کنزالمدارس بورڈ پاکستان (دعوتِ اسلامی) کے ذیلی شعبہ جاب پلیسمنٹ کے تحت گزشتہ روز مرکزی جامعۃ المدینہ بوائز فیضانِ مدینہ ملتان میں کیرئیر کونسلنگ اجتماع کا انعقاد کیا گیا جس میں 5th, 6th, 7th (درجہ خامسہ،سادسہ، سابعہ) اور فائنل ائیر (درجہ دورۃ الحدیث)کے طلبہ کرام نے شرکت کی۔

تلاوتِ قراٰن اور نعتِ رسولِ مقبول صلی اللہ علیہ و سلم کے بعدمختلف موضوعات پر مشاورت ہوئی جس میں کیرئیر کونسلنگ ذمہ دار مولانا ڈاکٹر حافظ احمد سعید عطاری مدنی اور مولانا حافظ ساجد سلیم عطاری مدنی(پی ایچ ڈی اسلامک اسکالر) نے طلبۂ کرام سے ایجوکیشنل،جابز اعلیٰ تعلیم(ایم فل/پی ایچ ڈی) اوردیگر تعلیمی امور کے متعلق گفتگو کی۔

آخر میں طلبۂ کرام کی جانب سے مختلف سوالات ہوئے جس کے ذمہ دار اسلامی بھائیوں نے جوابات دیئے۔(رپورٹ: مولاناساجد سلیم عطاری مدنی معاون رکنِ شوریٰ مولاناحاجی جنید عطاری مدنی ، کانٹینٹ:غیاث الدین عطاری)