23 جنوری 2023ء کو شعبہ رابطہ برائے شخصیات دعوت اسلامی کی جانب سےذمہ دار فدا علی عطاری نے حاجی مسعود عطاری ، سٹی ذمہ دار شعبہ رابطہ برائے شخصیات ملتان  و دیگر ذمہ داران کے ہمراہ سابق وزیر اعظم یوسف رضا گیلانی کے بیٹے قومی اسمبلی کے ممبر مخدوم علی موسیٰ گیلانی سے ملاقات کی۔

تفصیلات کے مطابق ذمہ داران نے مخدوم علی موسیٰ کو دعوت اسلامی کاتعارف پیش کیا اور انہیں مدنی مرکز فیضان مدینہ وزٹ کرنے کی دعوت پیش کی نیز امیر اہل سنت دامت بَرَکَاتُہمُ العالیہ کارسالہ ”فیضان رجب “تحفے میں پیش کی ۔ اس موقع پر ذمہ داران نے سابق وزیر اعظم یوسف رضا گیلانی کی صحت یابی کے لئے دعا بھی کی ۔ (رپورٹ : شعبہ رابطہ برائےشخصیات عطاری مجلس ملتان/ کانٹینٹ : محمد مصطفیٰ انیس)

گزشتہ روز اوستہ محمد بلوچستان میں ڈسٹرکٹ نگران اوستہ محمد حاجی محمد پیارا عطاری اور ان کے ہمراہ کوآرڈینیشن ڈیپارٹمنٹ بلوچستان کے نگران محمد وقار عطاری نے الشمس رائس مِل کے اونر حاجی احمد رضا ابڑو سے ملاقات کی ۔

ذمہ داران نے دعوت اسلامی اور اسکی دینی و فلاحی خدمات کا تعارف پیش کرتے ہوئے نیکی کی دعوت پیش کی نیز29،28،27 جنوری کو عالمی مدنی مرکز فیضان مدینہ کراچی میں ہونیوالے مدنی مذاکروں میں شرکت کرنے کی ترغیب دلائی ۔

اس موقع پر کوآرڈینیشن ڈیپارٹمنٹ اوستہ محمد ضلع کے ذمہ دار حاجی امان اللہ عطاری ، نصیر آباد ڈویژن کے عُشر ذمہ دار کرم حسین عطاری ، کورسز ڈیپارٹمنٹ کے ذمہ دار شیر محمد عطاری بھی موجود تھے۔ (رپورٹ : کوآرڈینیشن ڈیپارٹمنٹ دعوت اسلامی بلوچستان / کانٹینٹ : محمد مصطفیٰ انیس) 

23 جنوری 2023ء کو سندھ سیکریٹریٹ کا دعوت اسلامی کے ذمہ داران نے دورہ کیا اور وہاں پر موجود شخصیات و افسران سے ملاقات کی ، ملاقات کے دوران ذمہ داران نے دعوت اسلامی کا تعارف اور اسکی دینی و فلاحی خدمات کے بارے میں بتایا نیز مدنی ہیلتھ کیئر سینٹر وزٹ کے حوالے سے بھی گفتگو ہوئی ۔

اسکے علاوہ ذمہ داران نے ماہنامہ فیضان مدینہ کا مطالعہ کرنے اور اس کی بکنگ کرنے کا ذہن دیا اور ماہِ رجب میں ہونیوالے مدنی مذاکروں میں شرکت کرنے کی دعوت پیش کی۔ (رپورٹ : شعبہ رابطہ برائےشخصیات عطاری مجلس کراچی / کانٹینٹ : محمد مصطفیٰ انیس) 

گزشتہ روز بلدیہ عالیہ ڈسٹرکٹ کورنگی کے ہیڈ آفس میں ایڈمنسٹریٹر ڈسٹرکٹ کورنگی شریف خان نے (مرحوم )میونسپل کمشنر وسیم مصطفیٰ سومرو کے ایصال ثواب کے لئے فاتحہ خوانی کا اہتمام کیا گیا جس میں شعبہ رابطہ برائے شخصیات دعوت اسلامی کے ذمہ داران سمیت ایڈمنسٹریٹرز و افسرانِ اعلیٰ نے شرکت کی ۔

ذمہ داراسلامی بھائی نے حاضرین کو نیکی کی دعوت پیش کی اور مرحوم کے لئے فاتحہ خوانی و دعائے مغفرت کی ۔ (رپورٹ : غلام محبوب عطاری ڈسٹرکٹ کورنگی / کانٹینٹ : محمد مصطفیٰ انیس) 

