لوگوں کی مختلف کورسز کے ذریعے دینی و اخلاقی تربیت کرنے والے دعوتِ اسلامی کے شعبہ مدنی کورسز کے تحت ذمہ دار اسلامی بھائیوں نے دینی کاموں کےسلسلے میں بصیرپور شہر کا دورہ کیا۔

اس دوران شعبہ مدنی کورسز کے تحصیل ذمہ دار میاں جہانگیر احمد حنیف عطاری نے مختلف شعبہ ہائے زندگی سے تعلق رکھنے والے اسلامی بھائیوں سے ملاقات کی جن میں سردار محمد افضل و ٹورئیس آف مکھنہ، ڈاکٹر محمود الحسن عطاری اور شہزاد عطاری سمیت دیگر عاشقانِ رسول شامل تھے۔

دورانِ ملاقات تحصیل ذمہ دار نے انہیں 5 فروری 2023ء کو بصیرپور شہر کی چند بستیوں اور آبادیوں (بستی اسلام آباد، ڈی 8، نہال مہار، آبادیِ برہان والی، پانا مہار اور مکھنہ شریف) میں ہونے والے 7 دن کے رہائشی فیضانِ نماز کورس میں شرکت کرنے کی دعوت دی۔

اس کے علاوہ تحصیل ذمہ دار نے اسلامی بھائیوں کو دعوتِ اسلامی کے مختلف شعبہ جات بالخصوص شعبہ مدنی کورسز کی خدمات کے حوالے سے اہم امور پر تبادلۂ خیال کیا۔

بعدازاں ذمہ دار نے سردار محمد افضل و ٹورئیس آف مکھنہ کو محبوب ٹاؤن اوکاڑہ میں ہونے والے ہفتہ وار سنتوں بھرے اجتماع میں شرکت کرنے اور مدنی مرکز فیضانِ مدینہ کا وزٹ کرنے کی دعوت پیش کی۔(رپورٹ:محمداحمدسیالوی عطاری رکن شعبہ مدنی کورسز، کانٹینٹ:غیاث الدین عطاری)

عالمی مدنی مرکز فیضانِ مدینہ کراچی میں شعبہ  فیضان آن لائن اکیڈمی کی جانب سے جاری 3 دن کےسنتوں بھرے اجتماع میں 30جنوری2023ء کو مسائل وقف پر تربیت کا سلسلہ ہوا۔

اس نشست میں دارالافتاء اہلِ سنت کے مفتی محمد سجاد عطاری مدنی نے’’مسائلِ وقف‘‘ کے موضوع پر خصوصی بیان کیا جس میں مفتی صاحب نے اجارہ وقت اور وقف کی اشیا کو بہتر انداز میں استعمال کرنے کے حوالے سے مدرسین کواحتیاطیں بیان کیں جس پر انہوں نے اچھی اچھی نیتیں کیں ۔(رپورٹ: محمد وقار یعقوب مدنی برانچ ناظم فیضان آن لائن اکیڈمی ،کانٹینٹ:رمضان رضا عطاری)

30جنوری2023ء کو فیضانِ مدینہ کراچی میں فیضان آن لائن اکیڈمی کے تحت  سیکھنے سکھانے کا حلقہ منعقدہوا جس میں فیضان آن لائن اکیڈمی پاکستان کے آئی ٹی ڈیپارٹمنٹ کے (HDS) ہیلپ ڈیسک سپورٹ کے اسلامی بھائیوں نے شرکت کی ۔

نگرانِ شعبہ مولانا یاسر عطاری مدنی اور رکن شعبہ مولانا سید غلام الیاس عطاری مدنی نے شرکا کی دینی و اخلاقی اعتبار سے تربیت کی انہیں شعبے کے دینی کاموں میں مزید بہتری لانے کےحوالے سے اہم نکات بھی بیان کئے ۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی ،کانٹینٹ:رمضان رضا عطاری)

29جنوری2023ء کو فیضانِ مدینہ کراچی میں فیضان آن لائن اکیڈمی کے پاکستان بھر کے مدنی عملے کا ٹریننگ  سیشن ہوا جس میں نگران مجلس ماہنامہ فیضانِ مدینہ مولانا مہروز عطاری مدنی نے سنتوں بھرا بیان کیا اور اسلامی بھائیوں کو دعوتِ اسلامی کے دینی کاموں میں مصروف رہنے کی ترغیب دلائی ۔

مزید ماہنامہ فیضانِ مدینہ کن کن مراحل سے ہوتا ہوا مکتبۃُ المدینہ پر پہنچتا ہے اس کا تعارف کروایا اور ماہنامہ فیضانِ مدینہ کی بکنگ کروانے کا ذہن دیا۔(رپورٹ: محمد وقار یعقوب مدنی برانچ ناظم فیضان آن لائن اکیڈمی ،کانٹینٹ:رمضان رضا عطاری)

