شعبہ جامعۃ المدینہ (دعوت اسلامی) کے زیر اہتمام16 فروری 2023ء کو عالمی مدنی مرکز فیضان مدینہ کراچی سے براہِ راست مدنی چینل پر سالانہ تقریب ”ختم بخاری شریف“ کا انعقاد کیا جائیگا۔

تقریب کا آغاز صبح 9:00 بجے تلاوت و نعت سے ہوگا جبکہ جانشین امیر اہلسنت مولانا حاجی عبید رضا عطاری مدنی مُدَّ ظِلُّہُ العالی بخاری شریف کی آخری حدیث پڑھائیں گے۔اس تقریب میں ملک بھر میں قائم جامعۃ المدینہ اور خصوصاًدورۃ الحدیث کے طلبۂ کرام بذریعہ مدنی چینل شریک ہوں گے۔

کنز المدارس بورڈ (دعوت اسلامی) کے تحت 23 فروری 2023ء سے جامعۃ المدینہ میں سالانہ امتحان کا آغاز ہونے جارہا ہے۔

سالانہ امتحانات کے انتظامات کو مضبوط اور بہتر بنانے کے لئے ملک بھر میں نگران مراکز امتحانات کے لئے کنز المدارس بورڈ کے تحت وقتاً فوقتاً ٹریننگ سیشن کا انعقاد کیا جارہا ہے۔

اسی سلسلے میں 12فروری 2023ء کو دعوت اسلامی کے مدنی مرکز فیضان مدینہ اسلام آبادG-11 میں ٹریننگ سیشن کا انعقاد کیا گیا جس میں لاہور امتحانی مراکزکے نگرانوں نے شرکت کی۔ کنٹرولر امتحانات مولانا محمد اسماعیل عطاری مدنی نے مختلف امتحانی امور پر شرکا کی تربیت کی اور امتحانات کو منظم انداز میں پایۂ تکمیل تک پہچانے کے ساتھ ساتھ امتحان دینے والے طلبہ کو ہرممکن سہولت دینے کے حوالے سے مدنی پھول بیان کئے۔

کنز المدارس بورڈ (دعوت اسلامی) کے تحت 23 فروری 2023ء سے جامعۃ المدینہ میں سالانہ امتحان کا آغاز ہونے جارہا ہے۔

سالانہ امتحانات کے انتظامات کو مضبوط اور بہتر بنانے کے لئے ملک بھر میں نگران مراکز امتحانات کے لئے کنز المدارس بورڈ کے تحت وقتاً فوقتاً ٹریننگ سیشن کا انعقاد کیا جارہا ہے۔

اسی سلسلے میں 13 فروری 2023ء کو دعوت اسلامی کے مدنی مرکز فیضان مدینہ جوہر ٹاؤن لاہور میں ٹریننگ سیشن کا انعقاد کیا گیا جس میں لاہور امتحانی مراکزکے نگرانوں نے شرکت کی۔ کنٹرولر امتحانات مولانا محمد اسماعیل عطاری مدنی نے مختلف امتحانی امور پر شرکا کی تربیت کی اور امتحانات کو منظم انداز میں پایۂ تکمیل تک پہچانے کے ساتھ ساتھ امتحان دینے والے طلبہ کو ہرممکن سہولت دینے کے حوالے سے مدنی پھول بیان کئے۔

گزشتہ دنوں دعوتِ اسلامی کی مرکزی مجلسِ  شوریٰ کے رکن حاجی قاری ایاز رضا عطاری نے نگرانِ حیدرآباد سٹی حاجی محمد سہیل رضا عطاری کے ہمراہ مفتی ابو حماد احمد میاں برکاتی صاحب کی بیماری پر ان کی رہائش گاہ پر عیادت کی۔

دورانِ گفتگو رکنِ شوریٰ نے مفتی صاحب کو مکتبۃ ُ المدینہ کی پیشکش پین ڈیجیٹل قرآنِ پاک (Pen Digital Quran Pak) تحفتاً پیش کیا اور انہیں دعوتِ اسلامی کے نئے پروجیکٹس کے بارے میں معلومات دیتے ہوئے ملک و بیرون ملک میں ہونے والے دینی کاموں سے آگاہ کیا جس پر مفتی صاحب نے دعوتِ اسلامی کی دینی خدمات کو سراہا اور دعاؤں سے نوازا۔( کانٹینٹ: رمضان رضا عطاری)

