دعوت اسلامی کے زیر اہتمام 12 فروری 2023ء کو آسٹریلیا (Australia) کے سٹی میلبرن (Melbourne)، اسپرنگ ویل (Springvale) میں عظیم الشان سنتوں بھرے اجتماع کا انعقاد کیا گیا جس میں مختلف شعبوں سے وابستہ عاشقان رسول اور ذمہ داران دعوت اسلامی کی بڑی تعداد نے شرکت کی۔اس کے علاوہ اسلامی بہنوں کے لئے بھی پردے کا اہتمام کیا گیا تھا۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور نصیحت آمیز واقعہ بیان کرتے ہوئے شرکا کو اپنے والدین کے ساتھ حسنِ سلوک اور والدین کو اپنی اولادوں پر شفقت کرنے کی ترغیب دلائی۔ نگران شوریٰ نے حاضرین کو 13 فروری 2023ءسے میلبرن میں قائم ہونے والے جامعۃ المدینہ کی خوشخبری سنائی اور جامعۃ المدینہ کے متعلق بریفنگ دیتے ہوئے انہیں خود بھی اور اپنے ساتھ ساتھ بچوں اور خواتین کو دینی تعلیمات سے آراستہ کرنے کا ذہن دیا۔حاجی عمران عطاری نے اسلامی بھائیوں کو اپنی اور اپنی اولاد کی تربیت کے لئے ہر ماہ تین مدنی قافلے میں سفر کرنے کی ترغیب دلائی اور رسالہ ”نیک اعمال“ کے مطابق زندگی گزارنے کی ذہن سازی کی۔ آخر میں صلوۃ و سلام اور دعا کا سلسلہ ہوا۔

اس موقع پرنگران آسٹریلیا ریجن عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

دعوت اسلامی کے زیر اہتمام 11 فروری 2023ء بروز ہفتہ آسٹریلیا (Australia) کے سٹی ایڈیلیڈ (Adelaide)، پراسپیکٹس(Prospects) میں سنتوں بھرے اجتماع کا انعقاد کیا گیا جس میں مختلف شعبے سے وابستہ شخصیات نے شرکت کی۔

مرکزی مجلس شوریٰ کےنگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو نیکی کی دعوت پیش کرتے ہوئے انہیں دعوت اسلامی کے دینی و فلاحی کاموں میں جانی و مالی تعاون کرنے کا ذہن دیا۔

اس موقع نگران آسٹریلیا عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

 11 فروری 2023ء کو شعبہ کفن دفن (دعوت اسلامی)کے تحت عالمی مدنی مرکز فیضان مدینہ کراچی میں مدنی مشورہ ہوا جس میں مرکزی جامعۃ المدینہ کے طلبۂ کرام نے شرکت کی ۔

کراچی سٹی ذمہ دار یاسر عطاری نے دینی کاموں کو بڑھانے کےحوالے سے گفتگو کی اور طلبۂ کرام کو دینی کاموں کے حوالے سے رہنمائی و مدنی پھولوں سے نوازا۔ (رپورٹ: عزیر عطاری شعبہ کفن دفن / کانٹینٹ : محمد مصطفیٰ انیس) 

پچھلے دنوں پنجاب کے شہر شرقپور شریف میں شعبہ تعلیم (دعوت اسلامی)کےتحت جمیل میرج ہال میں ٹیچرز اجتماع منعقد ہوا جس میں شرقپور شریف کے ٹیچرز سمیت ذمہ داران نے شرکت کی ۔

شعبہ تعلیم کے نگران عبد الوہاب عطاری نے شرکا کے درمیان سنتوں بھرا بیان کیا جس میں بچوں کی تعلیم و تربیت احسن انداز میں کرنے اور تعلیمی نظام کو شریعت کے مطابق کرنے کاذہن دیانیز دعوت اسلامی کا تعارف اور اس کے شعبہ جات کی دینی و تعلیمی خدمات بھی بیان کیں ۔ (رپورٹ: عبد الوہاب عطاری ، شعبہ تعلیم / کانٹینٹ : محمد مصطفیٰ انیس) 