پچھلے دنوں ضلع جعفر آباد  ڈیرہ الہ یار شعبہ رابطہ برائے شخصیات دعوت اسلامی کے ذمہ داراسلامی بھائی نے قبائلی رہنما و بینک آفیسر میر حنبیر خان رِنْد سے ملاقات کی ۔

دوران ملاقات ذمہ دار اسلامی بھائی نے دعوت اسلامی کے دینی کاموں کے حوالے سے گفتگو کی اور انہیں 29،28،27 جنوری 2023ء کو عالمی مدنی مرکز فیضان مدینہ کراچی میں ہونے والے مدنی مذاکروں میں شرکت کرنے کی دعوت دی جس پر انہوں نے شرکت کرنے کی نیت کی ۔ (رپورٹ : محمد وقار عطاری شعبہ رابطہ برائے شخصیات بلوچستان/ کانٹینٹ : محمد مصطفیٰ انیس)

اسپیشل پرسنز ڈیپارٹمنٹ کے تحت 24 جنوری 2023ء بروز منگل جوہر ٹاؤن لاہو رمیں قائم مدنی مرکز فیضانِ مدینہ میں اسپیشل ایجوکیشنسٹ کا میٹ اپ ہوا جس میں اسپیشل  ایجوکیشن سے وابستہ سرکاری افسران، ڈائریکٹرز، ٹرینرز، یونیورسٹیز کے پروفیسرز، ڈاکٹر حضرات، تھیراپسٹ اور پرائیویٹ اداروں کے سربراہان سمیت دیگر پروفیشنلز نے شرکت کی۔

دورانِ میٹ اپ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے مختلف موضوعات پر گفتگو کرتے ہوئے اسپیشل پرسنز کے تعلیمی، مذہبی، فلاحی، اخلاقی اور بحالی اقدامات پر تبادلۂ خیال کیا۔

بعدازاں میٹ اپ میں شریک پروفیشنل حضرات نے رکنِ شوریٰ سے ملاقات کی جبکہ رکنِ شوریٰ نے اُن کے درمیان مکتبۃالمدینہ کے کُتُب و رسائل تقسیم کئے جس پر انہوں نے خوشی کا اظہار کیا۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ:غیاث الدین عطاری)

22 جنوری 2023ء بروز اتوار یوسی 4 چنیسر ٹاؤن کراچی کے وارڈ نمبر 4 میں دعوتِ اسلامی کے زیرِا ہتمام ایصالِ ثواب اجتماع کا انعقاد کیا گیا جس میں وارڈ، یوسی، ٹاؤن مشاورت و نگران  اور مسجد کی انتظامیہ سمیت اہلِ محلہ نے شرکت کی۔

اس اجتماعِ پاک کی ابتداء تلاوتِ قراٰن اور نعتِ رسولِ مقبول صلی اللہ علیہ و سلم سے کی گئی جبکہ مبلغِ دعوتِ اسلامی مولانا ثاقب شاہ عطاری مدنی نے ”مقامِ مصطفیٰ“ اور ”دنیا کی مذمت“ کے موضوعات پر سنتوں بھرا بیان کیا۔

علاوہ ازیں مبلغِ دعوتِ اسلامی نے عاشقانِ رسول کو 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد اشفاق علی عطاری، شعبہ تعلیم، چنیسر ٹاؤن، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت گزشتہ روز پشاور کے علاقے حیات آبا دمیں واقع اسپیشل ایجوکیشن سینٹر میں سیکھنے سکھانے کا حلقہ لگایا گیا جس میں اسٹوڈنٹس سمیت دیگر اسلامی بھائیوں نے شرکت کی۔

پچھلے دنوں شعبہ مدرسۃالمدینہ بوائز دعوتِ اسلامی کے تحت ایک ماہ (20 دسمبر 2022ء تا 20 جنوری 2023ء) کا مدنی قافلہ پاکستان کے شہر گجرات سفر پر روانہ ہوا جس میں گجرات ڈویژن ذمہ مدرسۃالمدینہ بوائز قاری محمد شفاقت عطاری سمیت دیگر اسلامی بھائیوں نے شرکت کی۔

