عاشقانِ رسول کی دینی تحریک دعوتِ اسلامی کے تحت شعبہ رابطہ برائے شخصیات کے ذمہ دار اسلامی بھائیوں نے دینی کاموں کے سلسلے میں DPO آفس مردان ڈسٹرکٹ صوبہ خیبرپختونخوا کا دورہ کیا۔

10 فروری 2023ء کو راولپنڈی کے علاقے سیٹلائیٹ ٹاؤن میں ایک نابینا اسلامی بھائی کے گھر پر اسپیشل پرسنز ڈیپارٹمنٹ کے تحت سیکھنے سیکھانے کا مدنی حلقہ لگایا گیا ۔

صوبائی ذمہ دار محمد کامران عطاری( اسلام آباد) نے ”اللہ دیکھ رہا ہے “ کے موضوع پر سنتوں بھرا بیان کیا اور انہیں نیکیاں کرنے پر مدنی پھولوں سے نوازا۔

آخر میں اسپیشل پرسنز ڈیپارٹمنٹ کا تعارف پیش کرتے ہوئے اس کی دینی خدمات کو بیان کیا اور نابینا اسلامی بھائیوں کو عملی طور پر شرکت کرنے کیلئے فیضان نماز کورس اور دعوت اسلامی کے تحت رمضان اعتکاف کرنے کا ذہن دیا ۔اس مدنی حلقے میں اسلام آباد کےنیشنل ٹرینگ سینٹر فار اسپیشل پرسنز (NATIONAL TRAINING CENTRE FOR SPECIAL PERSONS ) کے 4نابینا اساتذہ اور 4 طلبہ اور 7 دیگر نابینا افرادنے شرکت کی۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ) / کانٹینٹ : محمد مصطفیٰ انیس) 

پچھلے دنوں دیوان خاص مارکی چنیوٹ روڈ بھوانہ   دعوت اسلامی کے تحت ہفتہ وار سنتوں بھرے اجتماع کا انعقاد کیا گیا جس میں بھوانہ اور اطراف سے کثیر تعداد میں عاشقان رسول نے شرکت کی ۔

اجتماع کا آغاز تلاوت کلام پاک اور نعت رسول ﷺ سے کیا گیا ۔ اس کے بعد نگران پاکستان مشاورت حاجی محمد شاہد عطاری نے شرکا سے سنتوں بھرا بیان کیا ۔ نگران پاکستان مشاورت نے نیکی کرنے کاجذبہ دیتے ہوئے رمضان اعتکاف کرنے کی ترغیب دلائی ۔

بیان کے بعد ذکرو دعا کا سلسلہ ہوا جس میں نگران پاکستان مشاورت نے دعا کروائی اور بعد اجتماع اسلامی بھائیوں نے نگرا ن پاکستان مشاورت سے ملاقاتیں بھی کیں ۔ (رپورٹ: عبد الخالق نیوز فالو اپ ذمہ دار / کانٹینٹ : محمد مصطفیٰ انیس) 

گزشتہ روز مدنی مرکز فیضان مدینہ فیصل آباد  سے نگران پاکستان مشاورت حاجی محمد شاہد عطاری نے شعبہ انٹرنل ڈیپارٹمنٹ کے ذمہ داران کا آن لائن مدنی مشورہ کیا۔

اس مدنی مشورے میں فنانس ڈیپارٹمنٹ کے متعلقہ رکن شوریٰ ، نگران مجلس و انٹرنل ڈپارٹمنٹ کے ذمہ داران ، صو با ئی مشاورت نگران ، ڈویژن و ڈسٹرکٹ نگران ، پاکستان سطح کے شعبہ جات کے متعلقہ اراکین شوریٰ و نگران مجالس نے بذریعہ وڈیو لنک شرکت کی ۔

جبکہ اس مدنی مشورے میں جامعۃالمدینہ بوائز / گرلز، مدرسۃالمدینہ بوائز / گرلز ، شعبہ فیضان مدینہ ان شعبہ جات کے متعلقہ اراکین شوریٰ ، نگران مجالس ، صوبائی و ڈویژن ذمہ داران نے بھی شرکت کی۔

نگران پاکستان مشاورت نے سنتوں بھرا بیان کیا اور اسلامی بھائیوں کو قیمتی مدنی پھولوں سے نوازا جس میں رمضان عطیات کے بارے میں ذہن سازی کی نیز 12 دینی کامو کے حوالے سے بھی گفتگو فرمائی ۔ (رپورٹ: عبد الخالق نیوز فالو اپ ذمہ دار / کانٹینٹ : محمد مصطفیٰ انیس) 

