25 فروری 2021 ء بروز جمعرات لاہور فیضان مدینہ جوہر ٹاؤن میں بٹ خیلہ، مالاکنڈ ایجنسی کے صحافیوں کی آمد ہوئی جن کامیڈیا ڈیپارٹمنٹ آف دعوت اسلامی  کے اراکین مجلس عثمان عطاری، اور شہزاد مدنی نے استقبال کیا۔

صحافیوں کو دعوت اسلامی کے مختلف شعبہ جات کا تعارف کروایا اور دعوت اسلامی کے لاہور میں موجود مختلف مراکز و مدارس کا صحافیوں کو دورہ کروایا۔

مدرسة المدینہ کنزالایمان جوہر ٹاؤن اور جامعۃ المدینہ فیضان عطار ڈیفنس کا دورہ کروایا۔جامعۃ المدینہ کے پرنسپل مولانا عاصم مدنی نے صحافیوں کو بریفنگ دی اور دعوت اسلامی کے دینی کاموں کے بارے میں آگاہ کیا۔

بعد نماز ظہر فیضان مدینہ کاہنہ نو فیروز پور روڈ کا دورہ کروایا۔مدرسۃ المدینہ کاہنہ نو کے پرنسپل اور دیگر فیضان مدینہ کے عملہ نے مدنی قافلے کا استقبال کیا۔ فیضان مدینہ کاہنہ نو میں موجود فیضان آن لائن اکیڈمی اور مسجد و مدرسہ کا دورہ کروایا۔نماز عصر باجماعت فیضان مدینہ میں کاہنہ نو میں ادا کرنے کے بعد ، لاہور کے علاقے مزنگ میں واقع خواتین کی زیر تعمیر 6منزلہ تربیت گاہ کا دورہ کروایا۔