دعوتِ اسلامی  کے زیر اہتمام جامعۃ ُ المدینہ بوائز پتوکی میں یکم فروری 2023ء کو 3 دن پر مشتمل 12 دینی کام کورس مکمل ہواجس میں جامعۃُ المدینہ بوائز کے اسٹوڈنٹس نے شرکت کی۔

جامعۃ ُ المدینہ کے اساتذہ کرام نے طلبۂ کرام میں 12دینی کام کرنے کے اہداف پر بیان کرتے ہوئے دعوتِ اسلامی کے 12 دینی کام کرنے کا طریقہ سکھایا اوراس حوالے سے ان کی تربیت کی۔آخر میں امتحان کا بھی سلسلہ ہوا۔(رپورٹ: علی ریاض عطاری تحصیل ذمہ دار شعبہ سیکیورٹی ڈیپارٹمنٹ، کانٹینٹ: رمضان رضا عطاری)

دعوتِ اسلامی کے شعبہ مجلس حج و عمرہ کے زیر اہتمام 01فروری 2023ء بروز بدھ بعدنماز عشاء جامع مسجد امدادیہ بنگلہ بازار مارکیٹ اورنگی ٹاؤن کراچی میں عمرہ ٹریننگ سیشن  منعقد ہوا جس میں ذمہ داران سمیت مقامی اسلامی بھائیوں نے شرکت کی۔

تلاوتِ قرآنِ پاک اور نعتِ رسولِ مقبول ‎ﷺ سے آغاز کیاگیا۔بعدازاں ڈسٹرکٹ ویسٹ ذمہ دار شعبہ حج و عمرہ مولانا توصیف عطاری مدنی نے سنتوں بھرا بیان کیا اور ٹریننگ سیشن میں شرکت کرنے والے اسلامی بھائیوں کو عمرے کی بنیادی معلومات فراہم کرتے ہوئے مختلف امور پر تربیت کی۔آخر میں صلوۃ و سلام ودعا کا سلسلہ بھی ہوا۔

واضح رہے کہ! اب سے جامع مسجد امدادیہ بنگلہ بازار مارکیٹ اورنگی ٹاؤن کراچی میں ماہانہ عمرہ تربیتی حلقہ منعقد کیا جائے گا جس کی پیشگی اطلاع میسج یا پوسٹ کے ذریعے دے دی جائے گی۔(رپورٹ:محمد زید عطاری مدنی، ٹاؤن ذمہ دار شعبہ حج و عمرہ ،اورنگی ٹاؤن)

پچھلے دنوں شعبہ رابطہ بالعلماء  دعوتِ اسلامی کی جانب سے سرکاری ڈویژن گوجرانوالہ کے ذمہ دار محمد ظہیر عباس عطاری مدنی اور تحصیل شکرگڑھ کے ذمہ دار جواد عطاری مدنی نے مولانا بلال رضا قادری صاحب( امام وخطیب جامع مسجد نقشبندیہ شکرگڑھ ڈسٹرکٹ نارووال) سے ملاقات کی ۔

معلومات کے مطابق محمد ظہیر عباس عطاری مدنی نے مولانا بلال رضا قادری صاحب کو دعوتِ اسلامی کے بیرون ممالک و پاکستان میں ہونے والے دینی کاموں کے حوالے سے آگاہ کیا نیز شعبہ آئی ٹی ڈیپارٹمنٹ کی دینی کاوشوں کے بارے میں بریفنگ دیتے ہوئے انہیں ماہنامہ فیضانِ مدینہ تحفتاًپیش کیا۔ ( کانٹینٹ:رمضان رضا عطاری)

یکم فروری 2023ء بروزن بدھ کوجامعۃالمدینہ بوائز فیضانِ بلھےشاہ بیرون بستی ولایتاں فقیر والا روڈ قصور میں ہونے والے 12 دینی کام کورس کی آخری نشست کا انعقاد کیا گیا۔

دورانِ نشست ناظمِ جامعۃالمدینہ بوائز مولانا آصف عطاری مدنی نے شرکا کے درمیان سنتوں بھرا بیان کرتے ہوئے انہیں دعوتِ اسلامی کے 12 دینی کاموں میں عملی طور پر شرکت کرنے اور دینی ماحول سے ہر دم وابستہ رہنے کی ترغیب دلائی۔

دعوتِ اسلامی کے شعبہ مدنی کورسز کے تحت یکم فروری 2023ء کوجامعۃالدینہ بوائز فیضانِ بلھےشاہ بیرون بستی ولایتاں فقیر والا روڈ قصور میں 3 دن پر مشتمل12 دینی کام کورس کا انعقاد ہوا جس میں طلبۂ کرام سمیت دیگر عاشقانِ رسول نے شرکت کی۔