08 فروری 2023ء کو عالمی مدنی مرکز فیضان مدینہ کراچی میں اسپیشل پرسنز ڈیپارٹمنٹ (دعوت اسلامی)کے تحت ڈویژن ذمہ دار محمد زبیر عطاری(ساہیوال) نے 7 دن کا اشاروں کی زبان کا کورس (رہائشی) مکمل کروایا ،جس میں اسلامی بھائیوں کو اسپیشل پرسنز ڈیپارٹمنٹ میں دینی کام کرنے کے حوالے سے مختلف ذمہ داران نے تربیت کی ۔

ذمہ داران نے اسلامی بھائیوں کو اشاروں کی زبان میں نعت،بیان اور گونگےبہرے اسلامی بھائیوں سے گفتگوکرنے کا طریقہ سیکھایا ،اس کورس میں پاکستان بھر سے تقریباً41 اسلامی بھائیوں نے شرکت کی جبکہ کورس مکمل کرنے والے اسلامی بھائیوں کو اسپیشل پرسنز ڈیپارٹمنٹ کی جانب سے اسناد بھی دی گئی۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ) / کانٹینٹ : محمد مصطفیٰ انیس) 

پچھلے دنوں بہاولنگر میں مدنی مرکز فیضان مدینہ میں اطبائے کرام کی تربیت کے سلسلےمیں سیکھنے سکھانے کا مدنی حلقہ لگایا گیا جس میں جنرل سیکریٹری بہاولپور ڈویژن حکیم شفقت عمران، جنرل سیکریٹری ڈسٹرکٹ بہاولنگرحکیم عرفان ، ڈسٹرکٹ صدر اور دیگر اطبائے کرام نے شرکت کی ۔

ذمہ دارا سلامی بھائی نے ” درود شریف کی فضیلت “ پر سنتوں بھرا بیان کیا اور دعوت اسلامی کے شعبہ جات کا تعارف پیش کرتے ہوئے بہاولنگر میں فری طبّی کیمپ اور رمضان المبارک میں افطار اجتماع کے لئے مشاورت کی ۔ (رپورٹ: محمد عابد عطاری مدنی، معاون رکن شوری/ کانٹینٹ : محمد مصطفیٰ انیس) 

08 فروری 2023ء کو فیضان مدینہ ڈیرہ اللہ یار ،بلوچستان میں شعبہ ائمہ مساجد (دعوت اسلامی ) کے تحت سنتوں بھرا بیان منعقد کیا گیاجس میں مسجد انتظامیہ کے افراد ، مقامی ذمہ داران اور ائمہ مساجد نے شرکت کی ۔

مرکزی مجلس شوریٰ کے رکن حاجی محمد عقیل عطاری نے ” امامت کی اہمیت و فضیلت اور امامت کرنے کی ترغیب “ پر بیان کیا نیز احکام مسجد کورس میں مقامی مسجد کی انتظامیہ کے افراد کو، مسجد کے آداب و احکام کے موضوع پر تربیت کی اور وقف کے احکام و اسکے تحفظ کا طریقہ کار سمجھایا ۔(رپورٹ: محمد عابد عطاری مدنی، معاون رکن شوری/ کانٹینٹ : محمد مصطفیٰ انیس)

گزشتہ روز شعبہ رابطہ برائے وکلا(دعوت اسلامی) کے تحت ڈسٹرکٹ اینڈ سیشن کورٹ ملیر میں وکلا سے ملاقات کی ۔

اس دوران ذمہ داران نے ڈسٹرکٹ اٹارنی آفس میں افسران اسٹاف ، ملیر بار میں مختلف وکلا اور ملیر کورٹ کے اطراف میں مختلف چیمبرز میں وکلاکو نیکی کی دعوت پیش کرتے ہوئے انہیں بروز جمعہ 10 فروری 2023ء کو فیضانِ مدینہ کراچی میں ہونے والے وکلامیٹ اپ کی دعوت پیش کی۔ (رپورٹ: محمد صہیب یوسف عطاری ایڈوکیٹ معاون شعبہ رابطہ برائے وکلاکراچی سٹی مشاورت / کانٹینٹ: محمد مصطفیٰ انیس) 