مورخۂ 12 فروری 2023ء کو دعوتِ اسلامی کے مدنی  مرکز فیضانِ مدینہ جہلم میں سحری اجتماع کا اہتمام کیا گیا جس میں رکنِ شوریٰ حاجی بغداد رضا عطاری کے ہمراہ تربیتی کورس کے طلبہ نے سحری کی ۔

اس موقع پر اسلامی بھائیوں نے نمازتہجد باجماعت ادا کی اور امیرِا ہلِ سنت دامت بَرَکَاتُہمُ العالیہ کی ترغیب پر نفل روزے رکھنے کی سعادت حاصل کی۔(کانٹینٹ:رمضان رضا عطاری)

دعوتِ اسلامی کی جانب سے  11 فروری 2023ء بروز ہفتہ شعبہ فیضانِ مرشد کے اسلامی بھائیوں کا فیضانِ مدینہ کراچی میں ٹریننگ سیشن منعقد ہوا جس میں رکنِ شوریٰ حاجی محمد امین عطاری نے سنتوں بھرا بیان کیا۔

مزید رکنِ شوریٰ نے اسلامی بھائیوں کی دینی و اخلاقی اعتبار سے تربیت کرتے ہوئے انہیں دینِ اسلام کی تعلیمات پر عمل کرتے ہوئے زندگی گزارنے کاذہن دیا اور ہفتہ وار سنتوں بھرے اجتماع میں شرکت کرنے نیز مدنی مذاکرہ سننے کی ترغیب بھی دلائی جس پر شرکا نے اچھی اچھی نیتوں کااظہار کیا۔ ساتھ ہی یہ بیان مدرسۃُ المدینہ گرلز اسلامی بہنوں میں بھی آڈیو لنک کے ذریعے ریلے کیا گیا۔(کانٹینٹ:رمضان رضا عطاری)

عالمی مدنی مرکز فیضانِ مدینہ کراچی  میں 11 فروری 2023ء بروز ہفتہ شعبہ ڈونیشن بکس کے ذمہ داران کا مدنی مشورہ ہوا جس میں پاکستان بھر سے آئے ہوئے ڈونیشن بکس کے ذمہ داران نے شرکت کی ۔

مدنی مشورے میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیاجس میں اسلامی بھائیوں کو شعبے کے دینی کام میں مزید بہتری لانے کے حوالے سے مدنی پھول دیئے نیز مختلف امور پر تربیت کرتے ہوئے ذمہ داران کو آئندہ کے لئےاہداف بھی دیئے جس پر حاضرین نے بھر پوردینی کام کرنے کی اچھی اچھی نیتوں کا اظہار کیا۔ (کانٹینٹ:رمضان رضا عطاری)

دعوتِ اسلامی  کے تحت 11فروری 2023ء کو لاہور کے علاقے ڈیفنس میں قائم مدرسۃُ المدینہ بوائز میں سرپرست اجتماع کا انعقاد کیا گیا جہاں مدرسۃ المدینہ میں پڑھنے والے طلبہ کے سرپرست اور مقامی شخصیات نے شرکت کی ۔

تفصیلات کے مطابق مرکزی مجلسِ شوریٰ کے رکن حاجی یعفور رضا عطاری نے ’’ زوال کے اسباب‘‘ کے موضوع پر سنتوں بھرا بیان کیا اور شرکا کو دعوتِ اسلامی کی دینِ اسلام کے لئے کی جانے والی خدمات کے حوالے سے بتاتے ہوئے انہیں بھی دینی ماحول سے وابستہ ہونے کاذہن دیا جس پر انہوں نے اچھی اچھی نیتیں کیں۔( کانٹینٹ: رمضان رضا عطاری)

11فروری 2023ء کو دعوتِ اسلامی کے شعبہ رابطہ برائے وُکلا کے ذمہ داران کا فیضانِ مدینہ جوہر ٹاؤن لاہور میں مدنی مشورہ منعقد  ہوا جس میں شعبہ نگران اور صوبائی نگران سمیت ڈویژن ذمہ داران نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے مدنی مشورے میں شریک اسلامی بھائیوں کو عالمی مدنی مرکز فیضانِ مدینہ کراچی میں ہونے والے 3 دن کے ٹریننگ سیشن میں شرکت کرنے کاذہن دیا نیز پنجاب سے وُکلا کا فیضانِ مدینہ جوہر ٹاؤن لاہور میں اجتماع منعقد کرنے اور مزیددینی کاموں کو بڑھانے کے سلسلے میں اہداف دیئے ۔( کانٹینٹ: رمضان رضا عطاری)