دورانِ مدنی قافلہ اسلامی بھائیوں نے مختلف مساجد میں نیکی کی دعوت دیتے ہوئے عاشقانِ رسول کودعوتِ اسلامی کے دینی کاموں میں شمولیت اختیار کرنے، بالخصوص ایک ماہ کے مدنی قافلے میں سفر کرنے کا ذہن دیا جس پر کئی اسلامی بھائیوں نےاچھی اچھی نیتیں کیں۔

اس کے علاوہ شرکائے مدنی قافلہ کو درس وبیان دینے کا طریقہ سکھایا گیا نیز انہیں ہر سال ایک ماہ کے مدنی قافلے میں سفر کرنے اور دعوتِ اسلامی کے دینی کاموں میں بڑھ چڑھ کر حصہ لینے کی نیت کروائی گئی۔

واضح رہے اس مدنی قافلے میں اسلامی بھائیوں کی کوشش سے کم و بیش 153 عاشقانِ رسول نے ہاتھوں ہاتھ ایک ماہ کے مدنی قافلے میں سفر کرنے کی سعادت حاصل کی۔(رپورٹ:قاری محمد شفاقت عطاری ڈویژن ذمہ دار مدرستہ المدینہ بوائز، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت مدنی مرکز فیضانِ مدینہ علی ٹاؤن سرگودھا میں جاری 63دن پر مشتمل تربیتی کورس کے شرکا کے لئے ایک نشست کا انعقاد کیا گیا۔

نگرانِ سرگودھا ڈویژن مشاورت محمد عادل رضا عطاری نے شرکا کی تربیت و رہنمائی کرتے ہوئے انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد بلال عمر عطاری ذمہ دار شعبہ مدنی چینل عام کریں سرگودھا سٹی، کانٹینٹ:غیاث الدین عطاری)

24 جنوری 2023ء بروز منگل دعوتِ اسلامی کے مدنی مرکز فیضانِ مدینہ فیصل آباد میں مدنی مشورے کا انعقاد ہوا جس میں مدرسۃالمدینہ بوائز فیصل آباد کےتمام ناظمین و مدرسین کی شرکت رہی۔

معلومات کے مطابق دورانِ مدنی مشورہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں سے شعبے کی سابقہ کارکردگی کا جائزہ لیا اور آئندہ کے اہداف طے کئے جس میں مدرسۃالمدینہ بوائز کی ہر برانچ میں مدرسۃالمدینہ بالغات شروع کروانا، 15 سال یا اس سے زائد عمر کے طلبہ کو ذیلی نگران /وارڈ نگران بنانا اور 3 دن کے مدنی قافلوں میں سفر کرنا شامل تھا۔

مزید نگرانِ پاکستان مشاورت نے رمضان عطیات کے حوالےسے شرکائے مدنی مشورہ کی ذہن سازکی اور کہا کہ آئندہ سال کے لئے اپنے مدرسۃالمدینہ بوائز کو خود کفیل بنانا ہے۔

آخر میں نگرانِ پاکستان مشاورت حاجی محمد شاہد عطاری نے اختتامی دعا کروائی۔(رپورٹ:عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

انبیائے کرام عَـلَـيْهِمُ السَّلَام ورسل عظام عَـلَـيْهِمُ السَّلَام کے بعد امیر المؤمنین حضرت سیّدناابوبکر صدیق رضی اللہ عنہ تمام مخلوق میں سب سے افضل اور اعلیٰ ہیں۔ آپ رضی اللہ عنہ وہ خوش نصیب صحابی ہیں جو رسول اللہ صَلَّى اللهُ عَلَيْهِ وَسَلَّمَ کےبچپن کے ساتھی تھے۔

آپ رضی اللہ عنہ عشقِ رسول، خوفِ خدا، علم و حکمت، ایثار، قربانی اور صبر و استقامت کا مثالی نمونہ تھے۔ آپ رضی اللہ عنہ نے مَردوں میں سب سے پہلے ایمان لانے کی سعادت حاصل کی اور زندگی کی آخری سانس تک آپ صَلَّى اللهُ عَلَيْهِ وَسَلَّمَ کی خدمت واطاعت کرتے رہے۔

فیضان اسلامک اسکول سسٹم کے کیمپسز میں طلبہ کو امیر المؤمنین حضرت سیّدنااابوبکر صدیق رضی اللہ عنہ کی سیرت سے آگاہ کرنے کے لئے یومِ صدیق اکبر رضی اللہ عنہ منایا گیا۔اس موقع پر کیمپسز میں خوب صورت چارٹس چسپاں کئے گئے تھے۔