دعوت اسلامی کے زیر اہتمام 10 فروری 2023ء کو ایڈیلیڈ (Adelaide) آسٹریلیا (Australia) کی قدیم و تاریخی مسجد میں سنتوں بھرے اجتماع کا انعقاد کیا گیا جس میں مختلف شعبے سے وابستہ کاروباری حضرات اور دیگر عاشقان رسول سمیت ذمہ داران دعوت اسلامی نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا۔ بیان کرتے ہوئے نگران شوریٰ نے حضرت رابعہ بصریہ رضی اللہُ عنہا کی عبادت کا ذکر کرتے ہوئے شرکا کو عبادت کرنے کی ترغیب دلائی۔ اسی دوران نگران شوریٰ نے شرکا کو یہ ذہن دیا کہ گناہوں سے بچتے ہوئے نیک اعمال بجا لائیں اور اللہ پاک کو راضی کرنے والے کام کریں، نگران شوریٰ نے یہ بھی بتایا کہ نماز اور نیک اعمال کے سبب کئی مواقع پر آنے والی مشکلات و پریشانیاں دور ہوجاتی ہیں۔ اجتماع میں انگلش زبان میں نگران شوریٰ کے بیان کا خلاصہ بھی پیش کیا گیا جبکہ اجتماع کا اختتام پر صلوۃ و سلام اور دعا پر ہوا۔

اس موقع نگران آسٹریلیا عبد الواحد عطاری اور نگران ویلز یوکے حاجی سید فضیل رضا عطاری بھی موجود تھے۔

10 فروری 2023ء کو اسپیشل پرسنز ڈیپارٹمنٹ کے تحت منصورہ آباد ، فیصل آبادمیں گونگے بہرے اسلامی بھائیوں میں سیکھنے سکھانے کے مدنی حلقے کا اہتمام کیا گیا ۔

اسپیشل پرسنزڈیپارٹمنٹ کے ڈیف ڈویژن ذمہ دار ارسلان عطاری (فیصل آباد) نے شرکا کو ہفتہ وار مدنی مذاکرے پابندی کے ساتھ دیکھنے کی دعوت دی اور فیصل آباد میں ماہانہ اجتماع کروانے کے حوالے سے مدنی مشورہ کیا ۔ اس مشورے میں فیصل آباد ڈسڑکٹ کے ذمہ دار محمدنعمان بدر عطاری بھی شریک تھے۔ (رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس )/ کانٹینٹ : محمد مصطفیٰ انیس) 

دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے نگران ویلز یوکے حاجی سید فضیل رضا عطاری اور دیگر ذمہ داران کے ہمراہ انڈونیشیا (Indonesia) کے سٹی بندہ آچے (Banda Aceh) میں ساحل سمندر پر واقع حضرت سیدنا شیخ عبد الرؤف بن علی الفانصوری شیہ کوالا رحمۃُ اللہِ علیہ کے مزار شریف پر حاضری دی۔

نگران شوریٰ نے صاحب مزار کے ایصالِ ثواب کے لئے فاتحہ خوانی کی اور دعا کا سلسلہ ہوا۔

12 فروری 2023ء کو اسپیشل پرسنز ڈیپارٹمنٹ کے تحت فیصل آبادمیں  نیکی کی دعوت کا سلسلہ ہوا جس میں گونگے بہرے اسلامی بھائیوں کو نیکی کی دعوت پیش کی گئی۔

ذمہ دار اسلامی بھائی نے شرکا کو دعوت اسلامی کا تعارف کروایا نیز دعوت اسلامی کے تحت ہونے والے سنتوں بھرے اجتماعات و مدنی مذاکروں میں شرکت کرنے کی دعوت دی جبکہ راہِ خدا میں مدنی قافلے میں سفرکرنے کی ترغیب دلائی ، جس پر انہوں نے اچھی اچھی نیتوں کا اظہار کیا ۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس )/ کانٹینٹ : محمد مصطفیٰ انیس) 

8 فروری 2023ء کو نگران شوریٰ مولانا حاجی محمد عمران عطاری مُدَّ ظِلُّہُ العالی نے دورۂ انڈونیشیا (Indonesia) کے دوران بندہ آچے (Banda Aceh) میں قائم دار العلوم استقامۃ الدین دار المعارف کا وزٹ کیا جہاں حضرت مولانا شیخ ابو محمد بن زمزی رحمۃُ اللہِ علیہ کے عرس شریف میں شرکت کی اور مزار شریف پر حاضری دی۔ نگران شوریٰ نے صاحبِ مزارکے لئے فاتحہ خوانی اور دعائیں کیں۔

