دعوت اسلامی  کی مجلس مدرسۃالمدینہ للبنین کے تحت18 دسمبر2019 ء بروزبدھ کو گگو منڈی ملتان روڈ میں سنتوں بھرا اجتماع ہوا جس میں علاقے کی سیاسی وسماجی شخصیات، شہر کے تاجر، دیگر عاشقان رسول کے ساتھ مدرسے کے طلبہ کےسرپرستوں نے بھی شرکت کی۔ اس موقع پر نگران کابینہ بہاولپور نے قرآن مجید کی عظمت اور اپنے بچوں کو قرآن پڑھانے کی فضیلت پر بیان کیا اور ساتھ ہی اس بات کی طرف بھی توجہ دلائی کہ بچہ اپنے والدین سے اثر لیتا ہے اس لئے گھر میں پیارے آقا صلَّی اللہ علیہ واٰلہٖ وسلَّم کی سنتوں کو خود بھی اپنائیں، نماز کی پابندی کریں، ہفتہ وار اجتماع میں شرکت کریں،مدنی چینل دیکھیں اور گھر میں بچوں کو دیکھنے کی ترغیب بھی دلائیں۔ (رپورٹ :محمد رمضان عطاری، نگران کابینہ بہاولپور)