گزشتہ روز شعبہ رابطہ برائے وکلا(دعوت اسلامی) کے تحت شاہ فیصل ٹاؤن ڈسٹرکٹ کورنگی میں مدنی مشورہ ہوا جس میں کراچی سٹی کے ڈسٹرکٹ ذمہ داران  نے شرکت کی ۔

نگران شعبہ رابطہ برائے وکلا عبد الواحد عطاری نے مدنی مشورہ لیتے ہوئے ذمہ داران کو شعبے کے دینی کاموں کی ترغیب دلائی اور آئندہ کے اہداف دیئے ۔ (رپورٹ: محمد صہیب یوسف عطاری ایڈوکیٹ معاون شعبہ رابطہ برائے وکلاکراچی سٹی مشاورت / کانٹینٹ: محمد مصطفیٰ انیس) 

گزشتہ روز مدنی مرکز فیضان مدینہ  فیصل آباد میں شعبہ رو حانی علاج کے تحت7دن کا کورس کروایا گیا جس میں پاکستان بھر کے صوبائی اور ڈویژن ذمہ داران نے شرکت کی ۔

کورس کے اختتام پر کورس میں شریک ہونے والے عاشقان رسول کی نگران پاکستان مشاورت حاجی محمد شاہد عطاری کی بارگا ہ میں حاضری ہوئی ۔ نگران پاکستان مشاورت نے کورس کر نے والے اسلامی بھائیوں میں سنتوں بھرا بیان کیا ، جس میں قیمتی مدنی پھولوں سے نوازا ۔

نگران پاکستان مشاورت نے شعبہ روحانی علاج کا تعارف کرواتے ہوئے بتایا کےیہ شعبہ پاکستان سمیت 33 ممالک میں کام کر رہا ہے ۔ پاکستان بھر میں تعویزات عطاریہ کے 1973 اسٹال لگائے جاتے ہیں جہاں ہر مہینے کم و بیش 6 لاکھ تعویذات فی سبیل اللہ دیئے جاتے ہیں۔

اس شعبے کے تحت دعائےشفاء اجتماعات بھی ہوتے ہیں جن میں دعائیں کی جاتی ہیں ۔

آخر میں نگران پاکستان مشاورت نے دعا کروائی اور اسلامی بھائیوں نے نگران پاکستان مشاورت سے ملاقاتیں بھی کیں ۔ (رپورٹ: عبد الخالق عطاری ، نیوز فالو آفس ذمہ دارنگران پاکستان مشاورت / کانٹینٹ: محمد مصطفیٰ انیس) 

گزشتہ روز پنجاب کے شہر لیہ مدنی مرکز فیضان مدینہ میں حکیم محسن ، حکیم عبد الرحمٰن فریدی  اور حکیم نعیم عطاری نے دورہ کیا ۔ نگران شعبہ رابطہ برائے حکیم نے انکا استقبال کیا اور فیضان مدینہ کاوزٹ کرواتے ہوئےفری طبّی کیمپ اور افطار اجتماع کے حوالے سے مشورہ کیا ۔

اسی طرح نگران شعبہ رابطہ برائے حکیم نے لیہ طبیہ کالج میں سیکھنے سکھانے کا مدنی حلقہ لگایا جس میں پرنسپل پروفیسر حکیم غلام رضا اور دیگر پروفیسر صاحبان نے شرکت کی ۔ مدنی حلقے کے بعد پروفیسر صاحبان نے نگران شعبہ سے ملاقات کی جس میں افطار اجتماع میں شرکت کرنے کی دعوت پیش کی جبکہ بہاولپورمدنی مرکز فیضان مدینہ میں نگران شعبہ نے اطبائے کرام کیساتھ مدنی مشورہ کیا اور فیضان مدینہ کا بھی وزٹ کروایا۔ (رپورٹ: شعبہ ربطہ برائے حکیم / کانٹینٹ: محمد مصطفیٰ انیس) 

پچھلے دنوں مدنی مرکز فیضان مدینہ ملتان میں شعبہ رابطہ برائے حکیم  کے تحت فری طبی کیمپ کا انعقاد کیا گیا جس میں جامعات اور مدارس کے اساتذہ کرام اور طلبہ ٔکرام کا فری چیک اپ کیاگیا اور فری ادویات دی گئی۔

اس موقع پر حکیم محمد حسان عطاری، حکیم محمد نعیم عطاری ، حکیم محمد فیصل عطاری اور حکیم محمد فیاض عطاری بھی موجود تھے۔ (رپورٹ: شعبہ ربطہ برائے حکیم / کانٹینٹ: محمد مصطفیٰ انیس)