مسلمانوں کے ایمان،عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کی طرف سے 01 فروری  2023ء کو ڈسٹرکٹ میرپورخاص میں سیکھنے سکھانے کے حلقے کاانعقاد ہوا جس میں میرپورخاص سٹی کے سیاسی، سماجی تاجر اور پروفیشنل افراد نے شرکت کی۔

مرکزی مجلسِ شوریٰ کے رکن حاجی اسد عطاری مدنی نے’’رجب شریف کی بہاروں ‘‘ کے موضوع پر سنتوں بھرا بیان کیا جس میں شرکا کو دعوتِ اسلامی کے تحت ہونے والے 12 دینی کام کرنے کا ذہن دیا جس پر انہوں نے نیک خیالات کا اظہار کیا۔ (رپورٹ: فرحان عطاری ڈویژن ذمہ دار شعبہ ڈونیشن بکس ، کانٹینٹ:رمضان رضا عطاری) 

کوٹھی اسٹاپ مناواں یوسی واہگہ ٹاؤن لاہورمیں قائم مدنی مرکز فیضانِ مدینہ مسجد میں2 فروری 2023ء کو سیکھنے سکھانے کے حلقے کاانعقاد ہوا جس میں علاقے کے اسلامی بھائیوں نے شرکت کی۔

حلقے میں شریک اسلامی بھائیوں کو لاہور ڈویژن کورسز کے ذمہ دار سید فرقان عطاری نے بزرگانِ دین کی دین کے لئے اپنے جان ،مال اور وقت کی قربانیاں بیان کرتے ہوئے انہیں بھی اسلاف کے نقشِ قدم پر چلتے ہوئے دینی کاموں کے لئے وقت دینے اورفرض علوم سیکھنے کا ذہن دیا جس پر انہوں نے اچھی اچھی نیتیں کیں۔(رپورٹ:محمداحمدسیالوی عطاری ، کانٹینٹ: رمضان رضا عطاری)

سرزمینِ ہِند کے لوگوں کو نورِ ہدایت سے روشناس کروانے اور ان کے عقائدواعمال کی اِصلاح کرنے والے بُزرگانِ دین میں حضرت خواجہ مُعینُ الدین سیّدحسن چشتی اجمیری رَحْمَۃُ اللہِ عَلَیْہِ کا نام بہت نُمایاں ہے۔آپ رَحْمَۃُ اللہِ عَلَیْہِ نے یہاں رہنے والے لوگوں کو اپنے علم، عمل اور مال سے فائدہ پہنچایا۔

آپ رَحْمَۃُ اللہِ عَلَیْہِ کی یاد میں عاشقان ِ رسول کی ایک کثیر تعداد رجب المرجب میں آپ رَحْمَۃُ اللہِ عَلَیْہِ کا عرس مناتی ہے جہاں آپ رَحْمَۃُ اللہِ عَلَیْہِ کا ذکر ِخیر کیا جاتا ہے اورآپ رَحْمَۃُ اللہِ عَلَیْہِ کی سیرت و کردار،علمیت، جد و جہد اورخدمت خلق پر روشنی ڈالی جاتی ہے۔

عرس حضرت خواجہ معین الدین چشتی رَحْمَۃُ اللہِ عَلَیْہِ کے موقع پر دارالمدینہ ہیڈ آفس میں ہونے والی خصوصی محفل میں دارالمدینہ ہیڈ آفس سے وابستہ اسلامی بھائیوں نے شرکت کی۔

اس پروقار محفل میں دعوتِ اسلامی کی مرکزی مجلس ِ شوریٰ کے رُکن حاجی فضیل رضا عطاری نے سنتوں بھرا بیان کرتے ہوئے فرمایاکہ اولیا ئے کرام علیہم الرضوان کو اللہ کا قرب خاص نصیب ہوتا ہے کیوں کہ وہ اللہ کے فرماں بردار ہوتے ہیں، گناہوں سے محفوظ ہوتے ہیں، ان کی زندگی کا کوئی لمحہ نیکی سے خالی نہیں ہوتا۔ان کا کھانا، سونا،چلنا، پھرنا،بیٹھنا، اٹھنا،ان کا ہر کام عبادت ہوتا ہے۔ اولیائے کرام علیہم الرضوان کے خوفِ خدا کا یہ عالم ہوتا ہے کہ وہ خود کو کچھ نہیں سمجھتےہیں، ہمہ وقت عاجزی و انکساری کا پیکر نظر آتے ہیں۔