دورانِ کورس شعبے کے معلم محمد وسیم عطاری نے شرکا کی تربیت و رہنمائی کرتے ہوئے انہیں طلبۂ کرام کے 92 نیک اعمال رسالے پر عمل کرنے اور نیک اعمال کے مطابق زندگی گزارنے کا ذہن دیا۔

اسی طرح معلم نے حاضرین کو دعوتِ اسلامی کے شعبہ مدنی کورسز کا تعارف کرواتے ہوئے انہیں مختلف کورسز میں شرکت کرنے اور مدنی قافلوں میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمداحمدسیالوی عطاری رکن شعبہ مدنی کورسز، کانٹینٹ:غیاث الدین عطاری)

شعبہ رابطہ برائے شخصیات دعوتِ اسلامی کے تحت یکم فروری 2023ء بروز بدھ ذمہ داران نے ملتان میں ڈپٹی سیکریٹری ہائر ایجوکیشن ساؤتھ پنجاب محمد عظیم قریشی (سابق مشیر وزیرِ اعلیٰ و ترجمان پنجاب حکومت محمد ندیم قریشی کے چھوٹے بھائی) سے ملاقات کی۔

اس موقع پر ذمہ داران نے ڈپٹی سیکریٹری سے دعوتِ اسلامی کے دینی، فلاحی اور علمی خدمات سمیت مختلف شعبہ جات کے ذریعے دنیا بھر میں ہونے والے کاموں پر تفصیلی گفتگو کی۔

علاوہ ازیں ڈپٹی سیکریٹری نے دعوتِ اسلامی کے مدنی مرکز فیضانِ مدینہ کا وزٹ کرنے کی یقین دہانی کروائی جبکہ ذمہ داران کی جانب سے انہیں مکتبۃالمدینہ کے کُتُب و رسائل تحفے میں دیئے گئے۔بعدازاں ایس ڈی پی او گلگشت غلام فرید خان سے بھی ذمہ داران کی ملاقات ہوئی۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

یکم فروری 2023ء بروز بدھ اسسٹنٹ کمشنر ملتان صدر سردار رانا ناصر شہزاد ڈوگرے سے دعوتِ اسلامی کے ذمہ دار اسلامی بھائیوں کی ملاقات ہوئی۔

دورانِ ملاقات ذمہ دار اسلامی بھائیوں نے اسسٹنٹ کمشنر سے مختلف اہم نکات پر مشاورت کرتے ہوئے انہیں دعوتِ اسلامی کے تحت ہونے والے دینی و فلاحی کاموں کے بارے میں بریفنگ دی جس پر انہوں نے اپنی نیک خواہشات کا اظہار کیا اور ہر ممکنہ تعاون کی یقین دہانی کروائی۔

اس کے علاوہ ذمہ داران نے اسسٹنٹ کمشنر کو مدنی مرکز فیضانِ مدینہ کا وزٹ کرنے کی دعوت دیتے ہوئے انہیں مکتبۃالمدینہ کے کُتُب و رسائل تحفے میں پیش کئے۔

بعدازاں ذمہ دار اسلامی بھائیوں نے تحصیلدار ملتان صدر رانا محمد امین سے بھی ملاقات کی۔(رپورٹ:شعبہ رابطہ برائے شخصیات اکیڈمی، کانٹینٹ: غیاث الدین عطاری)

دعوتِ اسلامی عالمی سطح پر لوگوں کو قراٰن و حدیث کی تعلیمات سے آگاہ کرنے اور اُن کے عقائد و نظریات کی حفاظت کرنے والی عاشقانِ رسول کی دینی تحریک ہے۔

اسی سلسلے میں 30 جنوری 2023ء بروز پیر عالمی مدنی مرکز فیضانِ مدینہ کراچی میں شعبہ فیضان آن لائن اکیڈمی بوائز کا تربیتی اجتماع منعقد ہوا جس میں پاکستان بھر کے اسلامی بھائیوں (اسٹاف) نے شرکت کی۔

اس اجتماعِ پاک میں وقتاً فوقتاً شعبے کے نگران اور اراکین سمیت دیگر ذمہ دار اسلامی بھائیوں نے شرکا کی تربیت کی اور مختلف موضوعات پر کلام کیا۔

علاوہ ازیں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کرتے ہوئے شرکا کی جانب سے ہونے والے سوالات کے جوابات دیئے۔

بعدازاں رکنِ شوریٰ حاجی عبد الحبیب عطاری نے پاکستان بھر سے نمایاں کارکردگی کے حامل اسلامی بھائیوں کے درمیان تحائف تقسیم کئے اور اُن کی حوصلہ افزائی فرمائی۔(رپورٹ:محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)