نگران شوریٰ نے دار العلوم میں صاحب مزار کے صاحبزادے مولانا ابو محمداً صاحب سے ملاقات کی اور مختلف امور پر تبادلۂ خیال ہوا۔ اس کے علاوہ نگران شوریٰ نے دار العلوم میں علمائے کرام، طلبہ اور دیگر عاشقان رسول سے ملاقات بھی کی۔

اس موقع پر نگران انڈونیشیا ریجن مولانا غلام یٰسین عطاری مدنی اور نگران ویلز یوکے حاجی سید فضیل رضا عطاری بھی موجود تھے۔

12 فروری 2023ء کو اسپیشل پرسنز ڈیپارٹمنٹ اوورسیز (دعوت اسلامی )کے تحت دینی کاموں کے سلسلے میں اسپیشل پرسنز کے ذمہ دار محمد حنیف عطاری(پاکستان)  نے بیرون ملک کینیا اور یوگینڈا کا سفر کیا ۔

اس سفر کے دوران محمد حنیف عطاری نے کینیا کے ذمہ داران اور وہاں کے باشندوں سے ملاقات کی اور وہاں نیکی کی دعوت پیش کرتے ہوئے دعوت اسلامی کے ماحول سے وابستہ رہنے اور اجتماعات و مدنی مذاکروں میں شرکت کرتے رہنے کا ذہن دیا ۔

جبکہ اس موقع پر ایک غیر مسلم کو کلمہ پڑھا کر مسلمان کیا اور اسے دین اسلام کی بنیادی معلومات فراہم کیں۔ (رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس )/ کانٹینٹ : محمد مصطفیٰ انیس)

انڈونیشیا (Indonesia) کے سٹی بندہ آچے (Banda Aceh) میں 7 فروری 2023ء کو دعوت اسلامی کے پہلے مدنی مرکز فیضان مدینہ کے قیام کے لئے سنگ ِبنیاد رکھ دیا گیا۔ فیضان مدینہ کا سنگِ بنیاد پاکستان سے تشریف لائے ہوئے مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اور مقامی ذمہ داران اور انڈونیشیا کے اسلامی بھائیوں نے درود وسلام کی صداؤں میں اینٹیں رکھ کر کیا۔

اس موقع پر ایک تقریب کا انعقاد کیا گیا جس میں انڈونیشیا کے علمائے کرام اور مختلف شعبہ ہائے زندگی سے وابستہ افراد و عاشقان رسول سمیت ذمہ داران دعوت اسلامی نے شرکت کی۔ تقریب کا آغاز تلاوت قرآن پاک سے کیا گیا اور عربی میں نعت شریف بھی پڑھی گئی۔ نگران شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے کہا کہ دنیا کا بدترین حصہ وہ ہے جہاں بازار ہوتے ہیں اور بہترین جگہ وہ ہے جہاں مسجد ہوتی ہے، بحیثیت مسلمان ہماری خواہش ہونی چاہیئے کہ ہمارا بچہ بچہ نمازی بن جائے۔

نگران انڈونیشیا ریجن مولانا غلام یٰسین عطاری مدنی نے مقامی زبان میں نگران شوریٰ کے بیان کا خلاصہ بتایا۔ اس کے علاوہ اس موقع پر نگران ویلز یوکے حاجی سید فضیل رضا عطاری بھی موجود تھے۔

اسی طرح نگران شوریٰ نے ذمہ داران دعوت اسلامی اور مقامی عاشقان رسول کے ہمراہ بندہ آچے (Banda Aceh) کی تاریخی اور سب سے بڑی مسجد بیت الرحمن میں بھی حاضری دی ۔

دعوتِ اسلامی کی مرکزی مجلس شوریٰ کے رکن حاجی محمد عقیل عطاری مدنی نے10فروری 2023ء  کو فیضانِ مدینہ جیکب آباد سندھ میں احکامِ مسجد کورس کروایا۔

مسجد انتظامیہ کے افراد،مقامی ذمہ داران و ائمہ مساجد نے شرکت کی۔

رکنِ شوریٰ نے دورانِ کورس چندہ،وقف،مسجد کے آداب و احکام کے موضوعات پر اسلامی بھائیوں کی تربیت فرمائی جس میں چندہ جمع کرنے اور خرچ کرنے کی احتیاطیں بیان کیں نیز وقف کی اشیا کے احکام اور اسکے تحفظ کا طریقہ کار سمجھایا۔(رپورٹ : محمد عابد عطاری مدنی، معاون رکن شوری، کانٹینٹ: رمضان رضا عطاری)