کنزُالمدارس بورڈ کے شعبہ جاب پلیسمنٹ کے تحت عالمی مدنی مرکز فیضان مدینہ کراچی میں کیرئیر کونسلنگ اجتماع کا انعقاد کیا گیا جس میں جامعۃُ المدینہ سے فارغ التحصیل مدنی اسلامی بھائی اور دیگر شعبہ جات سے وابستہ اسلامی بھائیوں کی ایجوکیشنل کیرئیرکونسلنگ کے متعلق راہنمائی کی گئی۔

اپنی تعلیمی اور پروفیشنل صلاحیتوں کو استعمال کرتے ہوئے معاشرے میں نیکی کی دعوت اور معاشرے کی اصلاح میں اپنا کردار ادا کرنے کے حوالے سے تربیت کی گئی۔علاوہ ازیں ذمہ داران کی طرف سے کیرئیر کونسلنگ کے متعلق کئے گئے سوالات کے جوابات بھی دیئے گئے جس پر شرکا نے اچھے تاثرات کا اظہار بھی کیا۔

اس اجتماع میں شعبہ جاب پلیسمنٹ کراچی کے ذمہ دار یحییٰ عطاری، کیرئیرکونسلنگ ذمہ دار ڈاکٹر حافظ احمد سعید عطاری مدنی، جاب پلیسمنٹ نگران حافظ ساجد سلیم عطاری مدنی اور کنسلٹنٹ کنزالمدارس بورڈ پروفیسر جاوید اسلم باجوہ عطاری موجود تھے۔ ( کانٹینٹ:رمضان رضا عطاری)