑکانہ ڈویژن کے رکن عبد الرزاق عطاری نے عمرہ کے احکامات کے بارے میں گفتگو کرتے ہوئے عاشقانِ رسول کو احرام باندھنے کا عملی طریقہ سکھایا۔

دعوتِ اسلامی اسلامی کے رابطہ برائے میڈیکل ڈیپارٹمنٹ کے تحت پچھلے دنوں پاکستان کے شہر  فیصل آباد میں قائم مدنی مرکز فیضانِ مدینہ میں Docters as a preacher (ڈاکٹر بطورِ مبلغ) کورس منعقد ہوا جس میں دینی ماحول سے وابستہ سینئر ڈاکٹرز اور ذمہ داران نے شرکت کی۔

کورس کے اختتام پر دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”SPIRTUAL HEALING OF PHYSICAL DISEASES“ (جسمانی بیماریوں کا روحانی علاج) کے موضوع پر سنتوں بھرا بیان کیا۔

پچھلے دنوں دعوتِ اسلامی کے عالمی مدنی مرکز فیضانِ مدینہ کراچی میں شعبہ حج و عمرہ کا مدنی مشورہ ہوا جس میں کراچی کے ذمہ داران نے بالمشافہ جبکہ دیگر شہروں کے ذمہ داران نے بذریعہ انٹرنیٹ شرکت کی۔

اس مدنی مشورے میں مرکزی مجلسِ شوریٰ کے رکن حاجی سیّد محمد ابراہیم عطاری نے ذمہ داران کی تربیت کرتے ہوئے انہیں مدنی پھولوں سے نوازا اور احسن انداز میں دینی کام کرنے کا ذہن دیا۔

علاوہ ازیں حاجی عبد الاحد عطاری اور قاری محمد تسلیم رضا عطاری نے حج فارم جمع کرنے کے حوالے سے ذمہ دار اسلامی بھائیوں کی ذہن سازی کی۔

واضح رہے کہ سابقہ سالوں کی طرح رواں سال بھی عاشقانِ رسول کی دینی تحریک دعوتِ اسلامی کا شعبہ حج و عمرہ گورنمنٹ حج اسکیم 2023ء کی قرعہ اندازی کے لئے عازمینِ حج و عمرہ کی خیر خواہی کرتے ہوئے حج گروپس بنائے گا۔(کانٹینٹ:غیاث الدین عطاری)

دعوت اسلام کے زیر اہتمام آج رات مؤرخہ 16 فروری 2023ء کو دنیا بھر میں ہفتہ وار سنتوں بھرے اجتماعات منعقد کئے جائیں گے جن میں اراکینِ شوریٰ اور مبلغین دعوت اسلامی سنتوں بھرے بیانات فرمائیں گے۔

تفصیلات کے مطابق مدنی مرکز فیضان مدینہ جوہر ٹاؤن لاہور سے براہ راست مدنی چینل پر ہونے والے ہفتہ وار اجتماع میں مرکزی مجلس شوریٰ کے رکن حاجی محمد اطہر عطاری سنتوں بھرا بیان فرمائیں گے۔

اسی علاوہ عالمی مدنی مرکز فیضان مدینہ کراچی میں مفتی محمد شفیق عطاری مُدَّ ظِلُّہُ العالی ، جامع مسجد سبحانی اورنگی ٹاؤن کراچی میں رکن شوریٰ حاجی محمد علی عطاری، مدنی مرکز فیضان مدینہ چوآسیدن شاہ میں رکن شوریٰ مولانا حاجی محمد اسد عطاری مدنی، جامع مسجد فیضان فاروق اعظم نزد چیئرمین کالونی واہ کینٹ میں رکن شوریٰ حاجی وقار المدینہ عطاری، جامع مسجد ابو حنیفہ نزد مرے کالج روڈ سیالکوٹ میں رکن شوریٰ حاجی منصور رضا عطاری اور مدنی مرکز فیضان مدینہ آفنڈی ٹاؤن میں نگران مجلس شعبہ پروفیشلز فورم محمد ثوبان عطاری سنتوں بھرا بیان فرمائیں گے۔