رکنِ شوریٰ نے توجہ دلاتے ہوئے کہا کہ آج ہماری یہ حالت ہے کہ کوئی لمحہ گناہوں ،غفلت اورفضول گوئی سے خالی نہیں۔یاد رکھیے اللہ عزوجل کی ہمارے بارے میں خفیہ تدبیر کیا ہے یہ ہم نہیں جانتے،ہمیں نہیں معلوم کہ ہمارا ایمان سلامت رہے گا یا نہیں، ہماری موت کس طرح آئے گی، ہمیں کچھ بھی نہیں پتا۔اگر ہمارا رب ہم سے ناراض ہوگیا تو ہم کہیں کے نہ رہیں گے۔اس لئے ہمیں اپنے اخلاق و کردار کی درستی کرنی چاہیے۔آخر میں رکنِ شوریٰ نے محفل میں موجود اسلامی بھائیوں کو دعوتِ اسلامی کے دینی کام کرنے کی ترغیب بھی دلائی۔(رپورٹ: غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

دعوتِ اسلامی کے شعبہ مدنی کورسز کے تحت 2 فروری 2023ءکو جامع مسجد فیضان ِمدینہ کوٹھی اسٹاپ مناواں یوسی واہگہ ٹاؤن لاہور میں مدنی مشورہ ہوا جس میں شعبہ  مدنی کورسز کے ذمہ داران و معلمین نے شرکت کی۔

لاہور ڈویژن کورسز ذمہ دار سید فرقان الحق عطاری نے اسلامی بھائیوں کو شعبے مدنی کورسز کے تحت ہونے والے دینی کا م اچھے انداز سے کرنے کا طریقہ سمجھایا اور زیادہ سے زیادہ مقامات پر کورسز کروانے کے حوالے سے تبادلۂ خیال کیا۔ (رپورٹ:محمداحمدسیالوی عطاری ، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کے زیرِ اہتمام2 فروری 2023ء کو مدنی مرکز فیضانِ مدینہ کوٹھی اسٹاپ مناواں یوسی واہگہ ٹاؤن لاہور میں علاقائی دورے کا سلسلہ ہواجس میں کورسز ذمہ دار سید فرقان عطاری  اور محمد حمزہ عطاری نے اہلِ علاقہ کو نیکی دعوت پیش کرتے ہوئے انہیں بعد نماز مغرب مسجد میں ہونے والے سنتوں بھرے بیان میں شرکت کرنے کی دعوت دی جس پر انہوں نے اچھی اچھی نیتوں کا اظہار کیا۔ (رپورٹ:محمداحمدسیالوی عطاری ، کانٹینٹ: رمضان رضا عطاری)

صوبۂ پنجاب ضلع چکوال کے شہر تلہ گنگ میں قائم دعوتِ اسلامی کے مدنی مرکز فیضانِ مدینہ میں اسپیشل پرسنز ڈیپارٹمنٹ کے تحت پچھلے دنوں  7 دن پر مشتمل اشاروں کی زبان کورس کا آغاز کیا گیا جس میں جامعۃالمدینہ بوائز کے طلبۂ کرام نے شرکت کی۔

3 فروری 2023ء بروز جمعہ صوبہ خیبرپختونخوا کے ضلع جمرود میں اسپیشل پرسنز ڈیپارٹمنٹ دعوتِ اسلامی کے تحت اسپیشل پرسنز کے درمیان سیکھنے سکھانے کا حلقہ لگایاگیا۔

معلومات کے مطابق اس حلقے میں پشاور ڈویژن ذمہ دار ہدایت اللہ خان عطاری نے اشاروں کی زبان میں ”والدین کا ادب“ کے موضوع پر سنتوں بھرا بیان کرتے ہوئے اُن کی دینی و اخلاقی اعتبار سے تربیت کی۔

بعدازاں ڈویژن ذمہ دار نے اسپیشل پرسنز کو وضو و غسل کے فرائض اور سنتیں سکھائیں نیز انہیں دعوتِ اسلامی کے دینی ماحول سے وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد رضوان عطاری اسپیشل پرسنز ڈیپارٹمنٹ پاکستان آفس، کانٹینٹ:غیاث الدین عطاری)

گزشتہ روز عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں شعبہ اطراف علاقے بلوچستان کے اسلامی بھائیوں کے لئے سیکھنے سکھانے کا حلقہ لگایا گیا۔

اس حلقے میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے اسلامی بھائیوں کی تربیت و رہنمائی کی اور انہیں اخلاص کے ساتھ دینی کام کرنے کی ترغیب دلائی۔بعدازاں شرکائے حلقہ نے دعوتِ اسلامی کے دینی کاموں میں ترقی کے لئے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوتِ  اسلامی کے شعبہ مدنی کورسز کے زیرِ اہتمام 2 فروری 2023ء کو ڈسٹرکٹ کورنگی المصطفیٰ ویلفئر سوسائٹی ٹرسٹ کے تحت قائم اولڈ ہاؤس بنام (My Home )میں فیضانِ نماز کورس کا سلسلہ ہوا۔

