دارالمدینہ انٹرنیشنل یونیورسٹی اسلام آباد کا عربی ڈیپارٹمنٹ، اسلامیہ یونیورسٹی بہاولپور کے Associate پروفیسر ڈاکٹر حافظ محمد اکرم الازہری نے خصوصی دورہ کیا۔ اس موقع پر انہوں نے یونیورسٹی کے تعلیمی و تدریسی شعبہ جات کا تفصیلی جائزہ لیا۔

دورے کے دوران معزز مہمان نے مختلف سطحوں کی کلاسز میں جا کر تدریسی عمل کا مشاہدہ کیا اور تعلیمی ماحول کو سراہا۔ بعد ازاں انہوں نے ڈی این فیکلٹی آف لینگویجز و فیکلٹی آف شریعہ اینڈ اسلامک اسٹڈیز ڈاکٹر ممتاز احمد سدیدی اور دیگر اساتذہ کے ساتھ ایک اعلیٰ سطحی تعلیمی نشست میں شرکت کی۔ اس ملاقات میں باہمی دلچسپی کے امور، تدریسی طریقہ کار اور نصابی بہتری پر تفصیلی تبادلہ خیال کیا گیا۔

یونیورسٹی انتظامیہ کے مطابق اس نوعیت کی علمی و تدریسی سرگرمیاں مختلف اداروں کے درمیان تعلیمی مہارتوں کے تبادلے اور باہمی تعلقات کو مضبوط بنانے میں اہم کردار ادا کرتی ہیں۔ اس سے بالخصوص عربی زبان اور اسلامی تعلیمات کے شعبے میں تعلیمی معیار کو مزید بہتر بنانے میں مدد ملے گی۔