دعوتِ اسلامی کے شعبہ شارٹ کورسز کے زیر اہتمام بن قاسم ڈویژن گُلشن حدید کراچی میں قائم  جامعۃ المدینہ گرلز فیضانِ رضا میں 20 نومبر 2021ء بروز ہفتہ سے 2دسمبر 2021ء بروز بدھ تک 12 دن پر مشتمل دینی کام کورس کا انعقاد ہواجس میں زون نگران، زون و کابینہ مشاورت اسلامی بہنوں نے درجہ ثالثہ کی طالبات میں 8 دینی کاموں کا تعارف پیش کرتے ہوئے انہیں دعوت اسلامی کے شعبہ جات کے متعلق مدنی پُھول دیئے۔

ساتھ ہی دعوت اسلامی کے دینی کام کرنے کا طریقہ بھی سمجھایا اور کارکردگی فارمز فل کرنا بھی سکھائے نیز ہفتہ وار سنتوں بھرے اجتماعات، محافلِ نعت اور سیکھنے سکھانے کے ماہانہ دینی حلقے کے پریکٹیکلز بھی کروائے ۔ طالبات نے کورس کے اختتام میں مختلف شعبہ جات کی ذمہ داری لینے اور دینی کام کرنے کی نیتیں پیش کیں۔ کورس کے آخری دن طالبات میں تحائف بھی تقسیم کئے گئے۔