جہاں مبلغِ دعوتِ اسلامی نے شرکا ئے کورس کو نماز ،وضو اورغسل کے حوالے سے شرعی مسائل بتائے نیز انہیں نیکی کی دعوت پیش کرتے ہوئے نمازوں کی پابندی کرنے اور مدنی مذاکرہ دیکھنے کا ذہن دیا۔بعدازاں ادارے کےایڈمنسٹریٹر سید جواد علی کےساتھ ملاقات ہوئی۔ انہوں نے دعوتِ اسلامی کی اس کاوش کو کافی پسند کیا اور آئندہ بھی اس طرح کے کورسز ادارے میں منعقد کرنے کی نیک خواہش کا اظہار کیا۔ (کانٹینٹ: رمضان رضا عطاری)

دعوتِ اسلامی کے شعبہ مدنی کورسز کی جانب سے 2 فروری 2023ء کو عالمی مدنی مرکزفیضانِ مدینہ  کراچی میں مدنی مشورہ ہوا جس میں سٹی اور ڈسٹرکٹ ذمہ داران نے شرکت کی۔

مدنی مشورے میں رکنِ شوریٰ حاجی فضیل عطاری نے دینی کام کرنے کے حوالے سے اسلامی بھائیوں کو مدنی پھول دیئے نیز تنظیمی اسٹریکچر کے مطابق مختلف مقامات پر فرض علوم پر مشتمل جزوقتی کورسز کروانے کا ہدف دیا جس میں بالخصوص مدرسۃُ بالغان میں پڑھنے والوں میں کورسز کروانے کا ذہن دیا جس پر ذمہ داران نے اچھے خیالات کا اظہار کیا۔(رپورٹ: ‫محمد صابر عطاری کراچی سٹی ذمہ دار شعبہ مدنی کورسز، کانٹینٹ:رمضان رضا عطاری)

پچھلے دنوں برادر اسلامی ملک ترکیہ سے تاجروں کے وفد نے عالمی مدنی مرکز فیضان مدینہ کراچی کا دورہ کیا جہاں دعوت اسلامی کی مرکزی مجلس شوریٰ کے رکن مولانا حاجی عبد الحبیب عطاری  نے انہیں خوش آمدید کہا اور فیضان ،دینہ مسجدسمیت دیگر شعبہ جات فیضان آن لائن اکیڈمی المدینۃ العلمیہ ، شعبہ ٹرانسلیشن اور مدنی چینل سمیت دیگر شعبہ جات کا وزٹ کروایا اور ان شعبہ جات کے تحت ہونے والے دینی کاموں کے بارے میں بھی بتایا۔

رکن شوری نے مہمانوں کو دعوت اسلامی کے شعبہ جات کا تعارف پیش کیا اور عالمی سطح پر دین متین کی خدمت میں مصروف عمل دعوت اسلامی کی دینی و فلاحی کاموں کی ڈاکیومینٹری بھی دکھائی ۔آخر میں رکن شوری نے دعا کروائی جبکہ ان کی آمد پر انکا شکریہ ادا کرتے ہوئے انہیں ” فیضان قراٰن ڈیجیٹل پین “ سمیت مکتبۃ المدینہ کی دیگر کتابیں و رسائل تحفے میں پیش کئے۔ (کانٹینٹ : محمد مصطفیٰ انیس)

عاشقانِ رسول کی دینی تحریک دعوتِ اسلامی کے زیرِ اہتمام ڈسٹرکٹ حافظ آباد گاؤں نانوآنہ کالیکی منڈی  میں شعبہ مدنی کورسز کے تحت 7 دن پر مشتمل جزوقتی فیضانِ نماز کورس کا انعقاد کیا گیا جس میں عاشقانِ رسول کو شعبہ مدنی کورسز کے معلم محمد مکرم عطاری نے وضو ، غسل ، نماز کی شرائط و فرائض کے ساتھ ساتھ نماز کا عملی طریقہ سکھایا ۔

کورس کے اختتام پر 2 فروری 2023ء کوتقسیم اسناداجتماع منعقد ہوا جس میں ڈسٹرکٹ ذمہ دار شعبہ مدنی کورسز محمد رضوان عطاری نے سنتوں بھرابیان کیا ۔ بیان کے بعد شرکائے کورس کو اسناد پیش کیں۔(رپورٹ: محمد رضوان عطاری ڈسٹرکٹ زمہ دار شعبہ مدنی کورسز ، کانٹینٹ:رمضان رضا عطاری)