9فروری 2023ء بروز جمعرات دعوتِ اسلامی کی جانب سے کراچی کے علاقے ملیر میں واقع نورانی مسجد میں ہفتہ وار سنتوں بھرے اجتماع کا سلسلہ ہوا جس میں مقامی عاشقانِ رسول نے شرکت کی ۔

اجتماعِ پاک کا آغاز تلاوتِ قراٰ ن پاک و نعت رسول مقبول صلَّی اللہ علیہ واٰلہٖ وسلَّم سے کیا گیا۔ بعدازاں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے ’’دو بلند رتبہ شخصیات( صحابیٔ رسول حضرت امیر معاویہ رضی اللہ عنہ اور حضرت عمر بن عبد العزیزرحمۃ اللہ علیہ ) ‘‘ کے موضوع پر سنتوں بھرا بیان کیا ۔

دورانِ بیان رکنِ شوریٰ نے حاضرین کو ان مبارک ہستیوں کے نقشِ قدم پر چلتے ہوئے علم دین حاصل کرنے اور نمازوں کی پابندی کرنے کا ذہن دیا جس پر شرکا نے نیک خواہشات کا اظہار کیا۔( کانٹینٹ: رمضان رضا عطاری)

8فروری  2023ء بروز بدھ، قائد آباد کے ٹاؤن نگران قاری ثناء ُاللہ عطاری کی بیماری پر دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے اسپتال جاکر عیادت کی۔

جہاں رکنِ شوریٰ نے قاری ثناء ُاللہ عطاری سے حال احوال دریافت کرتے ہوئے انہیں صبر کی تلقین کی اور دم کیا ہوا پانی پیش کیانیز ان کی صحت یابی کے لئے دعائے خیر بھی کروائی ۔( کانٹینٹ: رمضان رضا عطاری)

پچھلے دنوں ترکیہ اور شام میں آنے والے زلزلے کے بعد ہر طرف تباہی کے مناظر دیکھنے میں آئیں۔ہر گزرتا لمحہ دُکھوں میں اضافہ کررہا ہے، انتقال کرجانے والوں کی تعداد میں دن بدن بڑھ رہی ہے۔ لوگ ملبے میں دبے اپنے پیاروں کو تلاش کررہے ہیں، آنے والے زلزلے نے انسانی زندگی میں آزمائش برپا کردی ہے جس کی وجہ سے ہر طرف حسرت و آس کی تصویریں ہیں۔

مشکل کی اس گھڑی میں دعوت اسلامی کا فلاحی شعبہ FGRF بھی ترکیہ کے شہر ادنیٰ اور حطائی میں امدادی کاموں کے اندر مصروف عمل ہے، اس کے علاوہ پاکستان سے رکن شوریٰ مولانا حاجی عبد الحبیب عطاری بھی ترکیہ پہنچ کر دو دن تک امدادی کاموں میں حصہ لے رہیں تھے۔ حاجی عبد الحبیب عطاری نےدو دن تک ترکیہ کے شہر ادنیٰ اور حطائی کے متاثرہ علاقوں کا دورہ کیا اور پریشان حال مسلمانوں میں مزید کس طرح امدادی کام کرناہے؟ اور وہاں متاثرین کو کن کن چیزوں کی حاجت ہے؟ اس حوالے سے جائزہ لیا۔رکن شوریٰ نے زلزلہ متاثرین سے ملاقاتیں بھی کیں اور ان سے غمخواری اور صبر کی تلقین کرتے ہوئے ان میں کھانے پینے کی اشیاء، رضائیاں اور دیگر اشیائے ضروریہ بھی تقسیم کیں۔

اسی طرح اللہ پاک کے فضل و کرم سے FGRF کی ٹیمیں شام میں بھی پہنچ چکی ہے اور زلزلہ متاثرین میں امدادی کا موں کا آغاز کردیا گیا ہے۔